Microsoft Word Materiallar Full

II INTERNATIONAL SCIENTIFIC CONFERENCE OF YOUNG RESEARCHERS 

594 

 Qafqaz University                         

          18-19 April 2014, Baku, Azerbaijan 

AZƏRBAYCAN TƏHSİL SİSTEMİNDƏ ORTA MƏKTƏB MÜƏLLIMLƏRİNİN                           

İKT BACARIQLARININ İNKİŞAF ETDİRİLMƏSİ METODLARI 

 

Əli HƏSƏNOV

 

AMEA İnformasiya Texnologiyaları İnstitutu  

[e-mail] 

AZƏRBAYCAN 

 

Müasir dövrdə qloballaşan dünyamızda İnformasiya və Kommunikasiya Texnologiyaları (İKT) çox böyük sürətlə inkişaf 

etməkdədir.İKT həyatın hər bir sahəsində öz yerini tutaraq genişləməkdədir.  Bu da öz növbəsində sənaye cəmiyyətindən 

informasiya cəmiyyətinə keçidi sürətləndirməktədir. İnformasiya cəmiyyətinin xüsusiyyəti ondan ibarətdir ki, əhali müasir 

İKT-dən istifadə edərək ehtiyac duyduğu məlumatları əldə edə bilir, saxlaya bilir, ötürülməsini təmin edə bilir. 

İKT-nin inkişafı  təhsil sahəsinin inkişafına da təsir göstərməkdədir. Bu baxımdan gələcəyimizi quracaq 

müəllimlərimizin hərtərəfli inkişafını təmin etmək üçün onların İKT bacarıqlarını inkişaf etdirmək günün əsas tələblərindən 

biridir. Bu sahədə inkişaf etmiş ölkələrin təcrübəsinin öyrənilməsi və bunlardan faydalanaraq ölkəmizdə  tətbiq edilməsi 

imkanlarının araşdırılması qarşıya məqsəd kimi qoyula bilər. Qonşu Türkiyə Cümhuriyyətində müəllimlərin  İKT 

bacarıqlarının inkişafı proqramı Təhsil Nazirliyinə bağlı Hizmetiçi Eğitim Daire Başkanlığı (HEDB) tərəfindən aparılır [1]. 

HEDM hər il Təhsil nazirliyinə görüləcək işlərin planını hazırlayıb təqdim edir. Bu plana görə müəllimlərlə  əsasən 2 

istiqamətdə fəaliyyətlər aparırlar: 

  Əsas İKT bilikləri və bacarıqlarını aşılamaq 

  “Kompyuter innovativ müəllimlər”in köməyi ilə müəllimlərin təlim-tədris fəaliyyətlərində  İKT imkanlarından   

istifadə edə bilməsini təmin etmək 

HEDB-dən  əlavə  məktəb rəhbərlikləri universitetlərlə  əməkdaşlıq edərək bu növ fəaliyyətləri həyata keçirirlər. 

Universitetlərdən müvafiq ixtisaslar üzrə  təcrübəli müəllim heyəti tərəfindən orta məktəb müəllimlərinə kurslar təşkil 

edirlər.