Qaraciyər koması-komanın bilavasitə səbəbi qaraciyərin baryer funksiyasının pozulması
nəticəsində orqanizmin öz metabolitləri ilə (ilk növbədə ammonyak) zəhərlənməsidir. Odur ki, xəstənin
qida rasionundan heyvani zülallar çıxarılır, venaya qlükoza və bəzi aminturşular (metionin) yeridilir.
Qaraciyərdə zülalların sintezini normallaşdıran qlükokortikoidlər və yanaşı infeksiyaların qarşısını almaq
üçün antibiotiklər tətbiq edilir.
Uremik koma-ağır böyrək patologiyası səbəbindən orqanizmin endogen zəhərlənməsi nəticəsində
inkişaf edir. Əsas səbəbi xroniki qlomerulonefrit və pielonefritdir. Böyrəkdən kənar səbəb kimi dərman
maddələri ilə, sənaye zəhərləri ilə zəhərlənmə, şok vəziyyəti, fasiləsiz qusma və ishal, eyni qrupdan
olmayan qan köçürməni göstərmək olar. Patoloji vəziyyətlər böyrəklərdə qan dövranını pozur, əvvəlcə
oliqouriya sonra anuriya baş verir. Tədricən qanda sidik cövhəri, sidik turşusu və kreatinin miqdarı artır,
asidoz yaranır. Simptomları:klinik əlamətlər tədricən inkişaf edir, halsızlıq, ümumi zəiflik, gündüz
yuxululuq, gecə yuxusuzluq, yeməkdən imtina, ağızda acılıq və quruluq, yanğı hissi, ağızdan ammonyak
qoxusu hiss olunur. Dəri siskin, solğun, quru olur, qaşınma izləri, qansızmalar müşahidə olunur. Bəzən
aradabir psixomotor oyanıqlıq, sayıqlama və hallusinasiyalar da görülə bilər.
Komanın hansı səbəbdən baş verdiyini aydınlaşdırmaq üçün xəstənin qohumları və yaxınları ilə
sorğu edilir. Onun hansı xəstəlikdən əziyyət çəkdiyi, hansı dərman və ya zəhərli maddə qəbul etdiyi
aydınlaşdırılır. Bu mümkün olmadıqda xəstənin xarici görünüşünə əsasən diaqnoz qoymağa çalışırlar
(laborator müayinələrin nəticəsini gözləyərkən vaxt itkisi olmasın deyə) . Məs., xəstənin nəfəsvermə
zamanı buraxdığı havanın iyi diaqnostik əhəmiyyətə malikdir. Ammonyak iyi və ya sidik iyi uremik
koma, aseton iyi diabetic koma, spirt iyi alkoqol koması üçün xarakterikdir. Dərinin rəngi uremiya, beyin
damarlarının trombozu və anemiya koması zamanı solğun-sarı, alkoqol və beyin qansızması koması
zamanı qızarmış olur. Çəhrayı dəri dəm qazı ilə zəhərlənmədə rast gəlinir. Qaraciyər komasinda dəri və
selikli qişalar sarı rəngdə olur. Tərlə örtülmüş solğun dəri hipoqlikemik komada, qaşınma və çiban izləri
olan quru dəri diabetic komada müşahidə olunur. Dəridə qaşınmadan sonra sıyrıntılara diabetik komadan
başqa qaraciyər koması və uremik komada da rast gəlinir. Tənəffüs ritminin pozulması koma üçün
səciyyəvidir. Diabet və qaraciyər komasında küylü tənəffüs, beyin komasında xırıltılı tənəffüs müşahidə
olunur. Ətraflarda iflic və parezlərin olması, nitq və udma pozğunluğu beyin qan dövranının ciddi
pozğunluğunu göstərir.
Təcili yardım: koma halında olan bütün xəstələr təcili xəstəxanaya çatdırılmalıdır. Xəstənin
müayinəsinə və analizlərin cavabını gözləməyə vaxt sərf etmədən təxirəsalınmadan tibbi yardıma
başlamaq lazımdır. Ilk növbədə xəstənin huşu özündədirsə içməyə isti, şirin çay verilir. Əgər hipoqlikemik
komadırsa xəstənin vəziyyəti yüngülləşəcək, digər komadırsa, ziyan verməyəcək. Xəstənin qusması çox