Va axborot texnologiyalari 6-sinf toshkent – 2021

O‘QUV MAQSADI
KO‘NIKMA
Bob yordamida Siz:
matn protsessorida rasmiy hujjatlar tayyorlash;
MS Wordda yaratilgan hujjatni parollash;
MS Wordda yaratilgan hujjatni chop etish;
hujjatga kolontitul, havola va gipermurojaatlar 
joylashtirish;
hujjat sahifasi chegaralari va yo‘nalishlarini belgilash;
hujjat sahifalarini raqamlash;
hujjatda ro‘yxatlarni hosil qilish;
hujjatga SmartArt obyektlari, shakl, 3D model va 
formulalarni joylashtirishni bilib olasiz.
VOSITALAR
MS Word
II BOB.
MATN PROTSESSORIDA HUJJATLARNI 
QAYTA ISHLASH
Bu bobda Siz:
rasmiy hujjatlarni yaratishga qo‘yilgan 
talablar;
hujjatlarga obyektlarni joylashtirish 
tartibi;
hujjat sahifasini formatlash tartiblari;
MS Word matn protsessorining 
qo‘shimcha imkoniyatlarini bilib olasiz.

---

II BOB. 
MATN PROTSESSORIDA HUJJATLARNI QAYTA ISHLASH
50
10-dars. MATN PROTSESSORIDA HUJJATLAR 
BILAN ISHLASH 
Ma’lumki, 5-sinf darsligida MS Word matn 
protsessorida ishlash bo‘yicha dastlabki tushunchalar 
berilgan bo‘lib, undan kundalik hayotda qanday 
foydalanish yuzasidan amaliy ko‘rsatmalar ham 
taqdim etilgan. 
Hujjatdagi ma’lumotlarni o‘qishga qulay ko‘rinishda 
formatlash uchun, ularni ro‘yxat ko‘rinishida tasvirlash 
mumkin. Hujjat yaratishda bir necha ma’lumotni sanab o‘tish lozim bo‘lsa, “Cписки” buyrug‘ining 
bir necha turidan foydalaniladi. Chunki ro‘yxat alohida qatorlarda yozilgan belgilar bilan ajratilgan 
bo‘ladi.
Taqqoslab ko‘ring-chi, qaysi ko‘rinishdagi ma’lumotni o‘qish hamda eslab qolish qulay?
1-namuna: 
• zog‘orabaliq, tovonbaliq, olabuqa, qisqichbaqa;
• olma, olcha, anor, anjir;
• sut, saryog‘, qaymoq, yog‘;
• yuz, ko‘z, qosh, burun;
• materik, orol, yarimorol, dengiz.
2-namuna:
zog‘orabaliq, tovonbaliq, olabuqa, qisqichbaqa, olma, olcha, anor, anjir, sut, saryog‘, qaymoq, yog‘, 
yuz, ko‘z, qosh, burun, materik, orol, yarimorol, dengiz.