O‘zbekiston respublikasi ichki ishlar vazirligi a k a d e m I y a

Budjet ko‘rsatkichlarini ijrochilarga yetkazish. 
Budjet qonunchi-
ligida Davlat budjetini budjet mablag‘larini oluvchilarga yetkazish bilan 
bog‘liq bo‘lgan budjet jarayonining alohida bosqichi ajratilishi muhim 
nazariy va amaliy ahamiyatga ega. Lekin moliya huquqiga oid ilmiy va 
o‘quv adabiyotlarida hamda boshqa davlatlar budjet qonunchiligida 
bunday bosqich ajratilmagan va ko‘rib chiqilmaydi. Tarkib topgan 
nazariyaga muvofiq hamda qonunchilik amaliyotiga ko‘ra, budjetni 
tasdiqlash bosqichidan keyin darhol uni ijro etish bosqichi keladi. Mazkur 
holda budjetning amalda bajarilishi vazifasi tasdiqlangan budjet 
ko‘rsatkichlarini uning ko‘p sonli ijrochilari faqat olganidan keyingina 
real hal qilinishi mumkinligi diqqat-markazdan chetda qolayapti. Budjet-

---

126
ni budjet mablag‘larini oluvchilarga yetkazish bosqichi ayni mana shu 
vazifani hal etish uchun qaratilgan. 
Budjet jarayonining ko‘rib chiqilayotgan bosqichi muhim elementi 
budjet ko‘rsatkichlari va budjetni ijro etish uchun zarur bo‘lgan boshqa 
ma’lumotlarni yetkazish muddatlari hisoblanadi. Bunda ular budjet 
ko‘rsatkichlarini yetkazish jarayoni rejalashtirilayotgan moliya yili 
boshlanguniga qadar tugallanishi, yangi moliya yilining birinchi kunidan 
boshlab budjetni amalda ijro etishga kirishish uchun budjetni tuzish, 
ko‘rib chiqish va tasdiqlash muddatlari bilan albatta bog‘langan bo‘lishi 
kerak.
Davlat budjetini budjet mablag‘larini oluvchilarga yetkazish tartibi va 
muddatlari «Budjet tizimi to‘g‘risida»gi qonun (30-modda) va 
O‘zbekiston Respublikasi davlat budjetini tuzish va ijro etish qoidalari 
(IV-bob)da belgilab berilgan. 
O‘zbekiston Respublikasi davlat budjeti O‘zbekiston Respublikasi 
Oliy Majlisi tomonidan qabul qilinib, uning parametrlari O‘zbekiston 
Respublikasi Vazirlar Mahkamasi tomonidan tasdiqlanganidan keyin 
Moliya vazirligi Qoraqalpog‘iston Respublikasi Vazirlar Kengashi, 
Qoraqalpog‘iston Respublikasi Moliya vazirligi, viloyatlar hokimiyatlari 
va Toshkent shahar hokimiyati, viloyatlar va Toshkent shahar moliya 
boshqarmalariga quyidagilarni ma’lumot uchun yetkazadi: 
Qoraqalpog‘iston Respublikasi budjeti, viloyatlar budjetlari va 
Toshkent shahar budjeti daromadlari va xarajatlari hajmlari; 
respublika budjetidan keyingi moliya yili uchun ularga beriladigan 
budjet dotatsiyalari (subvensiyalari) hajmlari, Qoraqalpog‘iston Respub-
likasi budjeti, viloyatlar budjetlari va Toshkent shahar budjeti zahira 
jamg‘armasi miqdori; 
Qoraqalpog‘iston Respublikasi budjeti, viloyatlar budjetlari va 
Toshkent shahar budjeti aylanma kassa miqdorlari; 
Qoraqalpog‘iston Respublikasi budjeti, viloyatlar budjetlari va 
Toshkent shahar budjetiga tartibga soluvchi umumdavlat soliqlaridan 
ajratmalar normativlari.
Bunday axborot, ma’lumotlar O‘zbekiston Respublikasi Moliya 
vazirligining hududiy Moliya bosh boshqarmasi tomonidan uch kunlik 
muddat ichida yetkaziladi. Ularga asosan Qoraqalpog‘iston Respublikasi, 
viloyatlar va Toshkent shahar vakillik organlari davlat budjeti qabul 
qilinganidan keyin ikki haftalik muddat ichida tegishli budjetlarni qabul 
qilishadi. 

---

127
Davlat budjeti daromadlarining tasdiqlangan yillik va choraklik 
hajmlari budjet tasnifi bo‘limlari, paragraflari bo‘yicha tegishli 
hududlarga bo‘lingan holda, O‘zbekiston Respublikasi Davlat soliq 
qo‘mitasi va O‘zbekiston Respublikasi Davlat bojxona qo‘mitasiga 
yetkazib beriladi.
Daromadlar kontingenti (hajmi) O‘zbekiston Respublikasi Moliya 
vazirligi tomonidan tasdiqlangan shakllar bo‘yicha bir haftalik muddat 
ichida yetkaziladi.
Respublika budjeti hisobidan moliyalanadigan budjet mablag‘larini 
oluvchilarga O‘zbekiston Respublikasi Moliya vazirligi tomonidan 
belgilangan shakllar bo‘yicha budjet tasnifiga muvofiq xarajatlar bo‘lim-
lari, boblari, paragraflari, guruhlari, turlari va obyektlari bo‘yicha ular 
uchun belgilangan xarajatlar hajmlari o‘n kunlik muddat ichida ma’lum 
qilinadi.
Davlat maqsadli jamg‘armalarini taqsimlovchi organlar O‘zbekiston 
Respublikasi Moliya vazirligi tomonidan belgilangan shakllar bo‘yicha 
ular uchun nazarda tutilgan daromadlar va xarajatlar hajmlari to‘g‘risidagi 
ma’lumotlarni, respublika budjetidan moliyalanadigan budjet mablag‘la-
rini oluvchilar kabi, bir xil muddatda oladilar.
Qoraqalpog‘iston Respublikasi budjeti, viloyatlar budjetlari va 
Toshkent shahar budjeti qabul qilinganidan keyin tegishli moliya 
organlari bir haftalik muddat ichida joylardagi davlat soliq xizmati 
organlariga – ko‘rsatilgan budjetlar tasdiqlangan daromadlar hajmlarini, 
ushbu budjetlardan moliyalanadigan tashkilotlarga esa – ular uchun 
belgilangan budjetdan ajratiladigan mablag‘lar hajmlarini ma’lumot 
uchun yetkazadilar. Respublika (Qoraqalpog‘iston) va viloyatlarga 
qarashli tumanlar va shaharlar budjetlari, shuningdek, shahar (tumanga 
qarashli shaharlar) tarkibiga kiruvi tumanlar budjetlari qabul qilinganidan 
keyin budjetlar ko‘rsatkichlari tegishli soliq organlariga va tegishli 
budjetlardan budjetdan ajratilgan mablag‘larni oluvchilarga xuddi 
shunday tartib va muddatlarda yetkazib beriladi.