Microsoft Word etno kitab son srift 12

ETNOPSİXOLOGİYA 
16 
istifadə etməklə gəlmək olar. Etnik xüsusiyyət etnopsixologiyanın 
başqa elmlərlə qarşılıqlı əlaqəsində əsas orientir kimi çıxış edir və 
bu əlaqənin məzmununu təşkil edir. Etnopsixologiya sosial 
proseslərin etnik müxtəlifliyini öyrənərkən etnososiologiyaya, etno-
sun dil xüsusiyyətlərini isə etnolinqvistikanın əldə etdiyi nəticələrə,
etnosun aliə-nigah münasibətlərini, cinsi tabuları, etnosun sayının 
dinamikasını, emiqrasiyasını və s.demoqrafik məsələləri araşdırar-
kən etnik demoqrafiyaya, etnosun yayılma xüsusiyyətini və başqa 
etnoslarla ərazi baxımından qarşılıqlı əlaqəsini, etnosun məskun-
laşma formasını (oturaq və ya köçəri) öyrənərkən isə etnocoğ-
rafiyanın əldə etdiyi faktlara istinad etməkə ümumiləşdirir. Hər 
şeydən əvvəl, etnopsixologiyanın ümumi psixologiya ilə əlaqəsi 
daha yaxındır. Etnopsixologiya ümumiyyətlə psixologiya elminin 
sahələrindən biri olduğuna görə ümum psixologiyanın əldə etdiyi 
qanunayuyğunluqlara əsaslanır. Bununla yanaşı etnopsixologiya 
psixoloji fənlərin mövcud təsnifatına əsasən insanın cəmiyyətə 
münasibət sahəsinə daxildir. Etnopsixologiyanın sosial psixolo-
giya ilə qarşılıqlı əlaqəsi daha qabarıq şəkildə özünü göstərir. 
Sosial psixologiyaya daha yaxın olduğuna görə sosial psixologiya 
sahəsində əldə edilmiş qanunauyğunluqlara istinad edir, özünün 
ümumi prinsiplərini, metodlarını ondan alır. Sosial psixologiya 
əsasən qrup psixologiyası, xüsusilə qrup şəraitində insanların 
davranış xüsusiyyətlərini eləcə də qarşılıqlı təsir və münasibət 
məsələlərinin sosial psixoloji əsaslarını, eləcə də qrup şəraitində 
ünsiyyət və şəxsiyyətin psxixoloji qanunauyğunluqlarını öyrənir. 
Bu mənada etnopsixologiya öz predmetini tədqiq edərkən sosial 
psixologiyanın qrup psixologiyası ilə bağlı əldə etdiyi ümumi 
qanunauyğunluqlara istinad edir. Etnopsixologiya ilk növbədə, 
etnoqrafiya, etnoloqiya və antropologiya ilə əlaqəlidir. Etnoq-
rafiya, etnologiya və antropologiya elm sahələri kimi müxtəlif 
dövrlərdə meydana gəlsə də hər üçü bəşəriyyətin mədəniyyətinin 
elmi cəhətdən öyrənilməsi ilə məşğuldur. Fransız antropoloqu 
K.Levi-Stros qeyd edir ki, etnoqrafiya, etnologiya və antropolo-
giya insan mədəniyyətinin elmi idrakı prosesinin üç ardıcıl 

---