On Qutsal Bitiq’in (Onluğun) Yan Bitiqləri
Yüklə 2,19 Mb. Pdf görüntüsü
|
|
291
HƏQİQƏT Əgər heç kəs heç kəsdən ötrü ölməyirsə, demək, heç kəs yaşamır.
Şər – Mənasızdır, onun Zəifliyi bundadır. Xeyir – Mənalıdır, onun Gücü bundadır.
Mənalı – Şər olmur, Mənasız – Xeyir olmur... İblislik – Mənasızlıqdır; İblis Fəallığı Mənasız Fəallıqdır... Bu baxımdan, Şər – Varlıq deyil, Yoxluqdur – amansız, fəlakətli, həqarətli, fəal Yoxluq.
HƏQİQƏT Qaranlıq Həqiqət olmur. Qaranlıq haqqında Həqiqət – İşıqdır. Ölüm haqqında Həqiqət – Həyatdır.
Şər Xeyirlə döyüşsə – məğlub olar; Şər – Nisbi Xeyirlə döyüşür, bu səbəbdən də məğlub olmur. Şərin qarşısına Xeyir çıxmır – bu səbəbdən də Şər yaşayır.
Şər Ruhla bacarmır – çünki Ruh – Mütləqdir. Şər Bədənlə bacarır – çünki Bədən – Nisbidir.
Xeyiri – Varlıq yaşadır, Şəri – Yoxluq.
292
VARLIQ – YOXLUQ Nisbi Xeyir Yoxdur. Nisbilikdə Şər Var.
Xeyir – Xeyir olsaydı – Şər olmazdı. Həqiqət – Həqiqət olsaydı – Yalan olmazdı.
Şəri yaradan Xeyir əskikliyidir. Yalanı yaradan Həqiqət əskikliyidir.
Yalanın Varlığı yoxdur.
Şər Xeyir görməsə, ölməz. Şər Xeyir görmür, bu səbəbdən də ölmür.
Adam – Yalançı İnsan...
Xeyir Var olsa – Şər yox olar. Xeyir Var olmur – bu səbəbdən də Şər yox olmur.
Mənasızlıq – Məna Yoxluğu. Məna – Mənasızlıq Yoxluğundan üstün.
Mənasızlığı yaşadan Yoxluqdur, Mənanı yaşadan Varlıq. VARLIQ – YOXLUQ Şər – Xeyir Yoxluğu. Xeyir – Şər Yoxluğundan üstün.
293
Yalan – Həqiqət Yoxluğu. Həqiqət – Yalan Yoxluğundan üstün...
Şər – Yalan. Xeyir – Həqiqət.
Adam İnsan olmayınca – İblis ölməyəcək.
Gördüyümüz nə varsa – Gerçəklikdir. Bildiyimiz nə varsa – Gerçəklikdir. Dünyanın Mənası – gördüyümüzdən artıqdır, bildiyimizdən artıqdır.
Gerçəklik səviyyəsində hünər olmur. Hünər – gerçəkliyi ötməkdir. Gerçəklik səviyyəsində Hünər – Yalançı Hünərdir.
Gerçəkliyin Fəlakəti Məna İşığında görünür: ancaq biz Fəlakəti görürük – Mənanı görmürük.
Olanların çoxu – Yoxdur. Olmayanların çoxu – Var.
Mütilik – Ruhsuzluqdur. Din – Mütilik carçısıdır.
294
ƏLAQƏ Allahın bəndəsi, hökmdarın rəiyyəti, Cəmiyyətin aləti.
Allaha bel bağladığı gündən Adamın beli qırıldı.
Musiqiyə necə qulaq asıramsa – Düşüncələrimə də elə qulaq asıram.
Allah – İnamdan yox, İnamsızlıqdan yaranıb – Adamların Özlərinə İnamsızlığından.
Din Azadlığı – Ruhani Əsarət Azadlığı.
İntizam – Azadlıqdır; İtaət – Əsarət. Din İnsanı Allah əsarətinə salır...
İtaət – ən böyük Günahdır. Din – həmin günahı ləyaqətə mindirir. Din – Adam günahıdır əslində.
Mütilik – Şər işidir. Din – Şərə xidmət eləyir.
Adamlar Allaha inanmasaydılar – İnsanlaşardılar.
295
HƏQİQƏT Allaha inanmaq – əslində Mərhəmətli Ağaya inanmaqdır. Dindarlıq – əslində ölməyən Nökərçilikdir.
Adama yalnız İnsan kömək eləyə bilər – ancaq Adam İnsana inanmır, bu səbəbdən də Allahdan kömək diləyir.
Xalqı Cəmiyyətdən qorumaq. HƏQİQƏT Cəmiyyətin adamlara verdiyi haqların hamısı – əslində adamlardan alınan haqlardır.
Dünya məhv olmayacaq – çünki Mahiyyəti Mütləqdir. Həyat məhv olmayacaq – çünki Mahiyyəti Mütləqdir. İnsan məhv olmayacaq – çünki Mahiyyəti Mütləqdir.
İnam – Əzəli Həqiqətdir. İnamsızlıq – Əzəli Yalandır. Yalançı İnam – İnamsızlıqdır. HƏQİQƏT Cəmiyyət çox vaxt İnsanı Adamdan gizləyir. MƏQSƏD Adam Cəmiyyətindən – İnsan Birliyinə. HƏQİQƏT Xalq – azad Fərdlər Birliyi. Fərd – azad Xalq Vahidi.
296
AZADLIQLAR Fərdi Azadlıq: Hamılaşmadan, Təbəqələşmədən, Özgələş- mədən, Əşyalaşmadan – yəni Cəmiyyətdən azad olmaq.
mədən, Əşyalaşmadan – yəni Cəmiyyətdən azad olmaq.
Şər – Əzəli deyil, çünki Mənasızdır. – Sonsuz deyil, çünki Mənasızdır. – Kamil deyil, çünki Mənasızdır. – Əbədi deyil, çünki Mənasızdır.
Şər – Mənasızdır, Adam – Mənaya çatmayıb – bu səbəbdən də Şər ölmür. HƏQİQƏT Mənalı Şər olmur. Şər – həmişə Mənasızdır.
Mənasız – Xeyir olmur. Xeyir – həmişə Mənalıdır. HƏQİQƏT İnsana inanmamaq olmaz – çünki İnsan hələ olmayıb.
Azadlıq – İnsanlıq. Əsarət – Adamlıq.
İnsan olmamaq. Nə qədər ki, Adam İnsan olmayıb – o, Günahkardır.
297
FƏRQ Ruhani Ehtizaz – Məhəbbət. Cismani Ehtizaz – Şəhvət.
Azad Məhəbbət – Məhəbbətsizlik Əsarəti. Azad Əxlaq – Əxlaqsızlıq Əsarəti.
Şərin Gücü – Xeyirin zəifliyindədir. Şərin başqa Gücü yoxdur.
Var olmaq üçün – İnsanlaşmaq gərək. Adamlıq – Yoxluqdur. HƏQİQƏT Əxlaqi Var olma – Kamillik. Əxlaqi Yox olma – Qeyri-Kamillik.
Adam Təbiətlə münasibətini qaydaya salmaq üçün – İnsanlaşmalıdır. Adam Adamla münasibətini qaydaya salmaq üçün – İnsanlaşmalıdır.
Məxluqdan Azad olmaq. Adamdan Azad olmaq. Ağadan Azad olmaq. Nökərdən Azad olmaq. İnsanlaşmaq – İnsanlaşdırmaq...
298
HƏQİQƏT Varlıq – Yox ola bilərsə, Yox olacaqsa – Varlıq deyil – Yoxluqdur... Varlıq Yox ola bilməz, Yox olmaz. Gerçək Mövcudluq – yox olur, bu səbəbdən Varlıq deyil. Varlıq – Yox olmayan mövcudluqdur – yəni Mütləq Mövcudluqdur.
Günahsızlıq – Ruhani Fəallıq. Günah – Ruhani Fəalsızlıq. HƏQİQƏT Gerçəklikdə hər şey nisbidir – mahiyyətcə gerçəklik – Yoxluqdur: İnsan Yoxluğa düşür Həyatda və Allahlıq etməli olur – Yoxdan Var yaradır.
