Microsoft Word navoiy saddi iskandariy nazm lotin ziyouz com doc

www.ziyouz.com
kutubxonasi 
425
Yeshitmasga hukmung va lekin ne hadg‘ 
Emas erdi xoqonu qaysar so‘zi 
Ki, ul noma erdi Skandar so‘zi. 
Tanim durjig‘a pok gavhar qanig‘ 
Baru bahr shohi Skandar qanig‘!» 
Bu oyin ila ul bo‘lib nuktarez, 
Xaloyiq ichiga tushub rustaxez. 
Kelur erdilar tortib afg‘onu oh, 
Anga tegrukim shahg‘a oromgoh. 
Chu ul tanni madfang‘a yetkurdilar, 
Degil ruhni tang‘a yetkurdilar. 
Qilib tiyra tufroq bag‘rin xarosh, 
Yoshurdilar ul tufroq ichra quyosh. 
Erur rasm ushbu kuhan toq aro, 
Quyosh botmog‘i tiyra tufroq aro
9
. 
Ko‘mub tiyra tufroqqa ravshan tanin, 
Yasab yuz tuman zeb ila madfanin. 
Sipehr atlasin qabrpo‘sh ettilar, 
Necha kun fig‘onu xuro‘sh ettilar. 
Ham oxir ko‘ngulni bori tindurub, 
Ko‘ngulda havas xorini sindurub. 
Fig‘on necha aylab, navo topmayin, 
Ul ozurdaliqqa davo topmayin. 
Tutub borcha oyini xursandliq, 
Qazo hukmig‘a sabrpayvandliq. 
Ayoqchi, ichim keldi g‘amdin batang, 
Keturgil to‘lo sog‘ari lolarang. 
Ki, chun bo‘lsa oni sumurmak manga, 
Ish o‘lg‘ay hamul dam o‘kurmak manga. 
Mug‘anniy, kelu navha ohangi tuz, 
Buzug‘ ko‘nglumizni yana dog‘i buz 
Ki, ham motamiy qildi, ham g‘amzada, 

---

Alisher Navoiy. Saddi Iskandariy 
www.ziyouz.com
kutubxonasi 
426
Firoq ichra bizni bu motamkada. 
Navoiy, jahondin vafo istama, 
Tutub benavolig‘, navo istama! 
Birovga jahondin yetishmas ano 
Kim, ul tutsa oyini faqru fano. 
LXXXI
Yeti hakimning Iskandar onasig‘a azo tekurgali kelmaklari va har birining duo va sano gulruxlarig‘a 
o‘zga iborat debolari libosi kiydurub jilva bergoni va tahsin va ofarin mahvashlarig‘a o‘zga alfoz 
gavharlari zevarin toqqoni va ul dog‘i yeti falak qoshida dahr zolidek o‘zni past tutb, alarg‘a ma’zirat 
oshkor qilg‘oni
Bu motamsaroy
1
ichragi navhagar, 
Teshar elga bu navha birla jigar 
Ki, Iskandar etti chu qat’i hayot, 
Anosig‘a bo‘ldi qaro koinot. 
Nechukkim vasiyat yozib erdi shoh, 
Amal qildi Bonuyi iffatpanoh
2
. 
Ishe qildikim, hargiz ul nav’ ish, 
Jahon ahlidin hech kim qilmamish. 
Bo‘lub voqif ul ishdin ahli yaqin, 
Qilib har biri yuz tuman ofarin. 
Bori keldilar motamin so‘rg‘ali, 
Nihoyatdin afzun g‘amin so‘rg‘ali. 
Hamul shohi mag‘furning madfani, 
Bo‘lub erdi tun-kun aning maskani. 
Chu Bonuyi dahr o‘ldi dono anga 
Ki, yuz qo‘ydi ul yeti daryo anga. 
Hamul qavm ihzorig‘a berdi bor, 
Qilib yumni maqdamlarin e’tibor
3
. 
Yeti bahr bo‘lg‘och ayon nogahon, 
Falakdek taharrukka tushti jahon. 
Ayog‘ uzra hurmatlarig‘a turub, 
Borin bir-bir o‘lturtubu o‘lturub. 

---

Alisher Navoiy. Saddi Iskandariy