Keywords: agrotourism, agriculture, tourism, rural, infrostructure, industry, natural resources. Giriş. Azərbaycan Dövlət Statistika Komitəsinin məlumatına görə, 2018-ci il ərzində turistlərin
yerləşdirilməsi və ictimai iaşə sahəsində yaradılmış əlavə dəyər əvvəlki ilin müvafiq dövrü ilə
müqayisədə 7.6 faiz artaraq 1790.7 milyon manata çatmış və qeyri-neft sektorunun ÜDM-də xüsusi
çəkisi 3.8 faiz təşkil etmişdir. Dövlət Sərhəd Xidmətinin məlumatına əsasən 2018-ci ildə Azərbaycana
dünyanın 196 ölkəsindən 2849,6 min və ya əvvəlki illə müqayisədə 5,7 faiz çox əcnəbi və vətəndaşlığı
olmayan şəxslər gəlmişdir. Gələnlərin 30,9 faizi Rusiya Federasiyası, 21,4 faizi Gürcüstan, 10,2 faizi
Türkiyə, 8,5 faizi İran, 3,3 faizi Birləşmiş Ərəb Əmirlikləri, 2,6 faizi Səudiyyə Ərəbistanı, 2,4 faizi
İraq, 2,0 faizi Ukrayna, 1,4 faizi İsrail, 17,2 faizi digər ölkələrin vətəndaşları, 0,1 faizi isə vətəndaşlığı
olmayan şəxslər olmuşdur. 2018-ci il ərzində “ASAN VİZA” sistemi vasitəsilə Azərbaycana səfər
etmək istəyən əcnəbilər və vətəndaşlığı olmayan şəxslərə 700 minə yaxın elektron viza verilmişdir [1,
2]. Bütün bunlar onu sübut edir ki, ölkəmizdə turizm sahəsi inkişaf etməkdədir və onun müxtəlif
növlərinə maraq artmaqdadır. Turizmin müxtəlif sahələrindən biri də aqroturizmdir.
Məlum olduğu kimi son dövrlər dünya turizm sənayesində aqroturizm inkişaf etməkdədir [3, 5, 6,
7]. Hazırda turizmin inkişafı ilə öynən ölkələrin kənd ərazilərində aqrotourizm, dominant sənayeyə
çevrilməkdədir. Ona görə ki, hər il 700 milyon turistin 30% -ə qədəri agrotourizmə üz tutur. Əsas
istiqamətlər də Avropa, ABŞ və Çin Xalq Respublikasıdır.
Artıq Avropada aqrotourizm ənənəvi kənd təsərrüfatının dayanıqlılığının dəstəklənməsi səbəbindən
ailə fermer təsərrüfatları güclü sahəyə çevrilmişdir. Belə ki, avropadakı fermerlərin demək olar ki, yarısı öz
TOURISM AND RECREATION IN THE XXI CENTURY: PROBLEMS AND PROSPECTS
