Mövzu7: «Seçki sistemi və seçki hüququ» p L a n

partiyaların seçkilərdə iştirakı ilə bağlı heç bir məhdudiyyət nəzərdə 
tutulmamışdır. Onlar seçki prosesinin əsas iştirakçılarından biri kimi Seçki 
Məcəlləsinin 2.6 və 49.1-ci maddələrində nəzərdə tutulan şərtlərə riayət 
etməlidirlər. Siyasi partiyalar blokları siyasi partiyaların ittifaqıdır. Siyasi 
partiyalar blokunun yaradılması üçün ən azı 2 siyasi partiyanın razılaşması tələb 
olunur. Bloka daxil olan partiya seçkilərdə müstəqil çıxış etmir. Seçicilərin 

---

21 
təşəbbüs qrupuna daxil olan vətəndaşların say tərkibinə məhdudiyyət qoyulmur. 
Onların öz səlahiyyətli qrupları və müşahidəçiləri olur və bu şəxslər onları 
seçkilərdə təmsil edirlər. Namizədlərin irəli sürülməsi ilə bağlı ərazi seçki 
komissiyasına bildiriş təqdim edilir. Prezident seçkilərində isə bütün sənədlər 
birbaşa MSK-ya təqdim edilir. Namizədlər irəli sürülərkən qanunvericiliklə 
qoyulan senzlər nəzərə alınmalıdır. Məsələn, ali təhsili olmayan şəxsin 
prezidentliyə namizədliyinin irəli sürülməsi yol verilməzdir. Müvafiq yaşa 
çatmayan şəxsin deputatlığa namizədliyi irəli sürülə bilməz. Bu senzlər 
pozulduqda, namizədlik ümumiyyətlə heç bir halda qeydə alına bilməz. Əksinə, 
seçki qanunvericiliyinin qoyduğu tələblər pozularsa, onlar vaxtında düzəldilə 
bildiyi təqdirdə namizədlər qeydə alınır (lazımi qədər imza toplanmaması zamanı, 
sənədlərdən birinin təqdim olunmaması zamanı). Namizədlərin irəli sürülməsi 
üçün müəyyən sayda seçici imzası tələb olunur. Müvafiq komissiyaya namizədlə 
bağlı xəbər verdikdən sonra seçici imzalarının toplanması prosesi başlayır. 
Azərbaycan Respublikası Milli Məclisinə seçkilərdə 450 imza, prezident 
seçkilərində 45.000-dən az olmayan sayda imza toplanmalıdır. Prezident seçkiləri 
zamanı 60-dan az olmayan seçki dairəsinin hər birinin ərazisindən azı 50 imza
toplanmalıdır. Bələdiyyə seçkilərində isə toplanılan imzalar yaşayış yerindəki 
əhalinin sayından asılıdır. Belə ki, 99.999-dan çox əhalisi olan ərazidə 150, 
49.999-dan çox əhalisi olan ərazidə 100, 19.999-dan çox əhalisi olan ərazidə 75, 
9.999-dan çox əhalisi olan ərazidə 50, 4.999-dan çox əhalisi olan ərazidə 30, 
4.999-dan az əhalisi olan ərazidə 15 seçici imzası tələb olunur. Bir şəxsin bir neçə 
namizəd üçün imza atmasına yol verilir. Seçicinin imzasını almaq məqsədilə onun 
ələ alınması, ona təzyiq edilməsi yolverilməzdir. Toplanılan imzalar tələb olunan 
sənədlərlə birlikdə müvafiq komissiyaya təqdim edilir. Daha sonra isə komissiya 
bu sənədləri yoxlayır və onların qanunvericiliyə uyğun gəlməsini müəyyən edərsə, 
təklif edilən namizəd qeydə alınır. Prezident və parlament seçkilərində namizədin 
qeydiyyatı üçün təqdim edilən sənədlərin yoxlanılması üçün MSK ekspert xidməti 
də daxil olmaqla bir çox vasitələrdən istifadə edir. Namizədlər bütün hüquq və 
vəzifələrdə bərabərdirlər. Seçkilər ərzində namizədlər öz xidməti vəzifələrini icra 

---

22 
etməkdən azad edilir və öz vəzifə imkanlarından seçkilər üçün istifadə etməyə 
haqqı yoxdur. Namizədlər təbliğat apara bilərlər. Vəzifəli şəxslər, kütləvi 
informasiya vasitələri redaksiyalarında işləyən curnalistlər və yaradıcı işçilər 
qeydə alınmış namizədlərdirsə, yaxud qeydə alınmış namizədlərin, siyasi