Qida məhsullarının qəbulu və saxlanmasına göstərilən sanitar-gigiyenik
tələblər
İaşə müəssisələrində sanitar qaydalarına uyğun olaraq aşağıdakı məhsullar
üçün qəbul qadağan olunur: baytar nəzarətinin baxılmasını və qadağan qərarını
sübut edən möhürsüz (damğasız) və sənədsiz ət, yolunmamış formada su quşları,
çiy ördək və ya qaz yumurtaları, inkubatordan toyuq yumurtası, ət və balıq
konservləri, anbar zərərvericiləri ilə yoluxmuş yarma və un məhsulları, satış vaxtı
keçmiş xüsusi tez xarab olan məhsullar.
Xüsusi tez xarab olan məhsullara, soyudulmayan mühitdə saxlanıla
bilməyənlər aid edilir. Onun maksimum saxlanılma müddəti 6
o
C temperaturadan
yüksək olmamaqla, məhsulun növündən asılı olaraq 72 saat təşkil edir. Bunlar ət,
süd, tərəvəz məhsulları və qənnadı məmulatlarıdır. Saxlanma şəraiti və müddəti
pozulduqda
məhsulları
xarab
edən
mikroorqanizmlər,
həmçinin
qida
zəhərlənməsinə və kəskin bağırsaq xəstəliklərinə səbəb olan potensial-patogen
mikroorqanizmlər sürətlə inkişaf edə bilir.
Xüsusi xarab olan məhsulların təsdiq olunmadan saxlanması müddəti,
texnoloji soyutma prosesinin qurtardığı vaxtdan etibarən onların müəssisəyə
həzırlanmağa gətirilməsi vaxtı, iaşə və ticarət müəssisələrində daşınması və
saxlanması vaxtı da daxil olmaqla hesablanır.
Müəssisələr, hazırladığı xüsusi xarab olan məhsulların keyfiyyətini təsdiq
edən sertifikat, texnoloji proseslərin qurtardığı vaxtdan məhsulun müəssisədə
hazırlanma günü və saatına, saxlanma şəraitinə uyğun olan saxlanma vaxtının
qurtarmasının siyahısına aid sənəd verməlidir.
Ticarət və iaşə müəssisələrində xüsusi tez xarab olan məhsulların 2-6
o
C
temperatur rejimində saxlanma şəraitinə riayət olunmasına icazə verilir.
215
Qida məhsulları satışa və yaxud emala daxil olmazdan əvvəl, onlar iaşə
müəssisələrində bir müddət saxlanılır. Tez xarab olan məhsulların saxlanma şəraiti
və müddətinin mühüm gigiyenik əhəmiyyəti vardır. Bu məhsulları soyuducu
kameralarda aşağı temperaturada saxlamaq lazımdır.
Qida məhsullarını soyuducu kameralarda saxlayarkən, onları çirklənmədən
qorumaq lazımdır. Çünki, bir çox mikroorqanizmlər, o cümlədən patogenlər aşağı
temperaturaya xeyli davamlıdırlar və soyuducuda uzun müddət sağ qala bilirlər.
Soyudulan otaqlar maşın şöbəsindən təcrid olunmalıdır. Gigiyenik cəhətdən
ən yaxşı soyuducu agent freon hesab olunur, çünki o, insan sağlamlığı üçün
zərərsizdir və iyi olmur.
Soyuducuların kamerasının sahəsi 5 kvadrat metrdən az olmamalıdır.
Kameranın divarına şirələnmiş nazik təbəqə və yaxud sintetik təbəqədən üz
çəkilməsi məsləhət görülür. Kamera məhsulu asmaq üçün qarmaqla, qəfəslə
(stellajla), nazik tirələrlə (ağ olmamalı) təchiz olunmalıdır. Kamerada ət saxlamaq
üçün ət tirəsi altlığı və asan qurulan stellaj qoyulmalıdır. Nizamla yığılmış məhsul
sırası divardan və soyuducu batareyadan 30 sm məsafədə yerləşməlidir.
Qida məhsullarını saxlamaq üçün olan kameralarda qoruyucu ventilyasiya
avadanlığı olmalı, onlar temperatur-nəmlik rejiminə daimi nəzarət etmək üçün
termometr və psixrometrlə təchiz edilməlidirlər. Nəmliyin aşağı düşməsi məhsulun
qurumasına, yüksək nəmlik isə kif göbələklərinin inkişafına səbəb olur.
