O‘zbek tili va Gumanitar fanlar

Qisqa masofaga yugurish. Qisqa masofaga yugurish to‘rtta shartli fazaga bo‘linadi:

1. 
   Yugurishning boshlanishi start:
   
2. 
   Startdan keyingi yugurish:
   
3. 
   Masofa bo‘ylab yugurish
   
4. 
   Marra lentasiga otilish.
   

Yugurishning boshlanishi – start. Sprintda, yugurishni tezroq boshlashga va qisqaroq masofa bo‘lagida tezlikni maksimal o‘stirishga imkon beradigan, past start qo‘llaniladi. Past startda yuguruvchi tanasining u.o.m. yuguruvchi qo‘lini yo‘lkadan uzgan zahoti tayanchdan ancha oldinlab ketgan bo‘ladi. Startdan ancha tezroq chiqish uchun start tirgaklari qo‘llaniladi. Odatdagi start deb ataluvchi start keng qo‘llaniladi. Unda oldingi tirgak start chizig‘idan 1-1,5 oyoq tagi uzunligida, keyingi tirgak esa oldingi tirgakdan boldir-ilik uzunligi oralig‘ida o‘rnatiladi. Oldingi tirgakning tayanch satxi 60-80⁰ ishlab bo‘ladi. Tirgaklarning o‘qlari orasidagi masofa odatda 18-20 smga teng bo‘ladi. Ayrim yuguruvchilar oldingi tirgakni oldingiga yaqinlashtirib, tirgak orasidagi masofani qisqartiradilar.
“Startga!” komandasi bilan yuguruvchi tirgaklar oldiga o‘tadi, cho‘nqayib, qo‘llarini start chizig‘idan oldinga qo‘yadi. Mana shu holatdan u oldindan orqaga harakat qilib, bir oyog‘ini oldinga tirgakning tayanch satxiga, ikkinchi oyoqni esa tirgakning tayan satxiga tiraydi. Keyingi oyoq tizzasida turib, yuguruvchi qo‘llarini start chizig‘idan o‘zi tomon o‘tkazib, start chizig‘iga jipslashtirib yerga qo‘yadi. Katta barmoq bilan bir-biriga jipslashib turgan qolgan barmoqlar orasida egiluvchan ark hosil bo‘ladi, taranglanmagan to‘g‘ri qo‘llar yelka kengligida qo‘yiladi. Tananing og‘irligi ikkala qo‘l, oldingi oyoq tagi va keyingi oyoq tizzasiga teng taqsimlanadi. Mana shu holatda butun e’tiborni keyingi buyruqqa jalb qilish kerak.
“Diqqat!” buyrug‘i berilgandan keyin, yuguruvchi oyoqlarini sal to‘g‘irlab, keyingi oyoq tizzasini yerdan uzadi. Bu bilan u gavdasining u.o.m.ni sal yuqorilatib oldinga siljitadi. Endi gavdaning og‘irligi ikkala qo‘l bilan oldingi oyoqqa tushadi. Lekin gavda u.o.m. ning yo‘lkadagi proeksiyasi start chizig‘idan 15-20 sm berida bo‘lishi kerak. Oyoq taglari tirgaklarning tayanch sathiga qattiq tiraladi. Gavda to‘g‘ri tutiladi. Tos yelkaga nisbatan sal yuqori ko‘tariladi, oyoq muskullari kuchli bo‘lgan yuguruvchi unchalik unchalik yuqori ko‘tarilmasa ham bo‘ladi. Startda tayyor turgan paytda oldingi tirgakka tiralgan oyoqning soni bilan boldiri orasidagi optimal burchak 65-100⁰ ga, keyingi targakka tiralgan oyoq burchagi esa 100-120⁰ ga tengdir. Bosh pastga qaragan bo‘lib, yuguruvchining “Diqqat!” buyrug‘i bilan yugurishni boshlashga beriladigan signal orasidagi vaqt 3 soniyadan oshmasligi zarur.
Yuguruvchi to‘pponcha ovozini eshitgach, darhol oldinga intiladi, bu harakat qo‘llarini oldinlatib yuqoriga tez siltash bilan boshlanadi. Bu oyoqlarning ham tez harakat qilishiga yordam beradi. Start tirgaklaridan depsinish ikkala oyoqda bir vaqtda, start tirgaklariga qattiq bosish bilan boshlanadi. Startdan chiqish vaqtidagi harakatlarni maksimal darajada tez bajarish kerak. Startdan chiqayotganda butun gavdani to‘ppa-to‘g‘ri cho‘zib yuborish, ko‘proq foyda beradi. Chunki bunda gavdaning u.o.m. eng pastga tushgan bo‘lib, depsinish burchagi eng katta bo‘lishi mumkin. Start va keyingi qadamlar texnikasi yuguruvchining kuchiga va tezkorligiga bog‘liq. “Diqqat!” buyrug‘idan keyin, signal berilgan zahoti yugura ketish uchun, yuguruvchi jangovor tayyorgarlik holatida bo‘lishi kerak. Startdan chiqish harakatlarining barchasi, bir mustaxkam malakaga aylangan holdagina shunday bo‘lishi mumkin. Shuni aytib o‘tish kerakki, mashq ko‘rgan yuguruvchilarda signaldan keyin startdan chiqishdagi birinchi harakat o‘rtasida 0,1 sek. Vaqt sarflanadi. Ozroq mashq ko‘rgan yuguruvchilarda esa bu vaqt ko‘proq bo‘ladi, demak, trenirovka jarayonida harakatga keltiruvchi reaksiya vaqtini qisqartirish mumkin.