Rekreatsiya va turizm geografiyasi Chirchiq-2023

Tasodiflar turizmi. Turizmning ushbu turi yovvoyi hayvonlarni ov 
qilish, baliq ovlash, qadimgi boyliklarni izlab topishga qaratilgan ishlarni 
amalga oshiradi. Tasodiflar turizmi quyidagi turlarga bo‘linadi. 
 a) Piyoda sarguzasht izlab chiqish 
 b) Ovga chiqish (ov qilish, baliq ovlash, kapalak tutish) 
 c) Dengizda yelkanli kemada suzish. 
Turizmning bunday turi ko‘p hollarda guruhlar asosida amalga 
oshiriladi. 
Turizmning bu turi uchun maxsus ruxsatnomalar sotib olinadi. 
Bundan tashqari, turizmning bu kishi hayoti uchun havfli bo‘lganligi 
sababli malakali instruktorlar jalb qiladi. Tasodiflar turizmi juda 
qimmatga tushadi. Shu sababli uni “ elletar ” dam olish turiga kiritiladi. 
Diniy ziyorat qilishi turizmi. Turizmning ushbu turi aholi 
o‘rtasidda keng tarqalgan. Ziyorat qilish turizmi bir nechta turlarga 
bo‘linadi: 
 a) muqaddas joylarni ziyorat qilish; 
 b) muqaddas joylarni ko‘rish, ularning tarixi, madaniyatini 
o‘rganish; 
 c) ilmiy safar diniy tadqiqotlar bilan shug‘ullanuvchilarning 
muqaddas joylarga borishi. 
Turizmning bu turi uchun eng muhim muammolaridan biri yuqori 
malakali gidlarni tayyorlash hisoblanadi. 

---

43 
Qo‘msash (nostolgik) turizmi. Turizmning ushbu turida 
sayohatchilar o‘zlarining tug‘ilib o‘sgan joylarini borib ko‘radilar. 
Turizmning bu turi xalqaro turizmda muhim rol o‘ynaydi. 
Ekoturizm. Atrof-muhitini muhofoza qilishga qaratilgan turizmdir. 
Ekoturizm turistlarni tabiat quchig‘iga olib chiqishdan tashqari, milliy 
bog‘lar, qo‘riqxonalar tuzichga bo‘lgan muammolarni o‘z ichiga oladi. 
Ekoturizm – tabiatga nisbatan g‘amxo‘rlik, yumshoq munosabatda 
bo‘lish va muhofaza qilish, tiklashning asosidir. 
 Ekzotik (antiqa) turizmi keying yillarda tarkib topa boshladi. 
Jumladan, Gretsiyaning “Manos Treval” turistik firmasi oyiga sayohat 
qilishni rejalashtirmoqda. Fransiyaning “Ajara” turistik firmasi muzyorar 
kemada Antarktida va Arktikaga sayohat qilishni rejalashtirmoqda. 
Ayrim turistlar suv ostiga sayr qilishni yaxshi ko‘radilar.