175
Elektron ossillograflar.
Hozirgi vaqtda dinamik jarayonlarni tadqiq etish uchun
elektron ossillograflar qo‘llanilmoqda, ularda jarayonni vizualizatsiyalash (ko‘rish)
elektron-nur trubkasi yordamida amalga oshiriladi. Uning ishlash prinsipi ayrim
moddalarning (masalan, oltingugurtli rux) elektron bombardimonlash ta’sirida
yorishish qobiliyatiga ega bo‘lishiga asoslangan. Nayda ingichka elektron nur hosil
qilinib, u ekranga tushib, uni yorishishga majbur qiladi. Ossillografda mavjud bo‘lgan
yoyilma generatori nurni ekran bo‘ylab chapdan o‘ngga ko‘chishga majbur qiladi.
Yoyish chastotasi 10 Gs dan ortiq bo‘lganda biz gorizontal yorishgan chiziqni
ko‘ramiz. Tadqiq etilayotgan signal tegishlicha kuchaytirilgandan so‘ng nurning
vertikal bo‘yicha og‘ishini vujudga keltiradi. Shu tarzda signalning ko‘rinadigan
tasviri paydo bo‘ladi. Konstruksiyasiga ko‘ra ham, vazifasiga ko‘ra ham farq qiluvchi
elektron ossillograflarning turli xillari mavjud. Hozirgi vaqtda kompyuter
texnologiyalarining rivojlanishi va datchiklarning kompyuterlarga ulanish
imkoniyatlari paydo bo‘lishi munosabati bilan dinamik sinovlar ma’lumotlarini
maxsus dasturlar bo‘yicha qayd etish va ishlov berishning imkoniyatlari ancha
kengaydi.
Dostları ilə paylaş: