O’zbekiston respublikasi oliy va o’rta maxsus ta’lim vazirligi nizomiy nomidagi tosh

6-ILOVA
Darsning mavzusi: Qonning shaklli elementlari
Darsning ta`limiy maqsadi: O`quvchilarni qonning shaklli elementlari eritrotsitlar, leykotsitlar, trombotsitlar va qonning ivish jarayoni bilan tanishtirish.
Darsning tarbiyaviy maqsadi: O`quvchilarni qonning shaklli elementlari eritrotsitlar, leykotsitlar, trombotsitlar va qonning ivish jarayoni bilan tanishtirish orqali ilmiy dunyoqarashini kengaytirish, gigenik, ekologik tarbiya berish, kasbga yo`llash.
Darsning rivojlantiruvchi maqsadi: O`quvchilarning qon va uning tarkibiy qismi haqidagi bilimlari, darslik ustida mustaqil ishlash ko`nikmalari, nutq va muloqot madaniyatini rivojlantirish.
Darsni jihozlash: Qonning shaklli elementlari eritrotsitlar, leykotsitlar, trombotsitlar va qonning ivishi eks etgan jadvallar.
Darsda foydalaniladigan texnologiya: Modulli ta`lim texnologiyasi (o`quvchilarning kichik guruhlarda ishlashiga mo`ljallangan modul dasturi)
Asosiy tushunchalar va tayanch bilimlar:
qonning shaklli elementlari, eritrotsitlar, leykotsitlarning turlari, trombotsitlar, gemofiliya va qonning ivish jarayoni.
Darsning borishi:

1. 
   Tashkiliy qism
   
2. 
   O`tgan mavzu yuzasidan o`quvchilar bilimini test savol-topshiriqlari yordamida aniqlash va baholash.
   
3. 
   O`quvchilarni dars mavzusi, maqsadi, borishi bilan tanishtirish va ularning faoliyatini o`quv topshiriqlarini bajarishga yo`llash.
   
4. 
   Yangi mavzuni o`rganish:
   

a) yangi mavzu bo`yicha tuzilgan modul dasturini tarqatish va o`quvchilarni modul dasturining didaktik maqsadi bilan tanishtirish;
b) o`quvchilarning faoliyatini modul dasturidagi o`quv topshiriqlarini mustaqil bajarishga yo`llash;
v) har bir o`quv faoliyati elementi topshiriqlarining to`liq bajarilishini nazorat qilish, tegishli ko`rsatmalar berish;
g) har bir o`quv faoliyati elementi yakunida savol-javob yoki munozara o`tkazish.
O`qituvchi ushbu darsda o`rganiladigan o`quv materialini quyidagi manti­qiy tugallangan fikrli to`rt qismga ya`ni modulga ajratadi:

• 
  Eritrotsitlar.
  
• 
  Leykotsitlar.
  
• 
  Trombotsitlar.
  
• 
  Qonning ivishi.
  

Shu asosda quyidagi modul dasturi tuziladi. “Qonning shaklli elementlari ” mavzusi bo`yicha o`quvchilarning kichik guruhlarda ishlashiga mo`ljallangan modul dasturi.