Ramiz Mirişli Niyazi, Arif Məlikov və Şirin Məlikova ilə
Bəstəkarın kino musiqisi sahəsindəki uğurlu yaradıcılığı
diqqəti cəlb eldir. O, bütün yaradıcılığı boyu bir çox kinofilmlərə,
sənədli flimlərə və cizgi filmlərinə musiqi yazmışdır. Cəfər Cabbarlı
adına «Azərbaycan film» kino-studiyasında çəkilmiş rejissor
A.Babayevin «Alma, almaya bənzər», T.Tağızadənin «Evdə kişi
var», E.Qasımovun «Köhnə dərə», Ş. Ələkbərovun «Səhrasız gecə»,
oğlu Nazim Mirişli ilə birlikdə «Qəzəlxan» filmləri üçün yazdığı
musiqilər buna parlaq misal ola bilər.
Ramiz Mirişli indi də əzmlə öz yaradıcılığını davam etdirir.
O, öz bilik və bacarığını Üzeyir Hacıbəyli adına Bakı Musiqi
Akademiyasında təhsil alan gənc musiqiçilərə öyrədir. Onun tərtib
etdiyi «Kamança məktəbi» dərsliyindən musiqi məktəblərində
istifadə olunur. Beləliklə, bəstəkarın yaratdığı hər bir əsər
musiqisevərlər tərəfindən rəğbətlə qarşılanır.
Qeyd etdiyimiz kimi 1978-ci ilin sentyabr ayında ulu
öndərimizin göstərişi ilə Naxçıvanda Azərbaycan Bəstəkarlar
İttifaqının Naxçıvan Bölməsi yaradılmışdır. Görkəmli bəstəkar
Ramiz Mirişli təşkilatın sədri, Məmməd Ələkbərov isə məsul katib
35
təyin olunmuşdular. Ramiz Mirişli 1978-ci ildən 1998-ci ilədək bu
təşkilata rəhbərlik etmişdir. O, bu gün də Naxçıvan Bəstəkarlar
Təşkilatı ilə yaxından əlaqə saxlayır, onlara lazımi məsləhətlər
verir.
