Microsoft Word etno kitab son srift 12

ETNOPSİXOLOGİYA 
206 
kifayətlənəcəksən, şükr etməyi və istəklərini tənzimləməyi qəbul 
edəcəksən.
Hindistan dünyada öz geyimlərinin orijinallığı ilə də seçilir. 
Bu geyimlərdə milli-etnik xüsusiyyətlər, ənənəvilik özünü göstərir. 
Tarixin müəyyən dövrlərində müxtəlif mədəniyyətlərin təsiri ilə 
geyimlərdə müxtəlif dəyişikliklər olsa belə müəyyən xüsusiyyətlər 
saxlanılmış, təkmilləşdirilmiş və özünüəməxsusluğunu qoruyub - 
saxlamışdır. 
Hind qadın geyimləri özünün parlaq rəngləri, parçanın 
baxımlı təsvirləri ilə seçilir, hər bir regionun özünəməxsus 
emosiyası və əhval ruhiyyəsinin izahedicisinə çevrilir. Hind 
paltarları rəng dolğunluğu, rahatlığı ilə məşhurdur. Qadınların 
geyindiyi sari qadına xas zərifliyi göstərir. Hind xalqlarının 
geyimləri hind mədəniyyəti kimi rəngarəngdir. Hər kənd, şəhər, 
region bir-birindən təkcə həyat şəraitinə, dilinə, dininə, 
yeməklərinə və s. görə deyil, geyimlərə, onların rəng çalarlarına, 
paltarların geyinilməsi üsullarına görə fərqlənirlər. Parlaq rənglər, 
bahalı parçalar, ağır, qiymətli bəzəklər məhsuldarlığı, evliliyi ifadə 
edir. Bu geyimlər dul qadınların bəzəksiz cansıxıcı geyimlərindən 
ciddi şəkildə fərqlənir.
Müasir dövrdə hindlilər ənənəvi geyim mədəniyyətini 
qoruyub saxlasalar da az hallarda Qərbin geyim tərzinin təsiri də 
hiss olunur. Qərb dəbinin təsirlərinə baxmayaraq, hindlilər 
gündəlik həyatlarında, bayramlar, ailə ziyafətləri, rəsmi mərasimlər 
də ənənəvi paltarlarını geyinməyə üstünlük verirlər.
Müasir dövrdə Hindistan qadınlarının əksəriyyəti “sari” 
geyinir, bu gözəl parçanın hazırlanmasında ayrı-ayrı adamlar deyil, 
az qala bütün şəhər əhalisi, qadın-kişi, hindiust-müsəlman iştirak 
edir, bu sənət sahəsi hamını birləşdirir.
Hind paltarları olduqca rahatdır. Bir sıra hallarda kişi, qadın, 
uşaq geyimləri bir-birindən mahiyyətcə, ciddi şəkildə fərqlənmir, 
lakin dini, etnik, regional müxtəliflik geyimlərə də sirayət etmişdir.
Hindistan öz mətbəxi, qida mədəniyyəti ilə də dünyada 
fərqlənir. Həyatlarının digər sahələrində olduğu kimi qida 

---