MƏKTƏB RİYAZİYYAT KURSUNDA VEKTOR METODUNUN TƏTBİQİ İMKANLARI
Gülçin MƏMMƏDOVA
Azərbaycan Dövlət Pedaqoji Universiteti
gulcin_402@list.ru
AZƏRBAYCAN
Vektorlar, birincisi, özünün tətbiqi xarakteri ilə fərqlənir. Müasir tələblərə uyğun olaraq, şagirdlər aldıqları nəzəri
bilikləri praktikada tətbiq etməyi bacarmalıdırlar. Bu mənada vektorlar tətbiqi xarakterli məsələlərin həllində istifadə olunan
yaxşı materialdır.
İkincisi, “vektor” – mücərrəd anlayışdır.
Üçüncüsü, ümumtəhsil məktəblərində vektorların müasir tələblərə uyğun öyrənilməsi metodikası yoxdur. Qismən
buna haqq qazandırmaq olar, ona görə ki, vektorlar məktəb riyaziyyat kursuna yaxın zamanlarda (əsrin dörddə birinə yaxın
zaman vektorlar məktəb həndəsə kursuna daxil edilmişdir) daxil edilmişdir.
Uyğun tədris- metodik vəsaitlərin olmaması, şübhəsiz, şagirdlərin biliklərin keyfiyyətinə öz təsirini göstərir. Belə ki,
eksperimental işlərin aparılması prosesində “Vektor nədir?”,”Vektorlar harada tətbiq olunur?”, “Vektorları nə üçün
öyrənirlər?” kimi suallara düzgün cavab verə bilməyən şagirdlərlə rastlaşmışıq.
Yuxarıda izah olunanları və vektorların orta ümumtəhsil məktəblərində öyrənilməsinə aid apardığımız tədqiqat
işlərinin nəticələrini nəzərə alaraq uyğun dərslərin aparılması prosesində riyaziyyat müəlliminin istifadə edəcəyi material
hazırlamışıq.
Onlardan biri “vektor metodun əhəmiyyəti” adlanır.
1. Vektor aparatı təbiət hadisələrinin araşdırılmasında öz tətbiqlərini tapır. Məktəb fizika kursunun bir sıra qanunları
“vektor dili”ndə ifadə olunur. Vektorlar riyaziyyatın və fizikanın əlaqəli öyrənilməsini həyata keçirməyə imkan verir;
| 
