O’zbekiston respublikasi oliy va o’rta maxsus ta’lim vazirligi guliston davlat universiteti L. A. Botirova, D. M. Tagayeva
Yüklə 0,92 Mb. Pdf görüntüsü
|
- Bu səhifədəki naviqasiya:
- Identiv o’quv maqsadi
|
Dars maqsadi: Talabalarda o’simliklar sistematikasida turlarni binar nomeklatura asosida oilalarini aniqlash, dorivor o’simliklar sistematikasi, o’simliklarning asosiy oilalari va ularning vakillarini tahlil etish va amaliy ko’nikmalar hosil qilish. 9 Identiv o’quv maqsadi : 1. O’simliklar sistematikasida turlarni binar nomeklatura asosida oilalarini aniqlay oladi. 2. Dorivor o’simliklar lotincha (nomeklatura) nomlarini o’qish qoidalarini biladi. Kerakli jihoz va materiallar : O’quv-uslubiy qo’llanmalar, tarqatma materiallar, o’simliklar aniqlagichi, taqdimot. O‘simliklar sistematikasidan amaliy ishlarni bajarish bo‘yicha ko‘rsatmalarni talabalar vazifa olish jarayonida yoki undan oldin o‘qituvchi tomonidan oldindan tuzilgan rejaga asosan oladi. Ma’lumki yuksak o‘simliklar, xususan arxegonial va, ayniqsa, gulli o‘simliklar bo‘yicha olib boriladigan amaliy mashg‘ulotlar uchun mikroskop singari texnik asboblarning qo‘llanilmasligi ularni bajarishni ancha yengillashtiradi. O‘simliklarni o‘rganish jarayonida lupa (20 barobar katta qilib ko‘rsatadigan), laboratoriya ignasi, preparat tayyorlov oynasi, o‘simlikning rasmi va uning organlarini chizish uchun rasm daftari, kundalik ma’lumotlarni yozish uchun kundalik daftari va, nihoyat, rangli qalamlar bo‘lishi shart. Har qanday holda ham tirik o‘simlik bilan ishlash imkoni bo‘lmagan taqdirda gerbariy va oldindan spirtda tayyorlangan materiallardan foydalanishga to‘g‘ri keladi. Materiallarni yig‘ish 1-2 kurslarda o‘tkaziladigan o‘quv dala amaliyoti davomida amalga oshirilishi mumkin. Yil davomida bajariladigan topshiriqlarni bajarish uchun zarur materiallarni o‘quv dala amaliyotiga qadar o‘simliklar qayerda, qanday muhitda o‘sishi, vegetativ va generativ rivojlanish fazalarining qachon o‘tishini oldindan aniqlash va ro’yxat tuzilishi amaliy mashg‘ulotni o‘tishni yengillashtiradi. Qulay bo‘lishi uchun o‘simlikning guli, gul to‘plami yoki boshog‘i alohida yig‘ilib spirtga solib qo‘yiladi. Shunday qilinsa bu organlar o‘z tabiiy holatini uzoq vaqt saqlaydi. Bu maqsadlar uchun dorixonada ishlatiladigan 25-50 ml xajmdagi shishachalardan foydalanish mumkin. Spirtli shishachalarga solingan o‘simlik organlari probka bilan mustahkam qilib berkitilgan bo‘lishi kerak. Bundan tashqari teriladigan materiallarning har bir turi (to‘pgul, boshoq va hokazo) alohida-alohida xaltachalarga solingan, ustida etiketkasi bo‘lishi zarur. Ishni mustaqil ravishda bajarish shu fanga taalluqli adabiyotlar bilan tanishishdan boshlanadi. Shundan so‘ng mavzuga oid qo‘llanma bilan tanishiladi. Talaba berilgan vazifani bajarar ekan, ishning boshlanishi, uni bajarilishi haqidagi ma’lumotlarni o‘z kundalik daftariga yozib borishi va nazorat savollariga javob tayyorlashi zarur. Bajarilgan mustaqil ishlar qatoriga etiketkasi to‘liq va to‘g‘ri yozilgan gerbariy materiallari ilova qilinadi. |