O‗zbekiston respublikasi oliy va o‗rta maxsus ta‘lim vazirligi samarqand davlat universiteti
Musiqa mashg‘ulotlarini tashkil etish hamda hamkorlik
Yüklə 11,99 Mb. Pdf görüntüsü
|
|
1.6. Musiqa mashg‘ulotlarini tashkil etish hamda hamkorlik faoliyatlarida yuzaga keladigan kasbiy muammolarni bartaraf etish strategiyalari Musiqa mashg‘ulotlarni tashkil etishning o‘ziga xos xususiyatlari, musiqiy tarbiya ishlarni olib borishda ota-ona, psixolog, tarbiyachilar, jismoniy tarbiya yo‘riqchisi va boshqa mutaxassislar bilan 49 hamkorlik. Tarbiyalanuvchilarda xonandalik va cholg‘u ijrochiligi mahoratini egallashga bo‘lgan qiziqish va ularni to‘g‘ri yo‘naltirish borasidagi muammolar hamda ularni bartaraf etish strategiyalari. Ovoz, ovoz apparatlari tuzilishi, barmoq bilan ishlash, xis etish, eshitish xissiyotlarini to‘g‘ri yo‘naltirish, bu borada musiqa rahbari oldida turgan vazifalar. Musiqa can‘ati juda qadim zamonlarda yuzaga kelgan va barcha xalqlarda insonning shaxsiy fazilatlari, ma‘naviy olami, estetik didini shakllantirishning muhim va o‘rnini biror narsa bilan to‘ldirib bo‘lmaydigan vosita sifatida tan olingan. Turli davrlarda yaratilgan musiqalar his-tuyg‘u ifodalashi, hayotni aks ettirishi, inson hayolotini o‘stirishi, mazmun diapazoni kengligi bilan tinglovchining hissyot olamini boyitadi, uni ilohiy bir olamga olib kiradi. San‘at turlari insonga ta‘sir etishning rang-barang o‘ziga xos vositalariga ega, musiqa bolaga juda erta davrdan (go‘daklikdan) ta‘sir ko‘rsatish xususiyati bilan boshqalaridan ajralib turadi. Ma‘lumki, homila davri bolaning keyingi rivoji uchun favqulodda muhim bo‘lib, bo‘lajak ona tinglagan musiqa go‘dakning o‘zini yaxshi his qilishiga ta‘sir ko‘rsata oladi, ehtimol, uning estetik didi, go‘zallikni ilg‘ay olish xislatlarini shakllantiradi. Shu bois oila bolaning asta-sekin musiqiy faoliyat (idrok, ijro, ijod) turlarini egallash jarayonida ularga tabiatan berilgan turli tabiiy iqtidorlarini rivojlantirish va yuzaga chiqarishda muhim bo‘g‘in hisoblanadi. Insonning musiqa san‘ati bilan jiddiy shug‘ullanishi uchun maktabgacha yosh davri favqulodda muhim. Maktabgacha ta‘lim muassasasida bola oilada musiqaga oid egallagan ayrim bilim, ko‘nikma va malakalarni chuqurlashtirish, bolalar musiqa san‘atiga oshno bo‘lish imkoniga ega bo‘ladi. MTMda musiqiy tarbiya jarayonida bu bilim, ko‘nikma va malakalarni egallashga asosiy maqsad sifatida qaramasdan, balki bolada musiqiy- estetik ong elementlarini shakllantirish orqali uning qiziqishlarini ehtiyoj darajasiga olib chiqishga ko‘maklashishi lozim. Musiqiy-estetik faoliyat davomida musiqiy-estetik ong shakllangan bo‘lsa, bu bolaning keyingi rivojida, uning umumiy ma‘naviy kamolotida aks etmasdan qolmaydi. Shuningdek, MTMda bola hislari, qiziqish va didini rivojlantirish bilan bilan bir qatorda uni musiqa madaniyatiga oshno qilish, estetik idrok, musiqiy va poetik eshitishni, tabiat, musiqiy va tasviriy san‘at asarlari go‘zalliklarini idrok qilish qobiliyatini rivojlantiradi, tasavvurni, hissiy reaksiyalarni faollashtiradi. 