O‘zbekiston respublikasi ichki ishlar vazirligi a k a d e m I y a
Yüklə 5,01 Kb. Pdf görüntüsü
|
|
Rejadan tashqari tekshirishlar
(jumladan, qisqa muddatli tekshi- ruvlar) nazorat organlari tomonidan O‘zbekiston Respublikasining «Xo‘jalik yurituvchi subyektlar faoliyatini davlat tomonidan nazorat qilish to‘g‘risida»gi qonunining 12-moddasiga muvofiq quyidagi hollarda o‘tkaziladi: – agar tekshiruvni o‘tkazish zarurati O‘zbekiston Respublikasi Hukumati qaroridan kelib chiqqanda; – nazorat qiluvchi organga xo‘jalik yurituvchi subyekt tomonidan qonunlar va boshqa qonun hujjatlari buzilganligi to‘g‘risida qo‘shimcha ma’lumotlar kelib tushganda; – favqulodda vaziyatlar yuzaga kelishining oldi olinayotganda; – sanitariya-epidemiologiya vaziyati murakkablashganda, shuningdek qo‘shni davlatlardan yuqumli kasalliklar kirib kelishi va tarqalishi ehtimoli vujudga kelganda. Xo‘jalik yurituvchi subyektlar faoliyatini rejadan tashqari tekshirish uchun maxsus vakolatli organning tekshirilayotgan obyekt nomini, tekshi- ruv o‘tkazish maqsadi, muddatlari hamda uni o‘tkazish sabablarining asosliligi ko‘rsatilgan holda rejadan tashqari tekshirish o‘tkazish to‘g‘risida chiqargan qarori, shuningdek tekshirishni amalga oshiruvchi tegishli mansabdor shaxslar tarkibi va tekshiruvni o‘tkazish muddatlari ko‘rsatilgan buyrug‘i asos bo‘lib xizmat qiladi. Nazorat qiluvchi organ hududiy bo‘linmasining tadbirkorlik subyekti faoliyatini muddati bir kundan ortiq bo‘lgan rejadan tashqari tekshirish o‘tkazishga buyurtmanomasi va tekshirishni o‘tkazish rejasi viloyat komissiyasida o‘rganib chiqilganidan keyin so‘ralgan tekshirishni o‘tka- zish yoki o‘tkazishni rad etish to‘g‘risida qaror qabul qilish uchun Kengashga yuboriladi. Nazorat qiluvchi organ hududiy bo‘linmasining tadbirkorlik subyekti faoliyatini muddati bir kun bo‘lgan rejadan tashqari tekshirish o‘tkazishga buyurtmanomasi va tekshirishni o‘tkazish rejasi hududiy komissiya tomonidan o‘rganib chiqiladi, shundan so‘ng viloyat komissiyasi rejadan tashqari tekshirishni o‘tkazish yoki o‘tkazishni rad etish to‘g‘risida qaror qabul qiladi. Kengashning, uning viloyat va tuman komissiyalarining ishchi organlari taqdim etilgan buyurtmanomalar va tekshirish o‘tkazish rejalari asosliligini, tekshirishlarni o‘tkazish rejalarining nazorat qiluvchi organ zimmasiga yuklatilgan vazifalarga muvofiqligini, o‘rganiladigan masala- larni tegishli nazorat qiluvchi organlar bilan birgalikda o‘rganib 76 chiqadilar hamda viloyat va tuman komissiyalari ishchi guruhlarining rejadan tashqari tekshirish o‘tkazish uchun taqdim etilgan buyurtma- nomalarni ko‘rib chiqishga doir xulosalarini inobatga olgan holda tegishincha Kengashga, uning viloyat komissiyalariga taklif kiritadilar, ular rejadan tashqari tekshirish o‘tkazish to‘g‘risida yoki uni o‘tkazishni rad etish haqida qaror qabul qiladilar, rejadan tashqari tekshirish o‘tkazishga ruxsat berilgan taqdirda tekshirish rejasini kelishib oladilar. Rejadan tashqari tekshirish o‘tkazish to‘g‘risidagi yoki uni o‘tkazish- ni rad etish haqidagi qaror qisqa muddatlarda, biroq buyurtmanoma kelib tushgan kundan e’tiboran ikki haftadan kechiktirmay qabul qilinadi va tegishincha Kengash raisi (uning o‘rinbosarlari) yoki ushbu Nizomda nazarda tutilgan vakolatlar doirasida viloyat komissiyasi raisi tomonidan imzolanadi hamda nazorat qiluvchi organga yuboriladi. Ulgurji va chakana savdodagi umumiy ovqatlanish va pulli xizmatlar ko‘rsatish sohasidagi tadbirkorlik subyektlari tomonidan savdo-sotiq hamda naqd pul tushumini topshirish qoidalariga rioya etilishini rejadan tashqari qisqa muddatli tekshirishlardan o‘tkazish to‘g‘risidagi qarorlar istisno tartibida tuman komissiyalarining raislari yoki viloyat komis- siyalari raislarining o‘rinbosarlari – soliq boshqarmalari boshliqlari tomonidan imzolanadigan ro‘yxatlar ko‘rinishida rasmiylashtiriladi. Ro‘yxatlarda tekshirilayotgan tadbirkorlik subyekti nomi va STIR, tekshirilayotgan tadbirkorlik subyekti ulgurji va chakana savdo, umumiy ovqatlanish va pulli xizmatlar ko‘rsatish obyektining yuridik manzili, shuningdek obyekt amalga oshirayotgan faoliyat turi va rejadan tashqari qisqa muddatli tekshirish o‘tkazish muddati ko‘rsatilishi kerak. Favqulodda vaziyatlar yuzaga kelishining oldini olish, sanitariya- epidemiologiya vaziyati murakkablashishi, shuningdek boshqa davlatlar- dan yuqumli kasalliklar kirib kelishi va tarqalishi ehtimoli bilan bog‘liq rejadan tashqari tekshirishlarni o‘tkazish to‘g‘risidagi qaror, sanitariya nazorati va tabiatni muhofaza qilish organlari murojaati asosli bo‘lgan taqdirda tekshirish o‘tkazish uchun buyurtmanoma kelib tushgan kuni qabul qilinadi. Yuqori nazorat qiluvchi organlar o‘zlarining hududiy bo‘linmalariga tadbirkorlik subyektlari faoliyatini rejadan tashqari tekshirishdan o‘tkazish haqidagi topshiriqlarni ularni o‘tkazish to‘g‘risida faqatgina Kengash yoki uning viloyat komissiyasining qarori bo‘lgan taqdirdagina yuboradilar. |