Təşkilati qabiliyyətlər tələbənin fəaliyyətinə düzgün rəhbərlikdə, onları aktiv təlim-idrak prosesinə cəlb etməkdə, asudə vaxtlarını günün tələbləri səviyyəsində qurmaq bacarığında, özünün ali məktəbdə pedaqoji əməyini təşkil etmək məharətində ifadə olunur.
Kommunikativ (latınca kommunicetio rabitə, əlaqə deməkdir) qabiliyyət münasibətlərin nizama salınması, tələbələrdə, öz həmkarları və rəhbər işçilərlə məqsədəuyğun pedaqoji ünsiyyətin yaradılması, tərbiyə işlərinin həyata keçirilməsi, pedaqoji prosesin gedişinin təhlili, yol verilmiş səhvlərin, yaxud arzuolunmaz nəticələrin səbəblərinin aşkarlanması və qısa zaman kəsiyində korrektə edilməsilə bağlıdır.