50 MTMda musiqiy tarbiya bilan shug‘ullanganda bolaning umumiy rivojlanishini yoddan chiqarmaslik lozim. Bu yoshdagi bolalar insonning real hayotda mavjud kechinmalari haqida u qadar ko‘p tasavvurga ega emas, inson hissiyotlari va uning barcha qirralarini ifodalagan musiqa esa bu tasavvurlarning kengayishiga ko‘maklashadi. Musiqiy madaniyat asoslarini shakllantirish maktabgacha yosh davrida boshlanadi. Musiqiy bolaning umumiy rivojlanishida muhim omil sanaladi: emosional muhit shakllanadi, tafakkur rivojlanadi, bola san‘at va hayotdagi go‘zallikka nisbatan sezgir bo‘ladi. Bolaning musiqiy rivojlanishida maktabgacha ta‘lim muassasasi pedagogik jamoasi va ota-onalar katta rol o‘ynaydi, chunki MTMda kundalik hayoti va oilada bolaning musiqiy taassurotlarini boyitish, musiqiy faoliyatini turli shakllarda amalga oshirishning turli shakllari mavjud. Oilalar turli darajadagi ijtimoiy madaniyatga ega. Ayrim oilalarda musiqaga hurmat bilan munosabatda bo‘lib, bolalarga musiqiy ma‘lumot berish, ularning qobiliyatini rivojlantirishga harakat qilinadi, boshqa oilalarda esa musiqiy tarbiyaga nisbatan e‘tibor kam. Bu albatta ijtimoiy tabiiiy hol. Maktabgacha yoshdagi bolalarning musiqiy qobiliyatlari kompleks va to‘laqonli rivojlanishi uchun ota-onalarning yordami juda zarur. Oila – bolaning shaxsiy sifatlari poydevori qo‘yiladigan birinchi ijtimoiy institut, aynan oilada bola boshqalar bilan umumiy, haqiqiy ijtimoiy hayot kechirish: quvonch va alamni baham ko‘rish, yaqinlari bilan birdamlikni his qilishga o‘rganadi. Ayni paytda oiladagi hissyotlar sovuqligi bolaning psixologik rivojlanishi va ijodiy qobiliyatlari, ta‘lim, muloqot samaradorligiga salbiy ta‘sir o‘tkazishini unutmaslik lozim. Shu sababli MTMda pedagoglari bolaning to‘laqonli rivojlanishi uchun o‘zaro hamkorlik va birgalikdagi ishni yo‘lga qo‘yishi lozim. MTMga qatnaydigan bolalarda musiqiy tarbiyani rivojlantirish va mustahkamlash uchun quyidagilarga e‘tibor qaratish maqsadga muvofiq: - boladan MTMda o‘zlashtirgan qo‘shiq, she‘r va raqslarini takrorlashni so‘rash; - taassurotlarini suratlarda ifodalab berish; - oilada musiqa cholg‘u asboblarini saqlash; - oilada bolaning iqtidori rivojlanishi uchun maqbul sharoit, ijodiy muhit yaratish; - ota-ona, buvi va buvasi bilan birga ijro qilishni tez-tez uyushtirib turish; 51 - texnik vositalari: radio, televideniye, audio-, videoyozuvlar, kompyuter, karaoke tinglash, tomosha qilish. 3.2.Bolaning umumiy rivojlanishi uchun oila va MTMda hamkorligida ota-onalar Bolaning umumiy rivojlanishi uchun oila va MTMda hamkorligida ota-onalar (kattalar) bolalarning musiqiy asarlarni eshitishga qiziqishini qo‘llab-quvvatlashi, bunda o‘zlarida mavjud yozuvlar bilan bir qatorda MTM musiqa rahbari taqdim qilganlaridan samarali foydalanish, bundan tashqari, MTMda xodimlari ota-onalar uchun konsertlarga biletlar xarid qilishni tashqil etishi muhim ahamiyatga ega. MTMda jamoasi musiqa va san‘at maktabi mutaxassislari bilan yaqin hamkorlik qilishi, ular yordamida bevosita MTM ishtirokchilari ijrosida turli bayram tadbirlari badiiy qismlarini