Amaliy bilimlar zahirasi bilan bir qatorda aqliy rivojlanishning tuzilishida ta’lim olganlik o’z aksini topadi. Ta’lim olganlik – bu aql sifatini shakllantiruvchi shaхs intellektual хususiyatlarining tizimi.
Aqlning teranligi inson yangi materialni egallashda mavhumlashtira olishi mumkin bo’lgan belgilarning muhimligi bosqichi va ularni umumlashganligi darajasida namoyon bo’ladi.
Aqlning sustligi qarama-qarshilikda: bir qoliplikka, fikrlashdagi odatiylikka moyillikda, bir harakatdar tizimidan boshqasiga o’tishdagi qiyinchilikda namoyon bo’ladi.
Fikrning moslashuvchanligi maqsadga muvofiq o’zgaruvchanlikni talab etadi.
Aqlning barqarorligi insonga vazifalarni fikriy hal etish, ularning butun belgilarini хotirada eslab qolishga imkon beradi. Bu sifat tasniflashga oid biror vazifani hal etishda aniq ko’rinadi.
Fikriy faoliyatning anglanganligi – uning mahsuli sifatida so’zda ifoda etish imkoniyatida aks etadigan aqlning sifati.
Aqlning mustaqilligi – yangi bilimlarni, vazifalarni hal etishning yangi yo’llarini faol izlashda namoyon bo’ladi.
Fikrning tejamkorligi – kam vaqt sarflab etarlicha bilimlarni egallay olishda aks etadi.
Dunyoqarash deb nimaga aytiladi?
Dunyoqarashning qanday turlari mavjud?
Ilmiy dunyoqarash dunyoqarashning boshqa turlaridan qaysi jihatlari bilan farq qiladi?
E’tiqodning shakllanishi qanday bosqichlarda amalga oshadi?
O’quvchilarda ilmiy dunyoqarashni shakllantirish vositalariga nimalar kiradi?
Aqliy tarbiyaning maqsadi va vazifalarini izohlang.
Fikrlash va uning turlarini tahlil eting.
11-Mavzu:. Mafkuraviy tarbiya. Ma’naviy-axloqiy tarbiya. Xalqaro baholash dasturlari (TALIS) amalda qo’llay olish Mashg’ulot rejasi:
1. Ma’naviy-axloqiy tarbiyaning maqsad va vazifalari
2.Mafkuraviy tarbiya texnologiyasi. Neyrolingvistik dasturlashtirish texnologiyasi.
3. Ma’naviy-aхloqiy ongni shakllantirish metodlari.
4. Oilada bolalarni ma’naviy-axloqiy tarbiyalash mazmuni, shakl va metodlari
5. Ma’naviy-aхloqiy хulq-atvorni shaklantirish metodlari
6. Xalqaro baholash dasturlari (TALIS)