İnsana Mövcud olmaq Aqibəti verilib, Var olmaq Aqibəti verilməyib: Var olmaq üçün İnsan özünü təzədən yaratmalıdır.
İnsan Varlığını Dünyada qoyub gedir, Yoxluğunu qəbrə aparır.
Varlıq – Mütləqilik. Yoxluq – Nisbilik. HƏQİQƏT Adam Yoxluqdan qorxmur, Yox olmaqdan qorxur. HƏQİQƏT Yox olan nə Varsa – Yoxluqdur. Var olan – Yox olmur.
299
AZADLIQ İnsanilik. HƏQİQƏT Əxlaq – Var olmaq – Yoxluqdan çıxmaq. Əxlaqsızlıq – Yox olmaq – Yoxluqda qalmaq.
Dünya İnsandan kənardadır, Dünyanın Mənası İnsandadır.
Təzahür dəyişir, çünki köhnəlir. Məna dəyişmir, çünki köhnəlmir.
Antiinsani Bilik olur – Antiinsani Həqiqət olmur.
Nisbi Varlıq Yoxdur: Varlıq həmişə Mütləqdir.
EVLADIM ÖZÜMLÜNÜN TƏMSİL ETDİYİ ATA AİLƏSİNİN HESABATI HAQQINDA I. Hesabat Təqdir olunur.
II. Mütləqləşmək Vaxtıdır! – Mütləq Amal – Mütləq Əməl vəhdətinə yetmək.
III. Evladlaşdırma Fəaliyyəti Yüksəlməlidir. Qaranlıqlar Yarılsın!
300
HƏQİQƏT Yalnız Ruhani – Var olandır. Cismani – Var olmur. Cismanidə Var olan da – Ruhanidir. HƏQİQƏT Mütləqdən – Nisbi yaranıb; Əzəlidən – Ötəri yaranıb; Əbədidən – Keçici yaranıb; Sonsuzdan – Sonlu yaranıb; Kamildən – Qeyri-Kamil yaranıb. Məna özünə bərabər aşkarlansaydı – Gerçəklik yaranmazdı. Gerçəklik Mənadan ayrılmasaydı – Mənasız sayılmazdı.
Əzəli Məna o qədər böyükdür ki, onun yanında bütün gerçək Mənalar Mənasız görünür.
Əbədi Məna o qədər böyükdür ki, onun yanında bütün gerçək Mənalar Mənasız görünür.
Sonsuz Məna o qədər böyükdür ki, onun yanında bütün gerçək Mənalar Mənasız görünür.
Mənasızlıq – Məna şahidi.
Fikir – İdeal Əməl.
Adam Əyriliyindən Cəmiyyət yarandı. İnsan Düzlüyündən Xalq Birliyi yaranmalıdır. 301
HƏQİQƏT Məhəbbət – Məna. Şəhvət – Təzahür.
Məhəbbətlə Şəhvət arasında Uçurum var. Gerçəklikdə Məhəbbət Şəhvət Uçurumuna düşür. HƏQİQƏT Məhəbbət – Ruhani Vəcd. Şəhvət – Cismani Ehtiras.
Məna Təzahürə bərabər olsaydı – Məna olmazdı, Təzahür olardı. Təzahür Mənaya bərabər olsaydı – Təzahür olmazdı, Məna olardı.
Təzahür – Anti Məna. Məna – Anti Təzahür.
Dünyanın Mənası o qədər böyükdür ki, Gözə görünmür.
Üzə çıxmayan İmkan.
Mahiyyət – Yaradan. Təzahür – Yaradılan.
Dünyanı Yaradan – Dünyanın Mahiyyəti. Dünyada Yaradılan – Dünyanın Təzahürü. 302
HƏQİQƏT Hadisə – Mənadan yaranıb; Məna – Hadisədən yaranmayıb. Təzahür – Mahiyyətdən yaranıb; Mahiyyət – Təzahürdən yaranmayıb. HƏQİQƏT İnsansevərlik – Mənasevərlikdir. Bu səbəbdən də İnsanı sevməyən Fəlsəfə yoxdur.
Dünyanın Təzahürü Dünyanın Mənasına Ziddir: Ötərilik – Əzəliyə, Keçicilik – Əbədiliyə, Sonlu – Sonsuza, Qeyri-Kamil – Kamilə.
