ETNOPSİXOLOGİYA
329
sevgilərini izah edən hədiyyələr verir. Bu hədiyyələrin başında isə
sadə, amma bir o qədər mənalı çiçəklər gəlir. Sevginizi şokolad və
ya göndərəcəyiniz bir kart ilə də izah etməyiniz mümkündür. Bu
xüsusi gündə yanınızda həqiqətən sevdiyiniz birinin olması və
sevginizin qarşılığının olduğunu bilmək hər halda çox əhəmiy-
yətlidir.
5.3. Afrika ölkələri
Dənizin ağ qartalı aparır məni
Yad fransız “bu günündən”
Doğma Afrika sonsuzluğuna.
L.S.Senfor
Hal-hazırda Afrikada 500-dən 8500-ə qədər etnik qrup və
2000 dil vardır. Bu dillər 29 dil ailəsinə bölünürlər.
Mədəni-etnoqrafik və etnopsixoloji xüsusiyyətlərinə görə
Afrika 2 əyalətdən: Şimali Afrika (Misir, Liviya, Tunis, Əlcəzair,
Mərakeş, Qərbi Saxara, Mavritaniya, Sudan Respublikas, Mali və
Nigeriya) ərəb və bərbərlərdən; Tropik Afrika əyalətləri isə
zəncioid irqindən ibarətdir. Əhalisinin 30%-i müsəlman sünni və
25%-i xristianlar Qərbi Afrika, Qərbi Sudan, Ekvatorial, Cənibi
Afrika, Şərqi Afrika, Madaqaskar adalarında məskunlaşmışdır.
Afrikalılar qloballaşmanın təsirinə məruz qalsalar da, məkana
identifikasiyalarını qoruyub saxlayırlar. Afrikalının zaman və
məkan qavrayışı Avropalıdan çox fərqlənir. Afrikalı üçün zaman-
indi, məkan isə buradır. Qavrayış proseslərinin etnik mədəniyyəti
zamana rasional həyat rəngləri verir, saatı lazımsız ağır yük və
zamanı dəyişməyən öz kölgəsi bilir.
Afrikada mövcud olan etnik qruplar ailə və nizamsız
birləşmiş insan qruplarından ibarətdir. Bu ailələr içərisində ən
böyüyü Bantu xalqının ailəsidir. Bantu xalqı dil yaxınlığı,
mədəniyyət eyniliyi və özünüdərkə görə fərqlənir. Bantu xalqları
Tropik və Mərkəzi Afrikada – Gana, Benin, Gabon, Togo, Keniya,
Uganda, Kamevun, Zair, Kongo, Seneqal və başqa yerlərdə
|