Soyuducu (agentin) məftilini daimi olaraq qır örtüyündən təmizləməli, qır
kameradan çıxarılmalıdır. Kameranı təmiz saxlamaq üçün o yığışdırılır. Xlorlu
sabunda yuyulur və xlorlu əhəngli 2%-li məhlul ilə dezinfeksiya edilir. Kameranın
divarını və tavanını dezinfeksiya etmək üçün antiseptoldan (xlorlu əhəng və
kalsiumlu soda məhlulu) və natrium oksidifenoldan da istifadə olunur.
Dezinfeksiyaedici vasitənin seçilməsi, kameranın temperaturundan asılıdır. ChuP-
H üzrə hesablanmış soyuducu kameralarda havanın temperaturu (
o
C ilə) ətin
saxlanması üçün – 0, balıq üçün – 2, ət və balıq yarımfabrikatları üçün– 0, tərəvəz
yarımfabrikatları üçün – 2, süd məhsulları üçün -2, piy, qastronomiya məhsulları
üçün – 2, qənnadı məmulatları üçün – 6, meyvə, giləmeyvə və tərəvəz üçün isə – 4
olmalıdır.
İri ticarət və iaşə müəssisələrində tez xarab olan məhsullar ayrıca soyuducu
kamerada saxlanılmalıdır. Qidalanmaya birbaşa istifadə olunan məhsullar
(qastronomik hazır kulinar məhsullar və s.) saxlanma zamanı çiy məhsullardan –
meyvələr və tərəvəzdən təcrid olunmalıdırlar.
Böyük olmayan ticarət və iaşə müəssisələrində, adətən bir soyuducu kamera
olanda, tez xarab olan hər növ məhsullar ayrıca rəfdə (stolda, rəflərdə) saxlanılır.
Soyudulmuş ət qarmaqdan asılaraq 0-2
o
C temperaturada saxlanılır. Cəmdəklər
döşəməyə və divara dəyməməlidir, həmçinin bir-birinə bitişik olmamalıdır. Göstərilən
temperaturada əti 5 günə qədər saxlayırlar. Dondurulmuş ət və süd məhsulları, quşlar
stellajda 2
o
C-dən yuxarı olmayan temperaturda saxlanılır. Dondurulmuş quşlar
gətirilən tarada saxlanılır.
Süd məhsulları növlərinə görə sortlara ayrılır və yeşikdə ayrıca saxlanılır.
Soyudulmuş balıqlar daxil olduğu müəssisədə tarada stellajın üzərində yerləşdirilir.
216
Onların saxlanma müddəti 4
o
C-yə yaxın temperaturada 2-3 gün, daha aşağı
temperaturada 7 günədəkdir. Xırda dondurulmuş balıqlar tarada, stellajlarda
saxlanılır (çəlləkdə, yeşikdə, torbada, səbətdə), iriləri isə qarmaqdan asılır və
yaxud stellaja yerləşdirilir. Saxlanma müddəti – 2
o
C temperaturada 3 gündür.
Turşudulmuş süd məhsulları metal çəlləklərdə və yaxud mehtərdə (flyaqa)
saxlanılır. Qatıq və ayran xüsusi qablarda yerləşdirilir. Qablar hər gün yuyulur və
qaynadılır. Onları gətirən kimi süzmək lazımdır, xamanı torbada qoymaq və
saxlamaq olmaz!
Kolbasanı qarmaqdan asılmış vəziyyətdə saxlamaq lazımdır.
Kərə yağı və əridilmiş yağ, həmçinin yeyinti yağları tarada saxlanılır və
kəskin iyli məhsullardan təcrid edilir.
İri pendirlər tarasız, xırdalar isə tarada və yaxud təmiz taxta döşəmədə
saxlanılır. Pendirin başı təmasda olmamalıdır. Əgər pendir saxlanma zamanı
kiflənirsə və ya seliklənirsə, onda onu xörək duzunun 8% məhlulu ilə isladılmış
təmiz salfetlə silmək lazımdır.
Yumurta tarada və ya kəskin iyli məhsullardan təcrid olunmuş qutuda
saxlanılır. Çiy yumurtanı və yarımfabrikatları isə hazır məhsullarla birlikdə
saxlamaq qadağan edilir.
