U. V. Mamadjanov 20 yil 20 yil farg‘ona ixtisoslashtirilgan maqom maktab-internati xodimlarining asosiy lavozimlarining malaka tavsiflari

17-§. Ixtisoslashtirilgan maktab-internati elektromontyorchining
lavozim malaka tavsiflari
Lavozim majburiyatlari:
a) hizmat koʼrsatayotgan elektr jihozlar va uskunalar, texnik tarmoqlarning texnik holati boʼyicha muntazam tekshirish va texnik ishlarni olib boradi, nosozliklar va buzilishlar aniqlaydi;
b) elektr jihozlarga hizmat koʼrsatish va taʼmirlash boʼyicha alohida murakkab boʼlmagan ishlarni bajaradi;
v) tarqatuvchi qutilarini, klemmnik, saqlagich qutisi va yoritish armaturalarini oʼrnatish va taʼmirlash, qisman demontaj qilish, elektr jihozlarni siqilgan havo bilan tozalash va shamollatish; kontaktlarni tozalash; 1000 V gacha kuchlanishli simlarni kesish, biriktirish, izolyatsiyalash va kavsharlash;
g) sim va kabellarning oʼrnatilishini amalga oshiradi, elektr jihozlarning taʼmirlanishida oddiy chilangarlik, montaj va duradgorlik ishlarini bajaradi;
d) elektr jihozlarni yoqishni va oʼchirishni amalga oshiradi, oddiy oʼlchovlarni bajarish;
ye) erdan nazorat ostiga olinadigan oddiy koʼtarish dastgohlari va kranlarni qoʼllab, pnevmatik va elektr asbob-uskunalari bilan bajariladigan ishlarni amalga oshiradi;
j) elektrdvigatellarning statorlari va rotorlari tarqatish tizimini izolyatsiyasining qarshiligini megometr bilan teshirish va oʼlchash ishlarini amalga oshiradi, transformatorlarni obmotka qiladi, kabellarni kiritish va chiqarish ishlarini bajaradi;
z) maktab-internati xodimlarining talabi bilan zararlanish va shikastlanishlarni bartaraf qiladi;
i) maktab-internatining elektr enargiyasiga boʼlgan talabining xisobini olib boradi va ishlatilishini nazorat qiladi;
k) elektr jihozlarining ishlatilishi boʼyicha kerakli xujjatlarni tuzadi va yuritadi hamda pribor koʼrsatgichlariga asosan elektroenergiyaning ishlatilishining hisobini olib boradi;
l) davlat energetika nazorati tashkiloti koʼrsatmalarining bajarilishini taʼminlaydi;
m) mehnat muhofazasi, xavfsizlik texnikasi, ishlab chiqish sanitariyasi va yongʼin xavfsizligi qoidalariga rioya qiladi.


Bilishi kerak:
a) elektrodvigatel, generator, transformator, kommutatsion va ishga tushuruvchi apparatlar, akkumulyator va elektr jihozlarining tuzilishi va ishlash printsiplari;
b) elektrotexnik materiallarning asosiy turlari, ularning xusussiyatlari va ishlatilish joyi; bajaradigan ishlari doirasida elektr jihozlarini taʼmirlash va montaj usullari qoidalari;
v) nazorat-oʼlchov asboblarining nomi va ishlatilish qoidalari hamda ish joyini tashkil qilish va ishlab chiqarish toʼgʼrisidagi asosiy maʼlumotlar;
g) past kuchlanishdagi provodlarni ulash va payka qilish, ularni almashtirish usullari;
d) elektr tokidan zarar koʼrilganda birinchi yordam koʼrsatish qoidalari; elektr qurilmalariga hizmat koʼrsatishda xavfsizlik texnikasi qoidalari; texnik va tartibga solish ishlarining ketma-ketligi;
ye) mehnat muhofazasi, yongʼin havfsizligi hamda sanitariya norma va talablari.

Malaka talablari: oliy yoki oʼrta maxsus maʼlumot, ish stajiga boʼlgan talablar taqdimotisiz. Elektromontyor lavozimiga olinayotgan shaxslar 1000 kVt gacha elektorenergiya bilan ishlash uchun maxsus ruhsatnomani koʼrsatishlari kerak.