Har bir ish kunining oxirida shu kungi amaliyot uchun rahbarlik qilgan bank xodimi talabaning bajargan ishlarini kundalik daftariga o‘z imzosini qo‘yishi orqali tasdiqlaydi.
“Bank ishi” kafedrasi tomonidan belgilangan muddatda talaba hisobotini himoya qilishi zarur.
V. BITIRUV OLDI MALAKAVIY AMALIYOTI BO‘YICHA TIJORAT BANKI VA INSTITUTDAN TAYINLANGAN RAHBARLARNING MAJBURIYATLARI
Kafedradan bitiruv oldi amaliyotiga biriktirilgan rahbarning vazifalari:
amaliyotga chiqish oldidan talabalar bilan suhbat o‘tkazish va ularni amaliyotni o‘tash tartibi bilan tanishtiradi;
amaliyot davomida talabalarga zaruriy bo‘lgan nazariy, uslubiy va amaliy yordam ko‘rsatadi;
bitiruv oldi amaliyotini dastur bilan mos ravishda o‘tishini, yuqori darajada bo‘lishini ta’minlaydi;
talabalarni amaliyot obyektining ichki tartib-qoidalarga rioya qilishini nazorat qiladi;
talabalar tomonidan bitituv oldi amaliyoti dasturini to‘la bajarilishini, amaliyot natijalari bo‘yicha hisobot tuzilishini nazorat qilishni amalga oshiradi;
amaliyot yakunida talabaning olgan amaliy ko‘nikmasi haqida amaliyot kundaligining tegishli qismida o‘z fikri va xulosasini bildiradi;
talabalar tomonidan bitiruv oldi amaliyoti bo‘yicha tayyorlangan, kafedradan ro‘yxatdan o‘tkazilgan hisobotlarga 2 kun ichida taqriz yozadi.