Xüsusi tez xarab olan məhsulların saxlanma müddəti və satılması baş dövlət
sanitar həkiminin müavini tərəfindən təsdiq olunmuş sanitar qaydalar ilə müəyyən
olunur. Dənəvər (səpələnən) məhsullar qapaqlı iri sandıqlarda və yaxud torbada,
rəfdə saxlanılır. Torbalar üst-üstə 8 dənə olmaqla yerləşdirilir. Qənd və duz
saxlanma zamanı kəskin iylənən və nəm məhsullardan təcrid olunur.
Çörək çörəkdoğrayanda, rəflərdə, pərdə ilə örtülmüş halda, yaxud şkafda
saxlanılır.
Kartof və tərəvəz 1,5 metrdən hündür olmayan quru və qaranlıq otaqlarda
saxlanılır. Tərəvəz üçün anbar rəflər və iri yeşiklərlə təchiz edilir. Onlar
döşəmədən 15 sm hündürlükdə yerləşdirilir.
Bütün anbar binaları sabit temperatura rejimində olmalıdır. Temperaturun
dəyişməsi məhsulların xarab olmasına səbəb olur.
Dənli bitkiləri sanitar cəhətdən qiymətləndirərkən qida zəhərlənmələrinə səbəb
olan alaq qatışıqlarının miqdarını nəzərə alırlar. Belə qatışıqlara qaramuq, sofora,
vyazel və s. aiddir.
Yarma və dənli paxla. Bütün növ yarmalar DÜİST-in tələblərinə cavab
verməlidir. Onların özünəməxsus dadı və iyi olmalı, həm də nəmliyi 12,5-15,5%-
dən çox olmamalıdır. Yarmada da dəndə olduğu kimi alaq qatışıqları olur. Onun
miqdarı nizamlanır. Belə ki, yulaf, arpa və buğda yarmasında zərərli qatışıqların
miqdarı 0,05%-dən çox olmamalıdır. Metal qatışıqları 1 kq yarmada 3 mq, mineral
qatışıqlar – 0,05%-dən az olmamalıdır. Qaramuq qatışığı 0,4%, yalnız yulaf
formasında 0,1% çox olmayaraq icazə verilir.
Anbar zərəvericiləri və onun ifrazatı ilə yoluxmuş yarmalardan yem məqsədi
ilə istiyadəyə icazə verilir.
Paxlalılara sanitar cəhətdən qiymətləndirərkən, onlarda zəhərlənməyə səbəb
ola bilən toksiki maddələrin miqdarına diqqət verilməlidir. Lobyanın toksiki
217
maddələri (fazeolunatin və fazein) yalnız uzun müddət termiki emaldan sonra
parçalanır. Ona görə də lobyadan olan ikinci xörəkləri və qarnirləri 1-2 saat
müddində qaynatmaq lazımdır. Lobya unundan olan məmulatların ilkin emalı
zamanı toksiki maddələrin parçalanması tamamilə təmin olunmadığı üçün onların
əhaliyə satılması qadağandır.
Çörək-bulka məmulatları. Çörək insanın qidalanmasında mühüm yer tutur
və karbohidratlar, bitki zülalı, vitaminlər, mineral maddələrin əsas mənbəyindən
biri hesab edilir.
Çörəyin keyfiyyətinin əsas fiziki-kimyəvi göstəricələrinə nəmlik, turşuluq və
məsaməlilik aiddir. Bu göstəricilər dəyişdikdə çörəyin keyfiyyəti dəyişir. Belə ki,
çörəyin nəmliyi artdığı zaman onun qidalıq dəyəri, mənimsənilməsi və həzm
olunması azalır, yüksək turşuluğu isə ağız şirəsi ifrazını artırır. Aşağı
məsaməlilikdə olması və bişirilməməsi çörəyin mənimsənilməsini pisləşdirir.
Çörəyi sanitar cəhətdən qiymətləndirərkən müxtəlif səbəblər, əsasən
mikroorqanizmlər tərəfindən törədilən qüsur və xəstəliklər nəzərə alınır. Mikrobla
baş verən xarab olma çörəyin dağılması və saxlanması zamanı sanitar qaydalara
riayət olunmaması ilə əlaqədardır. Belə ki, bu zaman mikroorqanizmlərin inkişafı
üçün əlverişli şərait yaranır.
