O‘zbekiston respublikasi ichki ishlar vazirligi a k a d e m I y a

Budjetni ijro etish va uning ijrosini nazorat qilish. Davlat 
budjetini ijro etish 
– uning daromad qismida rejalashtirilgan to‘lovlarning 
har bir manba bo‘yicha o‘z vaqtida va to‘liq kelib tushishini ta’minlash, 
shuningdek, uning xarajat qismida nazarda tutilgan barcha tadbirlarni 
uzluksiz moliyalashtirishdir. 
«Budjet tizimi to‘g‘risida»gi qonunga muvofiq davlat budjeti va 
uning tuzilmasiga kiruvchi budjetlarni ijro etish O‘zbekiston Respublikasi 

---

128
Vazirlar Mahkamasi, Qoraqalpog‘iston Respublikasi Vazirlar Kengashi, 
joylardagi ijroiya organlari va Moliya vazirligi vakolatiga kiradi.
O‘zbekiston Respublikasi Vazirlar Mahkamasi davlat budjetining ijro 
etilishini tashkil qiladi, Moliya vazirligi va davlat boshqaruvi boshqa 
organlarining davlat budjetini ijro etish bo‘yicha ishlarini muvofiqlash-
tiradi va nazorat qiladi, davlat maqsadli jamg‘armalari mablag‘larini 
shakllantirish va ulardan foydalanish tartibini belgilaydi. Qoraqalpo-
g‘iston Respublikasi Vazirlar Kengashi va joylardagi ijroiya organlari 
mablag‘larning tegishli budjetlarga to‘liq va o‘z vaqtida kelib tushishi 
hamda ularning belgilangan maqsadlarda xarajat qilinishi ustidan 
nazoratni amalga oshiradi.
Respublika budjeti, Qoraqalpog‘iston Respublikasi budjeti va mahal-
liy budjetlarni bevosita ijro etish moliya organlari tizimi (O‘zbekiston 
Respublikasi Moliya vazirligi, Qoraqalpog‘iston Respublikasi Moliya 
vazirligi, tegishli hokimiyatlar moliya boshqarmalari va bo‘limlari) 
tomonidan amalga oshiriladi. 
O‘zbekiston Respublikasi Moliya vazirligi va boshqa moliya 
organlari davlat budjeti va uning tuzilmasiga kiruvchi budjetlarning 
qonunchilikda belgilangan parametrlar doirasida ijro etilishi uchun mas’ul 
hisoblanadi. Davlat budjeti daromadlari va xarajatlarini boshqarish 
O‘zbekiston Respublikasi Moliya vazirligi tomonidan amalga oshiriladi. 
O‘zbekiston Respublikasi Moliya vazirligi davlat budjeti ijrosini 
ta’minlaydi, respublika budjetini ijro etadi, Qoraqalpog‘iston Respub-
likasi budjeti va mahalliy budjetlarning ijro etilishiga rahbarlik qiladi. Bu 
organ davlat budjetida nazarda tutilgan barcha daromadlarning kelib 
tushishini ta’minlash hamda budjetdan ajratilgan mablag‘larning qat’iy 
belgilangan maqsadlarda oqilona va tejamkorlik bilan ishlatilishi 
yuzasidan chora-tadbirlarni tashkil etadi va amalga oshiradi. 
O‘zbekiston Respublikasi Moliya vazirligi respublika budjetining 
vazirliklar, idoralar, budjet tashkilotlari va xo‘jalik yurituvchi subyektlar 
tomonidan ijro etilishi, O‘zbekiston Respublikasi Markaziy banki va 
boshqa banklarning budjet kassa ijrosi qoidalariga rioya etishi, kapital 
qo‘yilmalar va budjetdan ajratiladigan mablag‘lar hisobidan amalga 
oshiriladigan boshqa tadbirlarning banklar tomonidan moliyalanishini 
nazorat qiladi. Yo‘naltirilgan sertifikatlarni tayyorlash, rasmiylashtirish, 
berish, ijro etish va hisobini yuritish tartibi hamda turli darajadagi 
budjetlarning ijrosi to‘g‘risidagi buxgalteriya hisobini yuritish tartibini 
belgilaydi va h.k. 

---

129
Budjetni ijro etish bo‘yicha funksiyalarini amalga oshirish uchun 
O‘zbekiston Respublikasi Moliya vazirligi respublika vazirliklari va 
idoralari, boshqa tashkilotlar, korxonalar, muassasalardan davlat budjeti 
ijrosini nazorat etish uchun tegishli materiallarni olishga haqli. 
Korxonalar, muassasalar va tashkilotlarda mablag‘larni noqonuniy xarajat 
qilish faktlari aniqlangan hamda ilgari berilgan mablag‘larning ijrosi 
to‘g‘risidagi hisobotlar va belgilangan boshqa hisobotlar taqdim etilma-
gan taqdirda, tegishli vazirliklar va idoralar, korxonalar, muassasalar, 
tashkilotlar rahbarlariga bu haqda xabar berib, ularni budjet hisobidan 
moliyalashtirishni cheklash, zarur bo‘lgan hollarda esa, to‘xtatib qo‘yish 
huquqiga ega. 
Qoraqalpog‘iston Respublikasi va boshqa ma’muriy-hududiy tuzilma-
lar moliya organlari ham davlat budjeti tegishli darajalardagi 
budjetlarining ijrosi bo‘yicha xuddi shunday funksiyalarni bajaradi. 
Davlat budjetining ijro etilishida soliq va bojxona xizmati organlari 
katta rol o‘ynaydi. Soliq organlari soliqlar, majburiy to‘lovlarning to‘g‘ri 
hisoblab yozilishi, ularning O‘zbekiston Respublikasi Moliya vazirligi 
huzuridagi Respublika yo‘l jamg‘armasiga, Moliya vazirligi huzuridagi 
budjetdan tashqari Pensiya jamg‘armasiga to‘liq va o‘z vaqtida kelib 
tushishini nazorat qiladi. Bojxona organlari zimmasiga bojxona 
to‘lovlarining to‘g‘ri hisoblab yozilishi, to‘liq va o‘z vaqtida to‘lanishini 
nazorat etish vazifasi yuklatilgan. Nazorat funksiyalarini amalga oshirish 
uchun soliq va bojxona xizmati organlariga tegishli vakolatlar berilgan. 
Davlat budjetini ijro etishda budjetning kassa ijrosi, ya’ni