Məna – Gerçəklikdə İtir, İnsanda Tapılır...
İnsan Yoxluğa düşür və Yoxluqdan Varlıq yaradır. Adam Yoxluğa düşür və Yox olur.
Varlıq – Mütləq Mövcudluq. Yoxluq – Nisbi Mövcudluq.
İdeal cəmiyyət ola bilməz, çünki cəmiyyət İnsaniliyə qarşı- dır: İnsanilik olmayan Yerdə – İdeal Yoxdur.
Gerçəkliyi Mənalandıran – İdealdır. İdealsız Gerçəklik – Mənasızdır.
303
HƏQİQƏT Maddiyyat Ruhaniyyatla nizamlanmalıdır. Ruhaniyyat maddiyyatla nizamlana bilməz.
İdeal – İdeyaya – Mənaya bərabər olmaq. Əslində İdealdan başqa Var olan yoxdur gerçəklikdə.
Nisbi Dostluqla barışmadım, Dostsuz qaldım – Dostluğa xəyanət eləmədim. Nisbi Sevgiylə barışmadım, Sevgilisiz qaldım – Sevgiyə xəyanət eləmədim.
Yoxsulluq – maddi əsarət. Varidat – maddiyyat əsarəti.
İnsan Yerə də, Göyə də Zülm eləyir; Ancaq Yerin də, Göyün də Mənası Odur.
İnsan Haqqı uğrunda əsil döyüş – həm sosializmə, həm də kapitalizmə qarşı döyüş olmalıydı. Disidentlər sosializmə kapitalist zərbəsi endirdilər, bununla da kapitalizmə yaradılar.
Həyadan utananlar.
304
HƏQİQƏT Adam Adam üzərində Ağalıqdan imtina etməsə – məhv olacaq. Adam Təbiət üzərində Ağalıqdan imtina etməsə
– məhv olacaq. Adam İnsanlaşmasa – məhv olacaq.
HƏQİQƏT Göydə, Dağda, Çayda, Meşədə – İnsanilik Var. Göyün Ucalığında, Dağın Vüqarında, Çayın Mahnısında, Meşənin Qüssəsində. İnsan təbiətə qarşı Qəddarlığında Özünə qıyır, İnsaniliyinə qəsd eləyir.
Hər uçurulan Dağda İnsan Vüqarı dağılır, Hər quruyan Çayda İnsan Mahnısı kəsilir, Hər qırılan Meşədə İnsan Duyğusu əskilir.
Kamil Naqisdən Zəngindir. Naqis Kamildən Mürəkkəbdir. FƏRQLƏR Dini Əxlaq – Bəndələşdirən. İctimai Əxlaq – Rəiyyətləşdirən. Ruhani Əxlaq – İnsanlaşdıran.
Təbiəti Əksildən – İnsani Ruhsuzluqdur; Təbiət əksildikcə – Ruhsuzluq artır.
305
HƏQİQƏT Həm cəmiyyət, həm də Din İnsan üzərində Ağalıqdır. Cəmiyyət Ağalığını ictimai qanunlar əsasında həyata keçirir, Din Dini Qanunlar əsasında... Ruhaniyyat Ağalığın ölümüdür; bu səbəbdən də cəmiyyətə qarşıdır, dinə qarşıdır.
Həyat – maddi mənafe uğrunda döyüşdür – Yəni heyvanilik meydanıdır. Həyat – mənəvi kamillik uğrunda döyüşdür – Yəni Ruhanilik meydanıdır.
Cəmiyyət Adamı – Mənafe Adamı. Ruhaniyyat İnsanı – Məhəbbət İnsanı.
Mənafe olan Yerdə Məhəbbət ola bilməz. Bu səbəbdən də cəmiyyətdə Məhəbbətə yer yoxdur.
Cəmiyyət həmin Davamı ifadə eləyir.
Mənafe olmasa – cəmiyyət olmaz. Cəmiyyətin əsası – xudbinlik.
İctimai İdrak – Antiinsanlaşan İdrak. İctimai münasibətlər – Antiinsani Münasibətlər.
