O’zbekiston respublikasi oliy va o’rta maxsus ta’lim vazirligi namangan davlat universiteti

295. Mirtemirning qanday dostonlarini bilasiz? 
Mirtemir dostonchilikda ham barakali ijod qilgan. “Bong”, “Barot”, 
“Agronom”, “Jang”, “Xidir”, “Nomus”, “Ochlar o’lkasida”, “Dilkusho”, “Suv 
qizi”, “Oysanamning to’yida”,”Farg’ona”,”Baxshining aytganlari”,”Daryo 
bo’yida”, “Surat”, “Pattining hasratlari” kabi yugirmaga yaqin katta-kichik 

---

dostonlar Mirtemir tomonidan yozilgan bo’lib, ularning ko’pi zamonaviy mavzuga 
bag’ishlangan. 
296. ”Surat” lirik dostoni muallifi kim va u nima haqida yozilgan? 
 
“Surat” nomli lirik doston muallifi Mirtemirdir. Doston hayotiy timsollar 
asosida yaratilgan. Ma’lumki, shoir 30-yillar boshida asossiz hibsga olinib, 
Moskvadagi Dmitrov lageriga surgun qilingan, Moskva – Volga kanali qurilishiga 
jo’natilgan. Shoirning xotini ikki yashar qizchasini tashlab Moskvaga ketib qolgan. 
Qizcha esa tezda vafot etgan. Dostoni ana shu hayitiy fojia asosida yaratilgan. 
Unda ikki yillik ayriliqqa bardosh berolmay ahdini buzgan beburd kelin hamda 
bevafo yor dardida kuyib yongan, ishq jabrini tortib ruhan ezilgan, beg’ubor sevgi 
sohibi bo’lgan yigit turmushidan olingan tuyg’ular tug’yoni inson qalbini larzaga 
soladigan darajada hayajonli va yorqin aks ettirilgan. Shu orqali hayot va inson 
qismati, sadoqat va xiyonat haqida teran poetik mushohada yuritilgan. 
“Surat” dostonida shoir lirik qahramonning ichki kechinmalarini, ruhiy ola-
mini yaqqol tasvirlab bergan. Asarda ruhiyat tasviri, tabiiylik va samimiylik yorqin 
ko’rinib turadi: 
Na oltin, na javohir edim, 
 
 
 
 
Armonli bir yosh shoir edim. 
 
 
 
 
Zuhro bo’lmasang ham chiroyda, 
 
 
 
 
Men ishqingda naq Tohir edim.