Qaydalar azərbaycan respublikasi föVQƏladə hallar nazirliyi

5.2.4. Bağlayıcı armaturun nazimçarxı üzərində onun açılıb- bağlanarkən fırlanma

istiqamətləri göstərilməlidir.

5.2.5. Partlayış, yanğın təhlükəli maddələr, ГОСТ 12.1.007-76 üzrə 1-ci və 2-ci sinif təhlükəli maddələr üçün tutumlar, eləcə də alov və ya qaz qızdırıcı buxarlandırıcılar olan tutumlar üçün nasosdan və ya kompres -sordan ona daxil olan xətt üzərində tutumun içərisindəki təzyiqdən avtomatik bağlanan əks klapan quraşdırılmalıdır. Əks klapan nasosla (kompressorla) tutumun bağlayıcı armaturu arasında quraşdırılmalıdır.

5.2.6. Legirlənmiş poladdan və ya əlvan metallardan hazırlanmış, şərti keçidi 20 mm-dən çox olan armaturun müəyyən olunmuş formada pasportu olmalıdır. Bu pasportda armaturun kimyəvi tərkibi, mexaniki xassələri, termiki emal rejimləri barədə məlumatlar və hazırlanma keyfiyyətinin dağıdıcı olmayan üsulla yoxlanmasının nəticələri göstərilməlidir.

Markası olan, lakin pasportu olmayan armaturun yalnız yoxlanıldıqdan, sınaqdan keçirildikdən və materialının markası yoxlanıldıqdan sonra tətbiqinə icazə verilir. Bu halda armatur sahibi tərəfindən pasport tərtib olunmalıdır.

5.3. Manometrlər

5.3.1. Hər bir tutum və müxtəlif təzyiqləri olan müstəqil boşluqlar birbaşa ölçən manometrlərlə təchiz olunmalıdırlar. Manometrlər tutumun ştuseri və ya tutumla bağlayıcı armatur arasında olan boru kəməri üzərində quraşdırılır.

5.3.2. Manometrlər - - tutumun işçi təzyiqi 2,5 MPa (25 kqq/sm²) –a qədər olduqda - 2,5-dən; tutumun işçi təzyiqi 2,5 MPa (25 kqq/sm²) –dan yuxarı olduqda - 1,5-dən az olmayan
dəqiqlik sinfinə malik olmalıdırlar.
5.3.3. Elə şkalası olan manometr seçilməlidir ki, işçi təzyiqin ölçmə həddi şkalanın üçdə
ikisində olsun.

5.3.4. Tutumun istismarçısı tərəfindən manometrin şkalasında tutumun işçi təzyiqini göstərən qırmızı cizgi çəkilməlidir. Qırmızı cizgi yerinə manometrin gövdəsinə qırmızı rəngə boyanmış və manometrin şüşəsinə möhkəm yapışan metal lövhəcik bərkitməyə icazə verilir.