Müxtəlif sahələrdə xalq təsərrüfatının inkişafının indiki mərhələsində
mikrobiologiya elminin rolu daha da artır. Qida məhsullarının mikrobiologiyasını
bilmədən isə hər bir ölkənin qarşısında duran iqtisadi və sosial inkişafı
müvəffəqiyyətlə yerinə yetirmək olmaz. Belə mikrobioloji proseslərdən
şərabçılıqda, çörək bişirmədə, turş-süd məhsullarının hazırlanması zamanı,
konservləşdirmədə, bitki və heyvan məhsullarının saxlanması üçün geniş istifadə
olunur. Həmçinin istifadə olunan üzvi turşuların, butil və etil spirtinin,
vitaminlərin, amin turşularının, ferment preparatlarının və s. nümunələrindən
sənaye istehsalında geniş istifadə edilir.
Lakin bir çox mikroorqanizmlərin ziyanlı rolu da vardır. Onlar insan, heyvan
və bitkilərdə xəstəlik törədiciləri mənbəyi ola bilərlər. Qida məhsullarının xarab
olmasına və müxtəlif materialların parçalanmasına səbəb olmaqla, xalq
təsərrüfatına böyük ziyan vura bilirlər.
Mikroorqanizmlərin xassələrini bilməklə, qida məhsullarının daşınması və
saxlanması zamanı onların inkişafının qarşısını almağa yönədilmiş müvafiq
tədbirlərin vaxtında yerinə yetirilməsinə imkan yaradılır.
Bir qayda olaraq, ət məhsullarının istehsalında mikroblar məhsulun xarab
olmasına səbəb olur. Bundan başqa, ət mikrobla yoluxan zaman insanda infeksion
xəstəliklərin, toksiko-infeksiyanın və toksikozların mənbəyi ola bilər. Bununla belə,
ət məhsullarının istehsalında elə proseslər də vardır ki, orada mikrobların iştirakı
labuddür (məsələn, budun duzlanmasında, çiy qaxac kolbasanın keyfiyyətinin
yüksədilməsi üçün ətdə ətir əmələ gətirən mikroblardan istifadə olunmalıdır).
Yeyinti sənayesində bir sıra mikroorqanizmlər hazır məhsulların keyfiyyətinə
böyük təsir göstərirlər. Ona görə də mikroorqanizmlərdən istifadəyə yeyinti
sənayesində ciddi fikir verilməlidir. Qida və onun emal məhsullarının yüksək
218
qidalılıq keyfiyyəti bir sıra mikroorqanizmlərin inkişafı üçün əlverişli olduğundan,
onların bəziləri məhsullarda xoşagəlməyən dəyişikliklərdə əmələ gətirirlər.
Qida məhsullarının daşınmasına və saxlanmasına dair gigiyenik tələblər
İaşə müəssisələri üçün ərzaq məhsulların elə daşımaq lazımdır ki, onlar yolda
çirklənməsin və xarab olmasınlar. Bunun üçün ixtisaslaşdırılmış nəqliyyat
vasitələri olmalıdır. Əti avtofurqonda, yaxud içərisinə sinklənmiş dəmir vurulmuş
ağzı qapalı yeşikdə daşıyırlar. Çörəyi içərisinə götürülüb qoyulan tabaqlar, yeşiklər
və ya rəflər qoyulmuş örtülü furqonlarda; südün, qaymağı, kəsmiyi sinklənmiş
metal qablarda daşıyırlar. Əti, çörəyi və başqa yeyinti məhsullarını nəqliyyatdan
xərəyə, səbətə, tabaqa qoyub əldə daşıyırlar. Tez xarab olan yeyinti məhsullarını
yayda refrijeratorlarda daşıyırlar. Burada temperatura 7-8
o
C-dən yuxarı
olmamalıdır. Nəqliyyat vasitələrini boşaltdıqdan sonra yaxşı-yaxşı təmizləyir və
isti su ilə yuyurlar. Yeyinti məhsullarının daşınmasında iştirak edən şəxslər işə
başlamazdan əvvəl əyinlərinə sanitariya paltarı geyməli və əllərini yumalıdırlar.
Yarımfabrikatların yeməkxanalara daşınmasına xüsusi fikir vermək lazımdır.
Soyuducu kameralar olmadıqda yarımfabrikatları ancaq 2-3 saat saxlamağa icazə
verilir. Buna görə də yarımfabrikatları gündə bir neçə dəfə gətirmək lazımdır.
Anbarlarda yeyinti məhsullarından başqa digər şeylər saxlamaq qəti
qadağandır. Habelə, quru və tez xarab olan ərzaqları, yaxud çiy yeyinti məhsulları
ilə xazır xörəkləri bir yerdə saxlamaq olmaz. Quru məhsullar saxlanan anbarlarda
rəflər və iri yeşiklər olur. Dəhlizin çirklənməməsi üçün tərəvəzi anbara bayır
divardakı deşiklərdən vermək olar.
Tez xarab olan yeyinti məhsullarını saxlamaq üçün yeməkxanalarda soyuducu
kameralar olmalıdır. Soyuducu kameralarda ət, balıq və süd məhsulları ayrı-ayrı
saxlanmalıdır. Əti, qalaylanmış dəmir qarmaqlardan asılmış halda saxlayırlar.
Kiçik yeməkxanalarda isə onu buzxanalarda saxlamaq olar. Buzxana üçün buzu su
hövzəsinin ancaq təmiz yerlərindən götürmək olar. Yeyinti məhsulları bu zaman
buza toxunmamalıdır. İaşə müəssisələrində süd və qatığı – 12-24 saat, təzə və
donmuş əti – 2-4 sutka, kəsmik və qaymağı – 2-3 sutka, bişmiş kolbasanı – 2 sutka,
duzlu balığı – 5-10 sutka, hisə verilmiş ət məmulatını – 10 sutkaya qədər, balığı (-
2
o
C temperaturda soyudulmuş halda) – 2 sutkaya qədər saxlamağa icazə verilir.
Tez xarab olan məhsulları hər dəfə bişirdikcə buraxırlar.
Anbardar, anbarda saxlanan və mətbəxə, bufetə buraxılan ərzaq məhsullarının
keyfiyyəti üçün cavabdehdirlər. Bunların keyfiyyətindən azca şübhələndikdə, bu
barədə sanitar həkiminə məlumat verilməlidir.
219
MÜHAZIRƏ 13. KÜTLƏVI QİDALANMA MƏHSULLARI
İSTEHSALINI VƏ SATIŞINI HƏYATA KEÇİRƏN
MÜƏSSISƏLƏRİN SAXLANMASINA GÖSTƏRİLƏN GİGİYENİK
TƏLƏBLƏR
Müəssisələrnin sanitar vəziyyətinin düzgün saxlanılması onlar üçün Səhiyyə
Nazirliyi tərəfindən təsdiq olunmuş sanitar qaydaları tələbatına cavab verməlidir.
Əvvəldə qeyd olunduğu kimi, iaşə müəssisələrinin layihə-planlaşdırma
qərarları əmək şəraitinin sanitar-gigiyenik əsasının yaradılması və həmçinin
epidemioloji təhlükəli hissənin aradan qaldırılması ilə qida xəstəliklərinin
profilaktikasını nəzərdə tutur.
Bununla əlaqədar yüksək keyfiyyətli məhsulların hazırlanması şəraiti sanitar
rejiminə ciddi riayət etməyi nəzərdə tutur. Daha doğrusu, bütün iaşə
müəssisələrinin binaları, avadanlıqları, inventarı və ərazisi tamamilə təmiz
saxlanılmalı və bütün istehsal prosesləri sanitar qaydalarına ciddi uyğun olmaqla
həyata keçirilməlidir.
İaşə müəssisələrində qida tullantıları yığıla bilər ki, bu da bir sıra infeksion və
qurd xəstəliklərinin yayılması üçün epidemioloji təhlükə yaradır.
İaşə müəssisələri düzgün saxlanmadıqda, bu qida tullantıları ilə xörəklərə,
həmçinin avadanlığa, inventara, qab-qacaqlara, taralara mikrofloranın düşməsi
üçün mənbə ola bilər. Bundan başqa tullantılar milçəyin, gəmiricilərin çoxalması
üçün əlverişli mühit olub, bağırsaq infeksiyalarının (qanlı ishal, qarın yatalağı,
vəba), infeksion və invazion (tulyaremiya, çuma, trixinelloz) xəstəliklərin
törədicilərinin keçiricisi ola bilər.
Şəxsi gigiyenada sanitar qaydalara riayət etmədikdə iaşə işçiləri də çirklənmə
mənbəyi ola bilər.
Bununla əlaqədar olaraq, iaşə müəssisələrinin saxlanmasına olan sanitar
tələblərin yerinə yetirilməsinin labüdlüyü də meydana çıxır. Bunlara ərazinin və
binanın vaxtında və düzgün təmizlənməsi, qida tullantılarının və adi tullantıların
(zibilin) yığılması və aparılması, avadanlığın, inventarın, qab-qacaqların yuyulması və
zərərsizləşdirilməsi, həmçinin işçilərin şəxsi gigiyenaya ciddi riayət etmələri aiddir.
İaşə müəssisələrində mexaniki təmizləmə və yuyulma, həmçinin fiziki və
kimyəvi vasitələrin köməyi ilə zərərsizləşdirmə də aparılır. Nəm (suyun iştirakı ilə)
təmizləmə mikrofloranın çoxalması üçün əlverişli şəraiti zəiflədir. Lakin mexaniki
təmizləmə ilə qida məhsullarını yoluxmalardan tam zərərləşdirmək mümkün
olmur.
Qida məhsullarını xarab edən infeksiyaların törədicilərinə və digər
törədicilərə daha effektli təsir etmək üçün mexaniki təmizləmə ilə yanaşı, fiziki və
kimyəvi üsullarla dezinfeksiya da aparılır.
Dezinfeksiya üsulları və onların gigiyenik səciyyəsi
İnsanı əhatə edən mühitdəki patogen mikroorqanizmlərin məhv edilməsinə
dezinfeksiya deyilir. İaşə müəssisələrində dezinfeksiya bir qayda olaraq profilaktik
məqsədlər üçün aparılır. Profilaktik dezinfeksiyanın böyük epidemioloji əhəmiyyəti
xüsusilə o vaxt olur ki, infeksiya mənbəyi vaxtında aşkar olunsun. Bu infeksiya
amilinin yayılması mümkünlüyünün qabağını almağa və onu xarici mühitdə vaxtında
220
məhv etməyə imkan verir. Bu növ dezinfeksiya müəssisələrdə dövrü olaraq, adətən
ayda bir dəfə və ya epidemioloji göstəricilərə görə aparılır. Qida məhsullarının
patogen və şərti-patogen mikroblarla yoluxmasının qarşısını almaq üçün qab-
qacaqlar, inventarlar, avadanlıq və binalar təmiz və çirkli istehsal proseslərinə ciddi
bölünməli, qida məhsullarının texnoloji emal üsulları dəqiq yerinə yetirilməli,
məhsulların saxlanması qaydalarına riayət edilməli, daima yuma, təmizləmə,
həmçinin inventarların, qab-qacaqların, avadanlıqların dezinfeksiyası həyata
keçirilməlidir.
Dezinfeksiyanın üsulları və vasitələri. İki əsas zərərləşdirmə üsulu
mövcuddur: fiziki və kimyəvi.
Fiziki dezinfeksiya üsulunda zərərləşdirmək üçün yüksək temperatura (buxar,
qaynar su, qaynar hava), ultrabənövşəyi şüalarla şüalandırma və b. tətbiq edilir.
Mexaniki dezinfeksiya üsulu da fiziki üsula daxil edilir.
Qaynar su ilə zərərləşdirmə ən effektli və sadə vasitələrdən biridir.
Mikroorqanizmlərin əksəriyyətinin vegetativ formaları bu zaman mikrob hüceyrəsi
zülalının denaturasiyası nəticəsində 1-2 dəqiqə müddətində tələf olur. Bu üsul iaşə
müəssisələrində qab-qacaqları, inventarı, avadanlıqları zərərsizləşdirmək üçün çox
geniş tətbiq edilir. Su buxarı dezinfeksiya olunan cismin içərisinə keçməklə və
bakterisid qabiliyyətinə görə ən yüksək təsirə malik dezinfeksiyaedici vasitədir.
Quru isti hava ilə isə maşınların bütün metal hissələri, yeməkxana alətləri,
şüşə qablar dezinfeksiya edilir. Quru isti hava, rütubətli isti havaya (su buxarına)
nisbətən mikrofloraya zəif təsir göstərir.
Binanın havasını və müxtəlif səthləri zərərsizləşdirmək üçün isə
ultrabənövşəyi şüalar və civəli-kvars lampalar geniş tətbiq olunur. Dezinfeksiya
aparılan zaman binada insan olmamalıdır.
Fiziki üsullarla zərərsizləşdirmənin effektini artırmaq üçün, o çox zaman
kimyəvi dezinfeksiya üsulu ilə birlikdə aparılır.
