II. Lavozim majburiyatlari Ombor mudiri zimmasiga yuklatilgan majburiyatlarni bajarish uchun quyidagilarni amalga oshirishi shart:
1. Tovar-moddiy boylikarni qabul qilish, saqlash va berish bo‘yicha, ombor maydonlaridan yanada oqilona foydalanishni, zarur materiallar, jihozlar va shu kabilarni qidirishni osonlashtirish va tezlashtirishni hisobga olgan holda ularni joylashtirish bo‘yicha ishlarga rahbarlik qilish.
2. Joylashtiriladigan tovar-moddiy boyliklarning saqlanishini, saqlash tartibiga, kirim-chiqim hujjatlarini rasmiylashtirish va topshirish qoidalariga rioya etilishini ta’minlash.
3. Belgilangan hisobotlarni tuzish.
4. YOng‘inga qarshi vositalarning mavjudligi va sozligini, ombordagi xonalar, uskunlar va jihozlar holatini kuzatib borish va ularning o‘z vaqtida ta’mirlanishini ta’minlash.
5. Mehnatni muhofaza qilish bo‘yicha normalar, qoidalar va yo‘riqnomalarga rioya etgan holda omborda ortish-tushirish ishlarini tashkil etish.
6. YUk ortish rekvizitlarini yig‘ish, saqlash va ularning etkazib beruvchilar tomonidan o‘z vaqtida qaytarilishini ta’minlash.
7. Tovar-moddiy boyliklarni inventarizatsiya qilishda ishtirok etish.
8. Ombor operatsiyalari hisobini yuritishni, belgilangan hisobotlarni nazorat qilish.
III. Huquqlari Ombor mudiri quyidagilarga haqli:
1. Maktab-internati rahbariyatining maktab-internatining ombor xo‘jaligiga taalluqli bo‘lgan buyruqlari bilan tanishishga.
2. Maktab-internati rahbariyati ko‘rib chiqishi uchun ombor faoliyatini yaxshilash yuzasidan takliflar kiritishga.
3. O‘z vakolatlari doirasida hujjatlarni imzolash va vizalashga.
4. Maktab-internati direktori ko‘rib chiqishi uchun ombor xodimlarini tayinlash, o‘tkazish, ishdan bo‘shatish to‘g‘risida taqdimnomalar, ularni rag‘batlantirish yoki ularga jazo tayinlash to‘g‘risida takliflar kiritishga.
5. Maktab-internati rahbariyatidan o‘z lavozim majburiyatlari va huquqlarini bajarishda ko‘maklashishni talab qilishga.
