Kichkintoyning qo‘l harakatlari uning nutqini rivojlantirishda qanday ahamiyatga ega? o‘z javobingizni aniq misollar yordamida asoslang.
Nima uchun bola atrofidagi kattalar intonatsion ifodali nutqqa ega bo‘lishlari lozim?
Maktabgacha katta yoshdagi bolalar nutqini o‘stirish qanday olib boriladi?
Maktabgacha yoshdagi katta yoshdagi bolalar nutqini o‘stirishning ilmiy-pedagogik shart-sharoitlari qаnday tuzilishiga ega?
5-amaliy mashg‘ulot
Mavzu: Maktabgacha o‘rta yoshdagi bolalar nutqini o‘stirishning vazifalari, metodlari va vositalari
UMUMIY TUSHUNCHA: Maktabgacha davrdagi o‘rta yoshda nutqiy tarbiyaning mazmuni ikki o‘zaro bog‘liq sohani tashkil etadi. Bular: ona tilini (fonetika, leksika, grammatika) hamda bilish faoliyati va muloqotda tilni qo‘llash usullarini o‘qitish. Tilni egallash atrof-muhitdagi hodisalar va ko‘p turdagi muloqotlar haqidagi bilimlarning kengayish jarayonida yuz beradi. Lekin maktabgacha yoshdagi bolani rivojlantirishdagi markaziy bo‘g‘in - til va Nutqni anglash vazifalarini bolaga tushunarli shakllarda shakllantirish hisoblanadi.
Topshiriq: Internet ma’lumotlari va adabiyotlardan foydalanib, kichik, o‘rta va katta yoshdagi bolalar nutqini o‘stirishning vazifalari, metodlari va vositalari to‘g‘risida ma’lumotlarning tahlil qilish
FSMU texnologiyasi
Ushbu texnologiya munozarali masalalarni hal etishda hamda o‘quv jarayonini baxs-munozarali o‘tkazishda qo‘llaniladi, chunki bu texnologiya
talabalarni o‘z fikrini himoya qilishga, erkin fikrlash va o‘z fikrini boshqalarga o‘tkazishga, ochiq holda baxslashishga hamda shu bilan birga baxslashish madaniyatini o‘rgatadi. Tinglovchilarga tarqatilgan oddiy qog‘ozga o‘z fikrlarini aniq va qisqa holatda ifoda etib, tasdiqlovchi dalillar yoki inkor etuvchi fikrlarni bayon etishga yordam beradi.
F – fikringizni bayon eting.
S – fikringiz bayoniga sabab ko‘rsating.
M – ko‘rsatgan sababingizni isbotlovchi dalil keltiring.
U – fikringizni umumlashtiring.