Kimyəvi dezinfeksiya üsulu xarici mühitdə mikroorqanizmlərin məhvinə
səbəb olan, müxtəlif kimyəvi maddələrin tətbiqini nəzərdə tutur. Yuyuculuq
xassəsinə malik olan vasitələr bu cəhətdən xüsusi maraq doğurur. Belə vasitələrin
tətbiqi
iaşə
müəssisələrində
qab-qacaqların
zərərsizləşdirməsini
xeyli
yüngülləşdirir.
Kimyəvi dezinfeksiya üsullarının tətbiqinin effektivliyi müxtəlif amillərdən
asılıdır:
mikroorqanizmlərin
xassələrindən,
mühitin
temperaturası
və
xarakterindən, preparatın təsir müddətindən və s.
Kimyəvi dezinfeksiya apararkən aşağıdakı şərtlərə riayət etmək lazımdır:
dezinfeksiyaedici vasitələr yalnız maye formada tətbiq edilir; onlar kimyəvi
vasitənin mikrobla təmasını təmin etməlidir; dezinfeksiyaedici vasitə müəyyən
temperaturada, müəyyən qatılıqda və vaxtda tətbiq edilməlidir.
Bununla belə, iaşə müəssisələrində dezinfeksiya üçün zəhərli və pis iyli
preparatları tətbiq etmək olmaz. Ona görədə bu məqsədlə çox zaman xlorlu
preparatlar – xlorlu əhəng, xloramin, monoxloramin və s. istifadə olunur.
Xlorlu əhəng – kəskin xlor iyi verən quru ağ toz kimi maddədir.
221
O işıqda, havada və xüsusən də rütubətlikdə saxlandıqda fəal xloru itirərək tez
parçalanır. Təzə xlorlu əhəngdə 28%-dən 38%-ə qədər fəal xlor olur. Fəal xloru
15%-dən az olan preparat dezinfeksiya aparmaq üçün yaramır.
Xlorlu əhəng hiqroskopikdir, düzgün saxlanmadıqda fəal xloru itirməklə tez
parçalanır. Preparatın parçalanmasına günəş işığı, istilik, nəmlik kömək edir. Ona
görə də xlorlu əhəngi qaranlıq, quru və sərin yerdə saxlamaq vacibdir.
Xlorlu əhəngin dezinfeksiya təsiri obyektin xarakterindən, onun səthində üzvi
maddələrin miqdarından, mühitin pH-dan asılıdır. Xlorlu əhəng bakterisid
xassəsinə görə ən yaxşı dezinfeksiyaedici vasitələrdən biri hesab olunur. O,
bakteriyaların yalnız vegetativ formalarını deyil, həm də spor formalarını da məhv
edir.
Adətən dezinfeksiya üçün durulaşdırılmış (ən çox 10%-li) əhəng məhlulu
istifadə olunur. Bunun üçün 1 kq xlorlu əhəngə bir qədər su əlavə edilir və ağac
kürəklə ondan sıyıq formalı vəziyyət əmələ gələnə kimi qarışdırılır. Sonra isə su ilə
qarışdırmaqla onun həcmi 10 litrə çatdırılır və qaranlıq sərin yerdə bir gün
saxlanılır. Bu məhlulu 2 gündən 5 günə qədər saxlamaq olar. İstifadədən əvvəl
10%-li məhluldan işçi məhlul hazırlanır. Xlorlu əhəngin 0,2-dən 3-5%-ə qədər
qatılıqdakı işçi məhlulu tətbiq edilir. Bu məhlulun köməkliyi ilə əski, şotka,
yeməkxana qab-qacaqları, inventarlar, avadanlıqlar, bina (döşəmə, divar, qapı),
nəqliyyat vasitələri zərərsizləşdirilir. Xlorlu əhəngin durulaşdırılmış məhlulundan
boyalanmamış
əşyaları,
həmçinin
havalanması
çətin
olan
binaları
zərərsizləşdirməkdə tətbiq olunması məsləhət görülür.
Xloramin zəif xlor iyli ağ və ya sarı rəngli toz olmaqla, tərkibində 26-27%
sərbəst xlor vardır. Saxlanmaya çox davamlıdır. Xloramin məhlulunu 15 günə
qədər saxlamaq olar. O qab-qacağı, inventarı, avadanlığı və işçilərin əllərini
dezinfeksiyada istifadə etmək üçün əlverişlidir.
Dostları ilə paylaş: |