Orom og‘ushida dilrabo bu tun: Oydin zulumotda jilmayar bahor
Yüklə 3,67 Mb. Pdf görüntüsü
|
- Bu səhifədəki naviqasiya:
- “Kuz yomg‘irlari”
|
“Hamdardlar”
da ikki hamyurt erkak qovoqxonada tanishib, bir-birlariga o‘tmishlaridan hasrat qiladi. O‘quvchi esa asar oxiriga borib, bu ikki hamdard, aslida, bir voqeani ikki xil talqin qilayotganini, aniqrog‘i, ikkalasi bitta ayol haqida gapirayotganini tushunadi. Shunda asar davomida jonli obraz sifatida ishtirok etmay, o‘quvchiga faqat hikoya qahramonlarining aytmishlari yuzasidangina tanish bo‘lgan va taqdir o‘yinchog‘iga aylangan o‘sha mushtipar ayol bosh qahramon darajasiga ko‘tariladi. “Rizolik” ham ancha mulohazatalab hikoya bo‘lgan. Unda Safar chavandozning elparvarligi, oriyatliligi, jasoratlari keltiriladi. Qahramon o‘lim to‘shagida yotganida qaysidir ilinj tufayli dunyoni tark etolmaydi. Axir bolalarini uy-joyli qilgan bo‘lsa, savob amallari ko‘p bo‘lsa, ona yurtida jon bersa, el ardog‘ida bo‘lsa, uni ushlab turgan o‘sha ilinj nima bo‘lishi mumkin? Ziyrak pir buni osongina topadi. Qadrdon oti deraza yoniga keltiriladi va chavandoz otning kishnashini eshitib, o‘sha onda jon beradi. Pirning mana shu lahza otga qarata aytgan “Kishna, jonivorgina, kishna! Odamning zo‘ri jon beryapti, sen nega kishnamaysan? Egang shuncha yil yashab, sendan sodiqroq do‘st topmaganga o‘xshaydi...” qabilidagi o‘quvchi ko‘ziga yosh keltiradigan jumlalardan bosh qahramon o‘rni Safar chavandozdan otga bo‘shatib berilganday bo‘ladi. “Kuz yomg‘irlari” ni o‘qir ekanmiz, hikoya qahramoni Jafarsodiqning har gal yomg‘irli kunda ishga kech qolishi, noma’lum nimarsalar bilan band bo‘lishi qiziqarli va sirli ko‘rinadi. O‘zimizcha hamkasblariga qo‘shilib, uning beo‘xshov kulgilaridan, qilg‘iliklaridan, mas’uliyatsizligidan jahlimiz chiqadi. Bu tilsim yuqoridagi asarlar kabi faqat yakundagina o‘zini “fosh qiladi”. Gap shundaki, tayinli oyoq kiyimning yo‘qligi hikoya qahramoniga yomg‘irli havoda yurishga monelik qilgan ekan. Juda oddiy, ammo kutilmagan yechim. Umuman, ijodkorning “Topishmoq”, “Va’da”, “Rassom o‘ylari” kabi yana boshqa asarlari borki, mutolaa davomida ba’zan chuqur o‘yga botamiz, ba’zan xanda otamiz. Shuning uchun biz, odatda, ko‘rib, e’tibor qilmaydigan voqeliklardan u kutilmagan xulosalar chiqaradi. Bir kitobxon o‘laroq, yosh yozuvchi hali o‘lmas asarlar yaratishiga ishonaman. Bu yo‘lda unga yuksak ijodiy parvozlar tilab qolaman! www.ziyouz.com kutubxonasi 79 QALDIRG‘OCH Kulib yashayman Ona aziz, ona tabarruk, Ona mehrin tuyib yashayman. Onam ko‘zi yoshlanmasin deb Men hamisha kulib yashayman! Yuragiga quyosh bo‘lay deb, Sabr bo‘lay, bardosh bo‘lay deb, Bir mehribon sirdosh bo‘lay deb, Men hamisha kulib yashayman! Dardim olib bo‘ladi malham, Chin do‘stim ham aslida onam. Shod bo‘lsin deb aziz, yagonam, Men hamisha kulib yashayman! Haqiqatni oshkor etaman, O‘zi bergan dardni, netaman… Umidim bor – yurib ketaman, Men hamisha kulib yashayman! Yaratganning mehrini men ham Chin yurakdan tuyib yashayman. Shodligimdan yorishar olam, Men hamisha kulib yashayman! Shodligimdan yorishar olam Maqsad Yurakni bir alam chulg‘agan mahal, Ruhimni ezg‘ilab, qalbim tildilar, Bu yorug‘ dunyoni boshga ko‘tarib, Bejiz kelmaganim, balki, bildilar. Go‘dakdek beg‘ubor, guldek beozor, Dilimga bardoshdan qasr quraman. Qismatning sinovli dovonlarida Men asta jilmayib, mamnun turaman. Bu hayot talabi, qonuni ham shu – Daryo ham bir tekis oqavermaydi. Yo‘lidan adashgan g‘arib ko‘ngilga Har bir yaxshilik ham yoqavermaydi. Bugundan qalbimda jo‘sh urar bir so‘z, Ushalmas tuyg‘ular ko‘nglimdan ketsin! Mard Rahmon bardoshin baralla kuylab Shoirlar doston-u ash’orlar bitsin!.. Yüklə 3,67 Mb. Dostları ilə paylaş:
|