Mühazirə Əməliyyat sistemi anlayışı

“Computer” qovluğu. Windows 7 əməliyyat sisteminin əsas obyektlərindən olan 
Компьютер (Computer (Kompüter)) qovluğunu açmaq üçün Tapşırıq (Məsələlər) 
panelində (Taskbar)-da Start (Пуск (Başlat)) düyməsindən sağda yerləşən düyməsinə 
siçanla sıxmaq lazımdır və ya Win və E klavişlərini birlikdə sıxmaq lazımdır. 
“Computer” (Kомпьютер) pəncərəsi vasitəsilə kompüterdə olan hər hansı bir 
mənbəyə (disklərə, disketlərə) asanlıqla müraciət etmək olar. Bu pəncərəyə 
aşağıdakılar daxildir:
 
Sabit disklər – C: hərfindən başlayaraq adlandırılır. Hər əlavə sabit disk 
sürücüsünə D:, E: kimi sonrakı hərflər ad olaraq verilir.
 
CD-ROM sürücüləri dairəvi disk simvolları ilə göstərilir. Yalnız bir sabit disk və 
ya bir CD-ROM sürücüsü varsa, CD-ROM sürücüsü D: drive (D: sürücüsü) 
adlandırılacaqdır. Iki sabit disk varsa, CD-ROM sürücüsü E: drive (E: sürücüsü) 
adlandırılacaq.

---

“Computer” (Kомпьютер) pəncərəsi kompüterdə olan yaddaş qurğularını, 
kompüterin yazı tipləri və bağlı olan printerlər haqqında məlumatların saxlandığı 
qovluqları seçə bilər və idarəetmə panelini işlədərək WINDOWS-un xüsusiyyətlərini 
dəyişdirə bilər.
Windows 7-də Libraries (Библиотеки/Kitabxanalar) qovluğu. Windows 7 
əməliyyat sisteminin əvvəlki versiyalarından fərqli xüsusiyyətlərindən biri də 
Libraries (Библиотеки/Kitabxanalar) qovluğudur. Bu qovluq sənədlərin musiqinin 
şəkillərin, videoların və. s faylların idarə olunması üçün nəzərdə tutulan bir yerdir. 
Kitabxanalar

---

fiziki olaraq biz bildiyimiz mənada qovluq deyildir. Kitabxanada sadəcə olaraq 
faylların yerləşməsi haqqında məlumat, yəni qovluqlara və bu qovluqlarda yerləşən 
sənədlərə keçid əlaqələri yerləşir. Yəni kitabxananın məzmunu əlaqələr qovluğundan 
ibarətdir və bu əlaqələrdən istifadə edərək bir andaca zəruri ünvana keçid etmək olur. 
Kitabxanalarda heç bir başqa fiziki verilənlər olmur .
Kitabxanalar müəyyən mənada qovluqlara bənzəyir. Məs kitabxana açılarkən bir və 
ya bir neçə fayl obyektləri ekranda əks oluna bilər. Lakin qovluqdan fərqli olaraq 
kitabxana açılarkən fayl obyektlərini saxlandıqları bir neçə müxtəlif yerlərdən 
toplayaraq ekranda əks etdirir.
Kitabxanalar fayl obyektləri saxlanılan qovluqları izləyir və həmin obyektlərə 
baxmağa və onları müxtəlif üsullarla nizamlamağa imkan verir.
Windows 7 əməliyyat sistemində susmaya görə Libraries (Библиотеки/Kitabxanalar) 
adlı bir əsas kitabxana var və bu kitabxana daxilində öz növbəsində əvvəlcədən 
quraşdırılmış dörd kitabxana saxlanılır. Yəni mənim sənədlərim, mənim musiqim, 
mənim şəkillərim, mənim videoların qovluqlarını xüsusi qovluqlar əvəz edir: