Odlar Yurdu Kolleci İstehsalat Təcrübəsi Hesabatı

Marketinqin elmi-texniki mühiti
Marketinqin elmi-texniki mühiti dedikdə istehsalın texnika və texnologi­ya­sının tək­mi­lləş­diril­məsinə, yeni, daha mütərəqqi texnika və texnologiyanın yaradılmasına və tətbiqinə imkan ya­radan elmi-texniki nailiyyətlər başa düşülür. Bu amillərə elmi-texniki və texnoloji tərəqqi, innovasiyaların intensivliyi, müəssisənin və onun rəqiblərinin innovasiya potensialı, elmi-tədqiqat və təcrübə-konstruktor işlərinə sərf edilən vəsaitlərin məbləği, kadrların peşəkarlıq səviyyəsi və bu kimi digər amillər aiddir.
Bu gün elmi-texniki mühit amilləri cəmiyyətin mövcudluğunu, məh­sulların texniki-istismar, keyfiyyət və dəyər parametrlərini müəyyən edən, həm­çi­nin müəssisələrə rəqibləri tərəfindən təkrar edilməsi çətin olan və hətta, mümkün olmayan dayanıqlı rəqabət üstünlüyü əldə etməsinə imkan verən başlıca istehsal amilinə çevrilmişdir. Yeni texnika və texnologiyanın tətbiqi məh­sulların təkmilləşdirilməsinə, yeni məhsulların və yeni marketinq imkanlarının yaradılmasına, həm­çi­nin istehlakçıların tələbatlarının xarakterinin, davranışının və vər­dişlərinin dəyişmə­si­nə sə­bəb olur. Mə­sələn, yük avtomobilləri istehsalında yeni texnologiyanın tətbiqi da­ha sürətli, qə­naətcil avtomobillərin yaradıl­ma­sına səbəb olmuşdur.
Bu isə də­mir­­yol nəqilyyatı ilə daşımalara tələbatın azalmasına gətirib çıxarmışdır. Televizor is­teh­salı isə kinoteatrların xidmətinə tələbatın azalmasına, İnternet sis­tem­inin yaradılması və televizorların istehsalı məhsulların satışında «onlayn ticarətinin» və telemarketinqin tətbiqinə səbəb olmuşdur.
Bunu nəzərə alan firmalar yeni texnika və texnologiyanın hazırlanmasına və tətbiqinə külli miqdarda investisiya qoyur, firmalar bu sahədə hökumətlə, hətta rə­qib firmalarla əməkdaş­lıq edirlər.
Lakin, onu da qeyd etmək lazımdır ki, yeni texnika və texnologiyanın hazırlanması və tətbiqi onu həyata keçirən müəssisələrin özü üçün də təhlükələr yaradır. Belə ki, yalnız texnoloji üstünlüyünü qoruyub saxlamaq məqsədilə yeni texnologiya hazırlayan və tətbiq edən müəssisələr istehlakçıya lazım olmayan məhsulun yara­dıl­ması ilə risk edirlər.
Məsələn, «Kraft General Foods» kompaniyası keçən əsrin 80-ci illərində istehlakçıların davranışını nəzərə almadan bazara iki dəfə mikrodalğalı peçlərdə hazırlanması nəzərdə tutulan və ev temperaturunda uzunmüddət saxlan­ma­sı mümkün olan bir sıra ət yarımfabrikatları təklif et­mə­yə cəhd göstərmişdir və is­tehlakçıların davranışını nəzərə almadığından hər iki cəhd uğursuzluqla nətijə­lənmişdir. Belə ki, istehlakçılar ev temperaturunda sax­lan­ması mümkün olan məh­sul­ların tərkibində mütləq kimyəvi maddələr olduğunu düşünür və əksər hallarda, həmin məhsulların alınmasından imtina edirlər. Bu səbəbdən kompani­yanın «A La Carte» və «Impromptu» məhsulları uğursuzluğa düçar olmuşdur.