Savol. Transport ekspeditsiyasi shartnomasi nima maqsadda tuziladi va u yuk tashish shartnomasidan qanday farqlanadi?
52-kazus Chexiyaning «ZoCo» kompaniyasi O‘zbekistonda o‘z distribyuterlik korxonasini tashkil etdi. Kompaniya Osiyo davlatlariga transport ekspeditsiyasi xizmati ko‘rsatishga ixtisoslashgan bo‘lib, distribyuter O‘zbekistonda asosiy ishlarni tashkil etishi va uning vakolatlarini amalga oshirishi lozim edi. Aynan distribyuterlik korxonasi va “Neru” firmasi o‘rtasida Xindistondan O‘zbekistonga dori vositalari olib kelish bo‘yicha transport ekspeditsiyasi shartnomasi tuzildi.
Savol.Transport ekspeditsiyasi shartnomasiga ta’rif bering? Bu shartnomaning afzalliklari nimada? 53-kazus “Beautiful” xorij kompaniyasi va “Qo‘qon tekstil” mas’uliyati cheklangan jamiyati o‘rtasida tekstil uskunalarini etkazib berish to‘g‘risida import shartnomasi tuzildi. SHartnoma shartlariga ko‘ra, “Beautiful” xorij kompaniyasi shartnomada belgilangan muddatda o‘z mamlakatida ishlab chiqarilgan yangi tekstil uskunalarini etkazib berishi, “Qo‘qon tekstil” mas’uliyati cheklangan jamiyati esa, o‘z vaqtida uni qabul qilib olish va haqini to‘lash majburiyatini oldi.
Savol. Mahsulot etkazib berish shartnomasi nima maqsadda tuziladi va uning boshqa oldi sotdi shartnomalaridan farqi nimada?
54-kazus Zavod qurilish tashkiloti bilan qurilish shartnomasi tuzdi, unga ko‘ra zavod 1 mayga qadar qurilish tashkilotining ixtiyoriga barcha kerakli qurilish materiallarni etkazib berishi, qurilish tashkiloti esa binoni 1 sentyabrga qadar qurib bitkazishi kerak edi. Ish o‘z vaqtida bajarilmaganligi sababli, zavod zararni qoplash to‘g‘risidagi da’vo bilan sudga murojaat qildi. Qurilish kompaniyasi shartnomada nazarda tutilganidek, zavod qurilishni materiallar bilan ta’minlamaganiga asoslanib, da’voga qarshi chiqdi.
Savol.Majburiyatni muqobil suratda bajarish deganda nimani tushunasiz? Direktorning o‘quv ishlari bo‘yicha birinchi o‘rinbosari A.Ergashev
