O’zbekiston respublikasi oliy va o’rta maxsus ta’lim vazirligi namangan davlat universiteti

297. Mirtemirning ”Surat” dostoni qanday tasvirga ega?
 
Mirtemirning “Surat” dostoni “Qoraqalpoq daftari” turkuniga kiritilgan. Bu 
lirik qissa Mirtemirning inson ruhini butun murakkabligi bilan tasvirlay olishidan, 
“qalb dialektikasi”ga chuqur kira olganidan dalolat beradi. Doston yaxlit syujet 
chizig’iga ega emas, balki lirik qahramonning ichki kechinmalarini, ruhiy olamini 
ifodalaydigan ayrim-ayrim lirik lavhalardan tashkil topgan. Ammo bu lavhalardagi 
hislar, tuyg’ular shu qadar aniq va tabiiyki, ular birgalikda qahramonning hayot 
yo’lini ham, boshiga tushgan og’ir sinovlarni ham uning ma’naviy go’zalligini ham 
yoritib beradi… 
 
298. Mirtemirning ”Qoraqalpoq daftari” asari haqida nimalar bilasiz? 
 
Mirtemirning “Qoraqalpoq daftari” she’riy turkumi 1957-yilda yozilgan. 
Asarni qoraqalpoq xalqining bugungi sermazmun va serqirra hayotini, erishgan 
ulkan yutuqlarini, orzu-istaklarini haqqoniy ifodalovchi, o’zbekning o’z inisi 
qoraqalpoqqa bo’lgan cheksiz mehr-muhabbatini tarannum etuvchi, xalqlar 
do’stligi va birodarligini ulug’lovchi she’riy qissa deb aytish mumkin.
299. Mirtemirning ”Qoraqalpoq daftari” turkumiga qancha she’ri kiritilgan? 
Mirtemirning “Qoraqalpoq daftari” nomli she’riy turkumi 20 dan ortiq go’zal 
she’rlardan tashkil topgan. Bu asarda shoir Mirtemirning qoraqalpoq xalqiga 
bo’lgan samimiy hurmati, qon-qardoshlik e’tiqodi yaqqol aks etgan, asarda shoir 
qoraqalpoq yurtini o’z yurti sifatida sevib, ardoqlab tasvirlagan va qoraqalpoq 
mehnatkashlarining fe’l-atvori, an’analari maftuni bo’lib kuylagan. 

---

“Qorqalpoq daftari” asarida she’riy turkum janrining o’ziga xos talablariga to’la 
rioya qilingan, sarlavhaga chiqarilgan mavzu atroflicha yoritilgan va bu turkumni 
tashkil etuvchi she’rlarning bir-biriga bog’liq bo’lishi ta’minlangan. To’plamdan 
joy olgan “Hodisa” she’rida asosiy maqsad qilib, onalarning ulug’vor siymosini 
yaratish, madh etish vazifasini qo’ygan. She’rning ana shunday jihati quyidagi 
misralarda yorqin namoyon bo’ladi: 
Seni ezgu timsolday, 
 
 
 
Tengsiz sohibjamolday 
 
 
 
Kuylaganim kuylagan, 
 
 
 
Siylaganim siylagan. 
 
 
 
Chunki, axir, onasan, 
 
 
 
Elimda durdonasan.