qaram jamiyat (dependent company) – ovoz berish huquqiga ega
aksiyalarining yigirma foizidan koʻprogʻiga boshqa xoʻjalik jamiyati
egalik qiladigan xoʻjalik jamiyati;
qimmatli qogʻozlar bozori (securities market) – yuridik va
jismoniy shaxslarning qimmatli qogʻozlarni chiqarish, joylashtirish va
ularning muomalasi bilan bogʻliq munosabatlari tizimi;
qimmatli qogʻozlar bozori ishtirokchilari (participans in the securities market) – qimmatli qogʻozlar emitentlari, qimmatli
qogʻozlarning egalari, investorlar, qimmatli qogʻozlar bozorining
professional ishtirokchilari, fond birjalari;
qimmatli qogʻozlar bozorida professional faoliyat (professional activities in the securities market) – qimmatli
qogʻozlarni chiqarish, joylashtirish va ularning muomalasi bilan
bogʻliq xizmatlar koʻrsatish boʻyicha litsenziyalanadigan faoliyat turi;
qimmatli qogʻozlar bozorining professional ishtirokchisi (professional participans of the securities market) – qimmatli
qogʻozlar bozorida professional faoliyatni amalga oshiruvchi yuridik
shaxs;
qimmatli qogʻozlar egalari reestri (The register of holders of securities) – roʻyxatdan oʻtkazilgan qimmatli qogʻozlar egalarining
belgilangan sanadagi holatga koʻra shakllantirilgan, ularga qarashli
egasining nomi yozilgan qimmatli qogʻozlarning nomi, miqdori,
nominal qiymati va toifasi, shuningdek, reestrda roʻyxatdan
oʻtkazilgan shaxslarga axborotni yuborish imkoniyatini beradigan
ma’lumotlar koʻrsatilgan roʻyxati;
qimmatli qogʻozlar emissiya risolasi (Prospectus of securities) – emitent va u chiqaradigan qimmatli qogʻozlar toʻgʻrisidagi
ma’lumotlarni, shuningdek, investorning qimmatli qogʻozlar olish
toʻgʻrisidagi qaroriga ta’sir koʻrsatishi mumkin boʻlgan boshqa
axborotni aks ettiruvchi hujjat;
