Vetinariya 2016. pmd
Yüklə 1,33 Mb. Pdf görüntüsü
|
|
Gangrenoz dermatit. Terining ayrim joylarining namlanib
qolishi gangrenoz dermatit deyiladi. Kasallik, asosan, otlarning tushov bo‘g‘imi orqasida bo‘lib, anaerob guruhlarga kiruvchi ta- yoqcha-Bacterium necrophorum qo‘zg‘atadi, u odatda gangrenoz mokres deb ataladi. Kasallik qo‘zg‘atuvchilar terining yorilgan, tirnalgan joylari va boshqa jarohatlar orqali to‘qimaga kiradi. Otlar- ni sovuq otxonalarda saqlash, to‘shamalarni o‘z vaqtida almash- tirmaslik, butazorlar ko‘p bo‘lgan yaylovda boqish gangrenoz kasalligining rivojlanishiga sabab bo‘ladi. Kasallik belgilari. Bu kasallik hayvon oyog‘ining mahalliy qizishi, shishishi, oqsoqlanishi, tana haroratining ko‘tarilishi, tomir urishi va nafas olishining zaiflashishi bilan ajralib turadi. Shishgan joydan sariq yopishqoq ekssudat ajralib chiqadi, u juda yomon qichitadi, bunga chiday olmagan hayvon jarohatlangan joyini yalab, qashishga harakat qiladi. Kasallikning uchinchi kuni sassiq hidli ba’zan qon aralash yiring paydo bo‘ladi. Yallig‘lanib yiring- lagan teri ajralib tushadi, uning o‘rniga uzoq vaqtgacha bitmay- digan maraz-yara paydo bo‘ladi. Yaraning osti biroz ko‘tarilgan, osongina qonaydigan, granulasiyasi sassiq yiring bilan qoplangan bo‘ladi. Ushbu jarayon atrofidagi to‘qimalarning (tuyoq, tog‘ay, chuqur eguvchi pay) o‘lishi (nekrozi) tufayli og‘irlashadi. Jarohat bitib, hayvonning tuzalishi 1–1,5 oyga cho‘ziladi. Davolash. Hayvonni ishdan ozod qilish, tinch qo‘yish, toza, quruq otxonada boqish kerak. Jarohatlangan teri yaxshilab toza- lanadi. Kasallikning boshlanish davrida yaraga sulema, kamfora yoki ixtiol surkab bog‘lanadi. Yiring paydo bo‘lishi bilan magniy sulfat, natriy xlor tuzlarining gipertonik eritmalari qo‘llanilsa yaxshi yordam beradi. Agar gangrenozli yara rivojlangan bo‘lsa, o‘lgan to‘qimalarni kesib tashlash maqsadga muvofiqdir. |