306
HƏQİQƏT Ruhaniyyat – Mahiyyətcə Antiictimaidir – çünki İnsanidir. Fəlsəfə – Mahiyyətcə Antiictimaidir – çünki İnsanidir. Sənət – Mahiyyətcə Antiictimaidir – çünki İnsanidir. Bu səbəbdən də Cəmiyyət Ruhaniyyatı – İctimailəşdirir – yəni Özgələşdirir. Fəlsəfəni – İctimailəşdirir – yəni Özgələşdirir. Sənəti – İctimailəşdirir – yəni Özgələşdirir. HƏQİQƏT İnsan cəmiyyətdən üstün olduqda İnsan olur, cəmiyyət sə- viyyəsində o, Adam olur, Məxluq olur.
Cəmiyyət – Xudbinliyin ifadəsidir; çünki Hamılaşma, Təbə- qələşmə, Özgələşmə, Əşyalaşma – Xudbinlikdir. Xudbin Fərdiyyət yoxdur – çünki Fərdiyyət cəmiyyətə qarşıdır. HƏQİQƏT Xalqı Xalq eləyən Ruhaniyyatdır; Cəmiyyət Xalqa qarşıdır; – çünki Hamılaşma Xalqa qarşıdır, Təbəqələşmə Xalqa qarşıdır; Özgələşmə Xalqa qarşıdır; Əşyalaşma Xalqa qarşıdır. Xalqı Xalq eləyən Fərdiyyətdir – çünki o, Hamılaşmaya qarşıdır, Təbəqələşməyə qarşıdır, Özgələşməyə qarşıdır, Əşya- laşmaya qarşıdır.
FƏRQ İctimailəşmək – Hamılaşmaq, Təbəqələşmək, Özgələşmək, Əşyalaşmaq. Ruhaniləşmək – Fərdiləşmək, Özümləşmək, Xalqlaşmaq, İnsanlaşmaq. 307
HƏQİQƏT İnsan Təbiəti – Təbiətdən (cismanilikdən, maddiyyatdan) artıqdır; Onda Ruh var...
İnsanı Təbiətə bərabər saymaq – İnsanı İnsanilikdən məh- rum eləməkdir; bu səbəbdən də materializmdə İnsan yoxdur.
HƏQİQƏT Cəmiyyət Adam Xudbinliyindən özünə Alət düzəltdi.
Əxlaqın Mahiyyəti – Təmənnasızlıqdır. Cəmiyyət – Mənafe əsasında qurulub.
Cəmiyyətdə Adamlar Əxlaqdan Qazanc götürürlər. Əxlaqdan Qazanc götürmək əslində – ən böyük Əxlaqsızlıqdır. HƏQİQƏT Xeyiri mükafatlandırmaqla cəmiyyət əslində Xudbinliyi mükafatlandırır – Adamları pozur.
Cəmiyyət əslində mənafelərdən dönməyənlər birliyidir.
İctimailik – İnsanın təbiətindən doğmayıb, Aqibətindən doğub. İctimailik – Əlacsızlıqdan doğub, Əlac olmayıb. HƏQİQƏT 308
Xalqa – fədakar gərək, cəmiyyətə – xudbin. Fədakarlıq – Xalqı Yetirir, cəmiyyəti dağıdır. Xudbinlik – cəmiyyətin Sütunudur, o qırılsa – cəmiyyət qırılar.
Xudbinlik olmasa – maddiyyatçılıq olmaz. Maddiyyatçılıq – Cəmiyyətin əsasıdır.
Xudbinlik olmasa – Vəsiqəçilik, Rütbəçilik, İmtiyazçılıq olmaz.
Vəsiqəçilik, Rütbəçilik, İmtiyazçılıq olmasa – cəmiyyət olmaz.
Xudbinlik olmasa – cəmiyyət olmaz.
Cəmiyyət – İnsandakı Vəhşini öldürmədi – İctimailəşdirdi.
İctimailəşmiş Xudbinlik.
Ağalıq – Əxlaqsızlıqdır. Adam Əxlaqlı olsaydı – Ağalıq olmazdı. Adam İnsan olsaydı – Cəmiyyət olmazdı.
Hakimiyyətdə Məhəbbət Yoxdur. Cəmiyyət Xalq üzərində Hakimiyyətdir. Cəmiyyətdə Xalqa Məhəbbət Yoxdur. |