* qishloq xo‘jaligi - unumdor yer turlari uchun; * o‘rmon xo‘jaligi - har xil turdagi o‘rmonlarni yaratish uchun; * baliq xo‘jaligi - baliqchilik havzalarini yaratish uchun; * suv xo‘jaligi - har xil maqsadalardagi suv havzalarini yaratish uchun; * rekreatsiya - dam olish ob’ektlari uchun; * sanitariya-gigiena - atrof muhitga salbiy ta’sir ko‘rsatuvchi buzilgan yerlarni biologik yoki texnik konservatsiyalash maqsadida; * qurilish - qurilishlar joyi uchun. Rekultivatsiyalash ob’ektlari jumlasiga quyidagilar kirishi mumkin: chuqur kar’erlar, tuproq va tog‘ jinslari uyumlari; elektr stansiyalari yonidagi kul uyumlari; metallurgiya zavodlari yonidagi shlak uyumlari; ariqlar, temir va avtomobil yo‘llari, quvurlar trassalari bo‘ylaridagi polosalar, tuproq uyumlari va sh.o‘.; tugatilgan sanoat korxonalari o‘rni va ularning transport aloqalari tarmoqlari; neft va boshqa qazilma boyliklarni qazib olish joylaridagi ifloslangan yerlar. Unumdorligi past yerlarda rekultavatsiya o‘rmonchilik maqsadida o‘tkaziladi va bu yerlarga
daraxtlar ekiladi.
Quyidagi 5-rasmda foydali qazilma boyliklarni ochiq usulda qazib olish natijasida buzilgan
yerlarda bajarilgan rekultivatsiyalash misoli keltirilgan.
Natijada haydalma yerlar, ko‘llar va o‘rmonlar yaratilgan. Pastki 5 vaziyatga esa rekultivatsiya
qilinmagan kar’erning kesmasi ko‘rsatilgan. Bunday hollarda rekultivatsiya xarajatlari 2-2,5 marta yuqori
bo‘ladi va rekultivatsiyalangan yerlarda o‘rmonlar yoki kam unumli yaylovlar tashkil etilishi mumkin.
Qishloq xo‘jalik maqsadlarida o‘tkaziladigan rekultivatsiya haydalma yerlar, bog‘lar, yaylovlar va pichanzorlar yaratishni ko‘zda tutadi. Bu yerlarda rekultivatsiyadan keyingi birinchi yillarda tuproq sifatini yaxshilaydigan ekinlar (beda, dukakli ekin va boshq) ekiladi va ular
