2.2. Təhsilin informasiyalaĢdırılması üĢün tədris-metodiki bazanın yaradılması Təhsilin informasiyalaşdırılması üşün tədris-metodiki baza dedikdə əsasən elektron tədris
materialları və elektron metodiki vəsaitləri özündə saxlayan elektron baza başa düşülür. Bu
vəsaitlərin hazırlanmasında baza təhsil planlarının tələbləri ciddi nəzərə alınmalı yeni
texnologiyaların üstünlüklərindən, müəllimlərin, proqramçı-dizaynerlərin, psixoloqların bu
prosesdə iştirakına nail olunmalıdır. Hazırlanmış bütün elektron tədris vəsaitləri bu məqsədlə
xüsusi yaradılmış və müasir maddi-texniki baza ilə təchiz olunmuş təcrübə mərkəzlərində
yoxlanılmalı və sertifikatlaşdırılmalıdır.
Setrifikatlaşma əsasən tədris resurslarının texniki, məzmun və dizayn-erqonomika istiqamətlərini
dərindən bilən, təhsildə İKT-nin tətbiqi üzrə beynəlxalq və qabaqcıl təcrübəyə yiyələnmiş
ekspert rəyləri əsasında aparılmalı, materialların keyfiyyəti xüsusi hazırlanmış metodika üzrə
qiymətləndirilməlidir. Təhsil müəssisələrində Elektron kitabxana və elektron kataloqların,
mediatekaların yaradılması və virtual kitabxana texnologiyalarının tətbiqinə nail olunmalıdır.
Elektron dərs vəsaitlərindən düzgün və səmərəli istifadənin təşkili məqsədi ilə metodiki
tövsiyələrin və elektron metodiki-tədris materiallarının hazırlanıb tədris müəssisələrinin
istifadəsinə verilməsinə nail olunmalıdır.
Bunlardan əlavə təhsilin informasiyalaşdırılması məqsədilə tədris-metodiki bazanın yaradılması
və ondan səmərəli istifadənin təşkili məsələləri müəssisənin elektron məlumat bazasının (veb
portal) yaradılmasını da tələb edir. Təhsil portalı cəzbedici olmaqla bərabər elektron dərsliklər,
metodiki vəsaitlər, məlumat-sorğu sistemləri, inkişafetdirici oyunlar, elektron testlər və başqa
təhsil yönümlü materiallarla zənginləşdirilməlidir. Portalda fənnlər üzrə metodiki dəstəklə bağlı
bölmələr yaradıla bilər, orada nümunəvi dərslərin video nümunələrinə geniş yer verilməlidir.
