Microsoft Word oila va nikoh ziyouz com doc

www.ziyouz.com kutubxonasi 
34
xulqli va pokizaligini ulug‘ ne’matlardan bilmog‘i lozim. Zero, ushbu ne’matga har 
qancha shukr qilsa ham oz. 
Erkak ko‘p ishlarda ayolga itoat etmasin, pushaymonlik keltiradi. Va ayolning xiyonat, 
aldov va makridin hazar qilsin. Bobomiz Odam alayhissalomning jannatdan chiqishlariga 
momomiz Havvo raziyallohu anhoning da’vatlari sabab bo‘lgan edi. 
Erkak kishi xotinining ba’zi yomonlik va gunohlaridan, agar u gunoh fahsh bo‘lmasa, ko‘z 
yumsin, uning pardasini el orasida yirtmasin. Tirikchiligini Alloh taolo rozi bo‘lgan ishlar 
bilan o‘tkazsin. 
Er o‘z ayoliga ro‘zg‘or ishlarida; suv tashish, o‘tin olib kelish va ayollarga qiyin bo‘lgan 
ishlarda yordam berishi kerak. Ayniqsa, uyga mehmon kelganda uning oldiga 
dasturxonni o‘zi yozsin, ayrim joylarda odatga aylanib qolgan kabi, mehmon oldiga 
o‘tirib olib, xotiniga buyurmasin. 
Hadisi sharifda: “Ro‘zg‘or ishlarida ayoliga yordam beradigan erkakka Alloh taolo 
payg‘ambarlardan hazrati Ayyub alayhissalomga, hazrati Dovud alayhissalomga, hazrati 
Ya’qub alayhissalomga va hazrati Iyso alayhissalomga bergan savoblaridek savob 
beradi”, degan xushxabar aytilgan.
Yana Rasululloh sallallohu alayhi vasalam o‘z sahobalariga: [i“Oilaga xizmat qilmoq 
Parvardigorning g‘azabini pasaytiradi, hasanot (yaxshiliklar) va darajalarni ziyoda qiladi 
hamda (jannatiylarga atalgan) hurlarning mahri bo‘ladi”[/I], deganlari ham shunga 
dalolatdir. 
Er o‘z xotini bilan o‘ynamog‘i, hazillashmog‘ini shariat man’ qilmagan. Bu behuda, 
befoyda va botil amallardan ham emas. 
Shu bilan birga erkak kishi xotin va farzandlariga tarbiya beruvchi bo‘lganida, ularning 
oldilarida azamatli, salobatli va vazmin bo‘lmog‘i lozim. Rasululloh sallallohu alayhi 
vasalamning: “O‘z ahli oilang ustidan tayog‘ingni ko‘tarma va qamchingni ularga 
ko‘rinadigan joyga osib qo‘y!” degan so‘zlarida juda ulug‘ hikmat, go‘zal ko‘rsatma, 
chiroyli tadbir borligi ochiq ko‘rinib turibdi. 
Agar er xotiniga shariat izni bilan odob bermoq uchun siyosat qiladigan va ta’zir 
beradigan bo‘lsa, u holda shu kunning oxirigacha u bilan jimo’ qilmasin va ochiq yuzlilik 
bilan gaplashmasin, tadbiri behuda ketadi. 
Erkak xotini va qizlariga ip yigirish kabi uyda bajariladigan hunarlarni o‘rgatsin. Qur’oni 
karimdagi “Nur” surasini o‘qitsin. Bu surada Alloh taolo zinoning hukmi va unga 
beriladigan jazo hamda bir-biriga la’nat aytish, pokiza ayollarni zinokor deb tuhmat 
qilishning og‘ir jinoyatlardan ekanligi bayon etgan.