Tatarların məğlubiyyəti və Adil Gəray xanın tutulması:
Molla Həsən adlı bir yerdə onlar bir biriləri ilə qarşılaşdılar. On
iki min tatar, dörd-beş min ləzgi, qarabökr və şirvanlılarla birgə Adil
Gəray xan mərdliklə müzəffər qoşunun önünə çıxdı. Bu tərəfdən
qoşunun cərxçisi olan Əmir Həmzə xan bəzi ustaclı və başqa
əmirlərlə qarşıya gəldi, döyüş başlandı. Tatar ləşkəri ilə döyüşlərdə
mərdlik göstərmiş olan və Şamaxıda qalan bəzi əmirlər öz
namuslarını və ad-sanlarını qorumaqdan ötrü döyüşə-döyüşə gəlib
orduya birləşdilər, döyüşə hazırlaşdılar. Ardıcıl qızılbaş hücumlarına
tab gətirməyən tatar döyüşçüləri sübhün açılışından günəşin
qürubuna qədər igidliklə döyüşdülərsə də, məcbur olub döyüşdən əl
çəkdilər. Adil Gəray xan tatar qoşununda zəiflik müşahidə edərək öz
döyüşçülərini döyüşə şirnikləndirib özü də meydana girdi. Döyüş
vaxtı pənahı zəfər olan qoşunun (qızılbaşıların - Ş.F.)
döyüşçülərindən olan Baba Xəlifə Danqaralı özünü Adil Gəray xana
çatdırıb onu canalan nizəsi ilə atından yerə saldı. Xan, özünün
kimliyini bildirdi. Onu əsir götürdülər. Tatar qoşunu əzilərək qaçış
vadisinə tərəf üz tutdu. Əzəmətli qazilər onların əksəriyyətinin ömür
xırmanlarını qılınc və nizələrindən qopan atəşlə yandırdılar. Döyüş
yerinə bələd olan əksər ləzgi və şirvanlı döyüşçülər isə dağa, meşəyə
dağılışdı. Zəfər küləyi qələbə bayrağını dalğalandırdı. Döyüşçülərin
gözləri tatarların qarət etdikləri mallara dəyəndə qaçanları təqib
etməkdən əl çəkib həmin mallara tərəf üz tutdular. Tatarların əlinə
düşən Araz xan ordusu əsirlərinin var-dövləti və tatarların özlərinin
dəvələrlə daşıdıqları malların çox hissəsi qazilərin əlinə keçdi.
Həmin var-dövlət sahibsiz qaldığından onların hamısını özlərinə
götürdülər.
Bu böyük qələbədən sonra Mirzə Salman və əzəmətli əmirlər
Şamaxıya üz tutdular. Osman paşa tatarların məğlubiyyəti və Adil
Gərayın əsir düşməsindən xəbər tutdu, lakin onlara kömək edə
bilmədi, Şamaxıda qala bilməyib, qaçmağa məcbur olaraq Dərbəndə
tərəf yola düşdü. Əzəmətli əmirlər onun ardınca bir dəstə adam
327
"Osman paşaya" olmalıdır - Ş.F.
417
yolladılar və onlar Şabrana qədər getdilər, oranın bir hissə topxana
və silahını ələ keçirib geri qayıtdılar.
Osman paşa özünü Dərbənd qalasına çatdırıb, Dağıstan camaatı
və ləzgilərin köməyi ilə orada sakin oldu.
Əmirlər qələbə və Adil Gərayın əsir düşməsi barədə nəvvab
[şahzadəyə] və Məhdülyaya xəbər göndərdilər. Orduda şadlıq
nağaraları döyülməyə başladı. Adil Gəray xanın orduya gətirilməsi
üçün bir neçə nəfər əzəmətli qorçi yola salındı, əmirlərin isə
Dərbənd qalasının fəthinə göndərilmələri qərara alındı. Amma
Mirzə Salman və əmirlər Məhdülyanın məsləhətinə əməl etməyib,
Şirvanda bir dəstə adam saxlayaraq Adil Gərayı özləri ilə götürüb
Qarabağa gəldilər, nəvvabla görüş şərəfinə nail oldular. Ağıllı və
tədbirli adamlar belə məsləhət gördülər ki, tatarlarla dostluq yaradıb,
onları rum qoşununa kömək etməkdən çəkindirsinlər və Şirvan
vilayətini onların təhlükəsindən xilas etsinlər. Bu təklif nəvvabın
xoşuna gəldi və Adil Gəray xan ehtirama layiq görüldü. Əsir
tutulmuş tatarlardan bir neçə nəfərini azad edib ona mülazim təyin
etdilər, bir neçə qorçiyə də onun xidmətində durmağı tapşırdılar.
