O`zbekiston respublikasi oliy va o`rta maxsus ta'lim vazirligi
Yüklə 0,84 Mb. Pdf görüntüsü
|
|
Umumiy xulosalar
Xulosa sifatida shuni ta‟kidlash joizki, kattalar (ota-onalar, tarbiyachilar va o„qituvchilar) ning bolaga bo„lgan munosabatida muxabbat, qadrlash, mas‟uliyat xissi qanchalik yuqori bo„lmasin, bolaning shundayligicha qabul qilish xissi o„zining intergralligi bilan ajralib turibdi, bu esa o„z navbatida bolaning ijtimoiylashuv jaraenining muammolariga hamda asab-psixika statusi destruktivligiga zamin yaratadi. Oilaviy munosabatlarda ma‟naviy ehtiyojga asoslangan aloqalardan biri-muloqot qilish jarayoni muhim hisoblanib, shaxs shakllanishida kata rol o„ynaydigan namuna va taqlid singari shu darajada hal qiluvchi vazifani ado etadi. Chunki, kishi o„zaro shaxslararo munosabatlar jarayoniga kirishishi bilangina atrof-muhitda sodir bo„layotgan voqeiliklardan xabardor bo„lib, ular o„rtasida axborot ayirboshlash yuzaga keladi. Aslini olganda ham kishilar o„z farzandlariga muloqot tarzida o„qtirib o„rgatadigan har qanday ilmiy, ijtimoiy tajribalari, malaka va bilimlari ham ijtimoiy-taraqqiyotning mahsuli sifatida kishilik Birinchidan, shaxs ijtimoiylashuvi jarayonida uning o„zi to„g„risidagi ijtimoiy tasavvurlari tizimining shakllanishida oila omilining roli shundaki, bunda asosiy shakllantiruvchi mexanizm rolini, eng avvalo, oiladagi ma‟naviy-ruhiy muhit, uni tashkil etuvchi ota-ona va yaqinlarning o„zaro munosabatlaridan tashqari ota-onaning farzandga bo„lgan munosabatlari, bola ongida shakllantiriladigan kognitiv fikr – tushuncha va g„oyalar katta rol o„ynaydi. Bu o„rinda tadqiqotimiz ota-onalarning o„zlari hamda o„z farzandlari haqidagi baholari, ya‟ni ijtimoiy tasavvurlari turlicha bo„lishi, lekin onalarning baholari otalarnikidan yuqoriroq ekanligini ko„rsatdi. Ikkinchidan, ota-onaning o„zaro munosabatlari ta‟sirida maktabgacha yoshdagi bola ijtimoiy tasavvurlari tizimida shakllangan “Men” konsepsiyasi besh tarkibiy qismdan iborat bo„lib, unga qadriyatlar konsepsiyasi, nominatsiyalar konsepsiyasi, yosh konsepsiyasi, ijtimoiy muhit konsepsiyasi hamda jins 83 konsepsiyalari kiradi va ular o„ziga xos ierarxik tuzilmaga egadir. Taraqqiyotning har bir bosqichida ushbu bosqichning yetakchi faoliyati va omillariga bog„liq tarzda uning u yoki bu komponenti yetakchi bo„ladi. Biz o„rgangan toifada nominatsiya, jinsga oid konsepsiyalar qadriyatlar konsepsiyasiga nisbatan rivojlanganligi ma‟lum bo„ldi. Uchinchidan, maktabgacha yoshdagi taraqqiyot bosqichida jinsiy o„zlikni anglash konsepsiyasi, ya‟ni shaxsning qaysi jins vakili ekanligiga oid tasavvurlar ustuvor bo„lgani uchun ham ota-ona va ular o„rtasidagi jinslararo munosabatlar o„zlikni anglash jarayonining bosh yo„nalishi bo„lib hisoblanadi. Yosh nuklear oilalarda otaning ustuvorligi tan olinsa-da, jinsiy o„zlikni anglashda bola uchun onaning hissiy yaqinligi ta‟sirchandir. To„rtinchidan, maktabgacha yoshdagi bola “Men” konsepsiyasining tuzilishi, uning ayrim unsurlari, ularning o„zaro nisbati va ontogenezning turli bosqichlaridagi mazmuni, shuningdek, ularning shakllanishiga ta‟sir ko„rsatuvchi oilaviy munosabatlar bilan o„zaro aloqasi, avvalo, oiladagi munosabatlar va ota- onaning o„zlikni anglash darajasi bilan belgilanadi. Nuklear oilalarda erning ham, xotinning ham o„ziga nisbatan munosabatlari darajasi yuqori, aksariyatida o„rtachadan yuqori bo„lgani sababli, ularning bolaga ko„rsatadigan ta‟siri ham sezilarlidir. Beshinchidan, o„zini baholashning shakllanishi murakkab jarayon bo„lib, u bolaning o„z “Men”ini baholashi va ota-onaning real bahosi o„rtasidagi aloqani namoyish qilib, bolaning istiqboldagi psixik rivojlanishini bashorat qilishga imkon beruvchi mexanizmdir. Bunda bolaning ota-onasidan kutayotgan baho tizimi, ota va ona beradigan baholar o„rtasidagi farq boladagi adekvat yoki noadekvat bahosi uchun ijtimoiy psixologik turtkidirki, tadqiqotimiz ushbu jarayonda onalar bahosining ancha adekvatligi va farzandlarning ham ular ta‟sirida bo„lishini isbotladi. Empirik izlanish natijalari va xulosalar asosida quyidagicha tavsiyalar ishlab chiqildi: 84 1) Bola shaxsi o„zini-o„zi anglashining komponentlari, eng avvalo, oilada shakllanar ekan, ota-onalar o„z farzandlarining ijtimoiy munosabatlarga to„g„ri kirishishlariga yordam ko„rsatishlari uchun xizmat qiladigan asosli ma‟lumotlarni dissertatsiya natijalaridan olishlari; 2) ota-onalar dissertatsiya natijalaridan ota-onaning farzandiga munosabatida bolalikning dastlabki davrlaridayoq o„ziga ishonchni, mustaqillikni, atrofdagilar bilan munosabatda faol va vazmin bo„lish, vaziyatni tahlil etish ko„nikmalarni shakllantirish jarayonida foydalanishlari; 3) MTM psixologlari dissertatsiya ma‟lumotlari va metodikalari asosida bola shaxsi o„zini-o„zi anglash komponentlarining shakllanish darajasini aniqlashlari hamda ularga individual yondashib tegishli ko„rsatmalar berishlari; 4) boshlang„ich ta‟limga o„quvchilarni qabul qilish jarayonida, shuningdek, maktab psixologlari boshlang„ich sinf o„quvchilarining psixologik qiyofalarini aniqlashda va ularni mavjud ijtimoiy muhitga moslashishlari uchun tavsiyalar, qo„llanmalar, metodologik ko„rsatmalar ishlab chiqishlarida dissertatsiya metodlari hamda empirik natijalaridan foydalanishlari uchun tavsiya etiladi. 5) Oilaga psixologik xizmat ko„rsatuvchi amaliyotchi psixologlar, ayniqsa, yosh oila markazlarining psixologlari dissertatsiya xulosalaridan kelib chiqadigan tavsiyalarni maktabgacha yoshli farzandlarni tarbiyalashda qo„llash mumkinligini inobatga olishlari maqsadga muvofiqdir. Yüklə 0,84 Mb. Dostları ilə paylaş:
|