«Monopoliya > atamasining kelib chiqishi bozorga oid tushunchalardan (ya’ni, grekcha «monoc» - yagona, bitta va «poleo» - sotaman)
tarkib topsada, biroq uning iqtisodiy asoslari aslida ishlab chiqarishga borib taqaladi.
Monopoliyaga quyidagi ta’rif berish o’rinli: monopoliya – monopol yuqori narxlarni ornatish hamda monopol yuqori foyda olish maqsadida tarmoqlar, bozorlar va yaxlit makroiqtisodiyot ustidan hukmronlik amalga oshiruvchi yirik korxonalarning birlashmalari.
Monopoliya iqtisodiyotning har bir sohasida tanho hukmronlik, bozorni tashkil etish shakli. Bunday bozorlar yagona sotuvchi o’z tovari bilan faoliayt ko’rsatadi, boshqa tarmoqlarda esa bunday tovarlarning o’rinbosarlari bo’lmaydi. Monopoliya
ishlab chiqarish vositalari, ishchi kuchi, yaratilgan mahsulotlar asosiy qismining ozchilk korxonalar, sohibkor shaxslar yoki davlat qo’lida to’planishi natijasida paydo bo’ladi.
Monopoliya ko’rinishlari qadimdan mavjud. Noyob mahsulot
yetishtiriladigan yerlar, konlar, suv havzalari, o’rmnlar va boshqa tabiiy manbaalar ozchilik qo’lida to’planib, egalariga monopol mavqe bergan, ular ma’lum mahsulotni bozorga tanho
yetkazib beruvchilarga aylanib, u yerda hukmron bolganlar.
Monopoliya o’z tabiatiga ko’ra ishlab chiqarishda turg’unlik paydo qiladi, chunki monopol mavqega tayanib, sarflarni kamaytirmay foyda ko’rish, raqobatning yo’qligi yoki zaifligidan foydalanib bozorda o’z izmini o’tkazish mumkin. Monopoliya bozor
munosabatlarini chaklaydi, shu sababli hatto bozor iqtisodiyoti hukmron davlat monopoliyaga qarshi chora tadbirlarni ko’radilar.
Monopoliyalar vujudga kelishining moddiy asosi ishlab chiqarishning to‘planishi hisoblanadi. Ishlab chiqarishningto‘planishi ishlab chiqarish vositalari, ishchi kuchi hamda mahsulot ishlab chiqarish hajmining yirik korxonalarda to'planishini namoyon etadi.
Ishlab chiqarish to'planishining asosiy sababi bo‘lib olinayotgan foyda hajmining ko'payishi hisoblanadi. Foydani muntazam ravishda ko'paytirib borish maqsadida tadbirkor olingan qo‘shimcha mahsulot (foyda)ning bir qismini kapitallashtiradi, ya’ni unga qo'shimcha ishlab chiqarish vositalari va ishchi kuchi sotib oladi. Bu esa, ba’zi bir korxonalarning o'sishi hamda ishlab chiqarish miqyoslarining kengayishiga olib keladi. Shu bilan birga raqobat amaldagi kapitallarning ixtiyoriy
yoki majburiy birlashtirish, markazlashtirish tendensiyasini keltirib chiqaradi. Shunday qilib, ishlab chiqarish to'planishining moddiy asosi bo'lib kapitalning to'planishi va markazlashuvi hisoblanadi.