O‘zbekiston Respublikasi Prezidentining 2020-yil 20-oktabrdagi
Yüklə 1,24 Mb. Pdf görüntüsü
|
- Bu səhifədəki naviqasiya:
- SO‘Z BOSHI
|
1 2 3 4 SO‘Z BOSHI O‘zbekiston Respublikasi Prezidentining 2020-yil 20-oktabrdagi PF-6084-sonli “Mamalakatimizda o‘zbek tilini yanada rivojlantirish va til siyosatini takomillashtirish chora-tadbirlari to‘g‘risida”gi muvofiq ta’lim tashkilotlarida davlat tilini o‘qitish tizimini yanada takomillashtirish, uning ilm-fan tili sifatidagi nufuzini oshirishga, zamonaviy axborot texnologiyalari va kommunikatsiyalariga faol integratsiyalashuvini ta’minlashga alohida ahamiyat berilmoqda. Bu esa ta’lim muassasalarida ona tilini o‘qitish metodikasini yanada takomillashtirish vazifasini qo‘yadi. Binobarin, ta’limda oldin ko‘proq nazariy masalalar asosiy o‘rinni egallagan bo‘lsa, endilikda tildan amaliy foydalanish, uning o‘ziga xos xususiyatlarini mustaqil o‘rganish dolzarblik kasb etmoqda. Mazkur o‘quv-uslubiy qo‘llanma xalq ta’limi uchun boshlang‘ich sinf o‘qituvchilarini tayyorlash Davlat standartlari dasturi talablari asosida tuzildi. Unda ona tilining fonetikasi, leksikasi, grammatikasi, uslubiyati, punktuatsiyasi bo‘yicha olingan bilimlarni real sharoitda qo‘llay olish ko‘nikmalarini shakllantirish bo‘yicha amaliy mashq va topshiriqlar o‘z aksini topgan. Bu mashq va topshiriqlarni bajarish yo‘llari ham belgilangan bo‘lib, bunda talab qilingan shartlar asosida ularni bajarishda talabalarning ona tilidan olgan bilimlarini yanada mustahkamlanadi hamda ularning o‘z ustida mustaqil ishlashi ta’minlanadi. Mazkur o‘quv-uslubiy qo‘llanmada ta’lim va tarbiyaning uzviy bog‘liqlik tamoyili asosida mashqlar tarkibiga kiritilgan gaplar, xalq maqollari va hikmatli so‘zlar tarbiyaviy xarakterga ega bo‘lib, ular yosh avlodning ma’naviy tarbiyasida muhim o‘rin tutishiga diqqat qilindi. Mashqlar to‘plamida talabalarning ona tili grammatikasi qoidalarini puxta o‘zlashtirishlariga, mantiqiy tafakkurlari rivojlanishi hamda ularning yozma va og‘zaki nutqini o‘stirishga alohida e’tibor berildi. Mazkur o‘quv-uslubiy qo‘llanmani tayyorlashda boshqa mualliflar tomonidan oliy o‘quv yurtlarida ona tili o‘qitish bo‘yicha nashr etilgan darslik va qo‘llanmalar, mashqlar to‘plami, shuningdek, o‘zbek tilshunosligidagi nazariy va o‘quv-uslubiy adabiyotlar asos qilib olindi. 5 Yüklə 1,24 Mb. Dostları ilə paylaş:
|