uyushtirishlari ham bolaning musiqiy takomilida o‘ziga xos ahamiyat kasb etadi. MTMda va oila oldida turgan muhim vazifalardan biri musiqani badiiy (adabiy) asar, rangtasvir va teatr bilan o‘zaro hamkorlikni yo‘lga qo‘yish hisoblanadi. Bu maqsadda ota-onalar bilan bamaslahat bolalar teatrlari, bolalar musiqa dastalari ga tashriflar uyushtirish, bog‘chada san‘at asarlari ko‘rgazmalarini tashkil qilish, bu boradagi dunyo tajribasi bilan tanishish o‘ta muhim. Shuningdek, ota-onalari bilan birga bolalar kichik konsertlar, teatr postanovkalari, adabiy-musiqiy kompozisiyalarda ishtirok etishini tashkil qilish bolaning san‘at bilan oshnoligini ta‘minlashga xizmat qiladi. Ota-onalar bilan hamkorlikni yo‘lga qo‘yishda ularning o‘z bolalari bilan olgan musiqiy taassurotlari bo‘yicha muloqotga o‘rgatish juda muhim. Shu bois oiladamusiqiy faoliyatga nisbatan kichik bo‘lsada ijobiy mikromuhit shakllanishi lozim. Bola o‘zini kichik, ammo barcha boshlagan ijodiy ishlarida o‘zining oilaning boshqa a‘zolari tomonidan to‘liq qo‘llab-quvvatlanishini har doim his qilishi lozim. MTMda musiqa rahbarining bola musiqiy tarbiyasida amalga oshirayotgan ishlari maqsad va vazifalari ota-onalar uchun tushunarli bo‘lishi lozim. Shu bilan bir qatorda, ota-onalar (oila) bilan MTM hamkorlik faoliyati o‘zaro uyg‘unlikda kechishi talab etiladi. Bu 52 hamkorlikdan ko‘zda tutilgan asosiy maqsad har bir bolada bo‘lishi mumkin bo‘lgan iqtidor va talantni o‘z vaqtida ilg‘ay olish va bunday bolalarning musiqiy qobiliyatlarini rivojlantirishni maqsadli yo‘naltirishdan iborat. Bu borada quyidagi asosiy vazifalarni ajratib ko‘rsatish mumkin: maktabgacha yoshdagi bolalarning musiqiy qobiliyatlarini rivojlantirishni o‘rganish va qonuniyatlarini aniqlash; maktabgacha yoshdagi bolalarning musiqiy qobiliyatlarini rivojlantirishning pedagogik shartlarini aniqlash; bolalarning musiqiy qobiliyatlarini rivojlantirishda MTM va oila hamkorligining nisbatan samarali shakllarini belshgilash; bolalarning musiqiy qobiliyatlarini rivojlantirishga yo‘naltirilgan MTM va oila hamkorligi xususiyatlarini o‘rganish. Maktabgacha yoshdagi bolalarning musiqiy qobiliyatlarini rivojlantirishga oid ishlar samaradorligi MTM va oilaning: ota-onalar tomonidan faollik va tashabbus ko‘rsatilishi; ota-onalar bilan musiqiy ma‘rifatchilik sohasida doimiy va tizimli ish olib borish kabi shartlarni hisobga olgan holda tashkil qilingan o‘zaro hamkorligiga ko‘p jihatdan bog‘liq. Xulosa sifatida aytish kerakki, mamlakatimizning jahon hamjamiyatidagi nufuzi kun sayin ortib bormoqda. O‘zbekiston Respublikasi birinchi Prezidenti I.A. Karimov ta‘kidlaganidek: ―Kelajak yuksak intellektual salohiyat, bilim va tafakkurga ega bo‘lgan yoshlarniki. millatnikidir‖. Farzandlarimizning musiqa sohasida yuksak cho‘qqilarini egallashlarida, ularning yuqori intellektual zakovatga ega bo‘lishlarida musiqa ta‘limi muhim ahamiyat kasb etadi. Bunga erishishning asosiy vositalaridan biri oila va MTMning o‘zaro hamkorlik faoliyatini yo‘lga qo‘yishdan iboratdir. ----- Yüklə 11,99 Mb. Dostları ilə paylaş:
|