Pektin kislotasining parchalanishidan hosil bo’lgan mahsulotlar har xil mikroorganizmlar faoliyati natijasida oksidlanadi yoki bijg’iydi. Ko’pincha anaerob sharoitda yog’ kislotali bijg’ish bakteriyalari tomonidan bijg’itiladi. bular asosan Clostridium avlodiga mansub bo’lgan bakteriyalar (Cl. pectinovorum, Cl. felsineum va boshqalar).
O’simliklardan zigir, konopli, kenaf va boshqalardan tola olishda pektinni bijg’ishini ahamiyati katta, chunki sellyuloza tolalari bir-biri bilan pektin orqali birikkan bo’ladi. Ayniqsa pektinni anaerob sharoitda Cl. pectinovorum parachalaydi. Keyinchalik muhitda organiq kislotalar ko’payib kislotali muhit bo’lib, bu sharoitda bu bakteriyalar o’z faoliyatini to’xtatadi. Keyin kislotali muhitga chidamli Cl. felsineum pektinni parchalanishini davom ettiradi. Shu yo’l bilan sanoatda o’simliklardan tola olinadi.
