Sh. Sh. Olimov, Sh. X. Samiyeva

Rivojlantiruvchi markazlarda “Refleksiya”, “Tanishuv”, 
“Muzyorar”, “Gelereyaga sayr”, “Enerjayzerlar” kabi interfaol 
usullardan foydalanish
“Refleksiya” 
 Refleksiya
(lot. “refleksio” – “ortga nazar solish”) – subyekt 
tomonidan oʻzining ichki psixologik harakati va holatini anglash 
jarayonidir. Refleksiyaning maqsadi – yodga olish, faoliyatning asosiy 
tarkibiy 
qismlari: 
uning 
mazmunini, 
turlarini 
vositalarini, 
muammolarini, hal qilish yoʻllarini, olingan natijalarni aniqlash va 
anglashdan iborat. Shunga koʻra, refleksiya keyingi ish maqsadini 
aniqlash, oʻzi tanlagan yoʻlni tahlil qilish asosida qayta koʻrib 
chiqishga imkoniyat yaratadi. Boshqacha aytganda, refleksiya 
bolaning tajribasi, oʻz-oʻzini anglashi hamda tafakkur vositasidir. 
Maktabgacha taʻlimda har bir mashgʻulot bolaning refleksiv xulosasi 
bilan yakun topishi va navbatdagi mashgʻulot mavzusini tushunishda 
yordam berishi lozim. “Qaysi biri ortiqcha” turkumidagi mashqlarni 
bajarish orqali bolaning mavzu yuzasidan shakllangan refleksiv 
faoliyatini aniqlash mumkin.

---

29 
1.2.2-rasm. Uchinchisi ortiqcha” mashqi namunasi 
Mashqlarni toʻgʻri va tez bajargan bola oʻzining imkoniyatlarini 
biladi va “Men bu mashqni bajara olaman”, degan xulosa asosida 
oʻzini oʻzi baholaydi.
 
 “Tanishuv” 
Texnologiyaning maqsadi
: bolalar jamoasini bir-birlari bilan 
tanishtirish, samimiy doʻstona munosabat va ijodiy muhitni yuzaga 
keltirish; ularning ijodiy imkoniyati va shaxsiy sifatlarini ochish. 
Mashgʻulotni oʻtkazish tartibi
: Mashgʻulot boshida tarbiyachi 
bolalarlarni kichik guruhlarga ajratadi. Har bir kichik guruhga yilning 
bir fasli nomini qoʻyish mumkin. Tarbiyachi guruhlarni joylariga 
oʻtqazib, ularga quyidagi topshiriqni beradi: