O‘zbekiston respublikasi xalq ta’limi vazirligi respublika ta’lim markazi umumiy o‘rta ta’limning biologiya fanidan davlat ta’lim standarti va o‘quv dasturi toshkent-2017

Ijtimoiy faol fuqarolik kompetensiyasi:
A1
o‘quvchi biologiya fanining ilmiy-amaliy soha ekanligini, uning inson va tabiatdagi ahamiyatini anglashi, biologiya fani o‘rganadigan obyekt, hodisa, jarayonlarni, tirik organizmlar ustida kuzatish va tajribalar olib borishni o‘rganishi va ularda faol ishtirok etishi.
A1+
tirik organizmlarning o‘ziga xos jihatlarini bilishi, ularning salbiy tomonlarini o‘zidan kichik bo‘lgan yoshlarga o‘rgatish jarayonida faol ishtirok etishi.


Milliy va umummadaniy kompetensiya:
A1
o‘quvchi tabiatdagi tirik mavjudotlarni muhofaza qilish tadbirlarida faol ishtirok etishi.
A1+
ilmiy tadqiqot olib borgan o‘zbek olimlari haqida dastlabki ma’lumotlarni bilish.


Matematik savodxonlik, fan va texnika yangiliklaridan xabardor bo‘lish hamda foydalanish kompetensiyasi:
A1
o‘quvchi kattalashtirib ko‘rsatuvchi asboblar va buyumlarni necha marta kattalashtirishini hisoblay olishi, mikroskoplar bilan ishlay olish qobiliyatlarini rivojlantirgan bo‘lishi.
A1+
fanga doir masala va mashqlarni mustaqil ravishda yecha olishi, standart topshiriqlarni bajara olish.


1-mavzu: Kirish. (1 soat, A1+: 2 soat)
Biologiya fan sifatida. Biologiya fanining ilmiy-amaliy soha ekanligini, uning inson va tabiatdagi ahamiyatini anglash, biologiya fani o‘rganadigan obyekt, hodisa, jarayonlarni o‘rganish.


1-BOB. BIOLOGIYA TIRIK ORGANIZMLAR HAQIDAGI FAN
(9 SOAT, A1+: 20 SOAT)


2-3-mavzu: Biologiya fanining inson hayotidagi ahamiyati. (2 soat, A1+: 4 soat)
Biologiyaning inson amaliy faoliyatida tutgan o‘rni. Biologiya fanining yangiliklari. Biologiya fanining rivojlanishi bo‘yicha respublikamizda amalga oshirilayotgan ishlar.
4-5-mavzu: Tirik organizmlarning xususiyatlari. (2 soat, A1+: 4 soat)
Tirik organizmlarning o‘ziga xos xususiyatlari. Tirik organizmlarda boradigan tiriklik belgilari va ularning xususiyatlari.