|
4. İzahatın mahiyyəti, məzmunu, forması və dil xüsusiyyətləri
“İzahat” ərəb sözü olub açıq-aydın, ətraflı şəkildə anlatma, izah etmə mənasındadır. Hər hansı bir hadisəyə, prosesə aydınlıq gətirmək məqsədilə izahat tələb olunur.
Belə ki, tələbələr universitetin daxili nizam-intizam qaydalarını pozduqda etdiyi hərəkətlərini aydınlaşdırmaq, izah etmək məqsədi ilə izahat yazır.
“İzahat yazılı və ya şifahi ola bilər. Müdriyyətin və ya vəzifəli şəxsin tələblərindən asılı olaraq izahat müxtəsər və mükəmməl ola bilər. İzahat hüquqi sənəd deyil. Amma lazım gəldikdə şahidlərin izahatından bir mənbə kimi istifadə edilir” (1, 570).
İzahat yazarkən şərh edilən məsələ aydın olmalı, fikir obrazlı şəkildə ifadə edilməlidir və şəxsin özü tərəfindən yazılmalıdır.
İzahatın da xüsusi forması vardır. Yuxarıda vərəqin sağ tərəfində (sol tərəfdən 5-6 sm buraxmaqla) izahatın ünvanlandığı şəxsin vəzifəsi, adı, soyadı qeyd edilir. Ondan aşağıda abzasdan verəcəyi məlumat aydın şəkildə izah edilir. Sonunda imza qoyulur və yazılma tarixi göstərilir. Məsələn:
Digər işgüzar sənədlər kimi izahat da ədəbi dildə yazılır. Loru sözlərdən, emosional, obrazlı ifadələrdən istifadə olunmur.
Dostları ilə paylaş: |