Əmirlər Şirvan əyalətinin Həmzə xana verilməsini məsləhət
gördüklərindən və nəvvab Məhdülya, onun məsləhətinə əməl
etməyib qalaya girməyən əmirlərdən incidiyi üçün onların
məsləhətini qəbul etmədi. Məğrur və ədəbsiz əmirlərlə Məhdülya
arasında bir neçə məsələdə mübahisələr baş verdiyi üçün etiraz
səsləri ucaldı. Belə gərəksiz qilü-qal Məhdülyanın Azərbaycanda
qalmayaraq geri qayıtmasına səbəb oldu. Bu yersiz hərəkətə mane
olmağa heç kimdə cürət görünmədi. Qışın əvvəl çağı soyuğun
şiddətli dövrü idi. Deyin (dekabr-yanvar) şaxtasının qorxusundan
dağ və göl sincab (qaqom) kürkü kimi olan qar örtüyünə bürünmüş,
sincab dərisindən tikilmiş papağa bənzər buludu başlarına
qoymuşdular. Ordibeheşt (İran hicri-şəmsi ilinin ikinci ayı - Ş.F.)
gülzarının arzusundan buluddan (səhab) gecə-gündüz civə [rənginə
bənzər] göz yaşları damcılayırdı. Çətinliklə keçilən həmin uzaq
məsafəni bir ay əvəzinə on dörd gündə qət etdilər və on beşinci gün
Qəzvin darüssəltənəsinə daxil oldular. Əzəmətli əmirlər də
Məhdülya və müzəffər şahzadə ilə etdikləri həmin ədəbsiz danışıq
və mühabisələrdən geri çəkilməyərək Qəzvinə çatdılar, İsgəndər
şanlı nəvvabla görüş şərəfinə nail oldular. Nəvvab [Həmzə Mirzə]
Adil Gəray xanı mübarək dövlətxanada, divanxanaya yaxın evlərin
birində yerləşdirib, onun keşiyini çəkməyi bir neçə qorçiyə həvalə
418
etdi, onların (tatarların - Ş.F.) geyim-keçiminə və yemək-içməyinə
olduqca ləyaqətlə yanaşdı. Belə qərara alındı ki, o, gərək bir neçə
adamını qardaşı Məhəmməd Gəray xan və anasının yanına göndərib
özünün sağ-salamat olması və ehtirama layiq görülməsi barədə
onlara məlumat çatdırılsın. Adil Gəray xanın etibarlı ən mülazimi
şahın dostluq məktubu da götürüb bir şah qorçisi ilə yola çıxdılar.
İsgəndər şanlı nəvvab Şirvan əyalətini cənnətməkan şahın son
günlərində Astrabad hakimi olan, lakin qara geyimli adamların
(siyahpusan) və Yəqə türkmanlarının qiyamına davam gətirməyib
Qəzvinə gələn Məhəmməd Xəlifə Hacılar Zülqədərə verdi. O,
həmçinin Şirvanın ayrı-ayrı mahallarını əmirlər arasında bölüb
onları öz yerlərinə yolladı. Məhəmməd Xəlifə və əmirlər Şirvana
gedərək, hərə öz ülkasında yerləşdi.
Qalmağa qoysa fələk qoy orada qalsınlar
328
Amma bir neçə vaxt dövlətxanada yaşayan Adil Gəray xanın
hərəkətləri əmirlərin və dövlət başçılarının xoşlarına gəlmədiyindən,
belə qərara alındı ki, onu dövlətxanadan çıxarıb, ya başqa yerdə
yerləşdirsinlər, ya da qarşıda Azərbaycan yasağı durduğu üçün və
tatar şahzadəsinin oraya aparılması münasib olmadığından, ona
yaxşı mənzili olan qalalardan birində yer versinlər. Çünki, qarşıda
Azərbaycan yasağı (əskər toplanışı - Ş.F.) durur və xanı həmişə
yanımızda saxlamaq münasib deyil. Qoy gedəcəyi yerdə rahat
yaşasın.
Tatar Adil xanın öldürülməsi və bu
hadisənin ixtiyarsız baş verməsi:
İsgəndər şanlı nəvvab isə belə buyurdu: Cənnətməkan şah
başqa dindən olan Gürcü gürcülərin qəlblərini ələ almaq üçün bir
müddət dövlətxanada yerləşdirmişdi. İlk gündən biz tatar
şahzadəsinə izzət və ehtiramla yanaşdığımız üçün, yaxşı yer olsa
belə, onu qalaya salmaq bədnamlıq ola bilər. O, qoy yasaq zamanı
dövlətxanada qalsın, sonra isə məsləhət nə olsa, elə də edərik. Elə
328
Misranın farscası:
Gər fələkşan begozarəd ke qərari girənd.
419
əslində də onun dövlətxana daxilində qalib yaşaması həbsdə olması
deməkdir. O, mülki geyimdədir və başqa yerə gedə büməz. Bir dəstə
qorçi də gecə-gündüz onu qorumaqla məşğuldur".
Əzmətli əmirlər onun məsləhətinə əməl etməyərək, Adil Gəray
xanı dövlətxanadan çıxarmaqdan ötrü bir dəstə adam yolladılar.
Tatar xanı isə qızılbaşların davranışlarına bələd olduğu üçün, başqa
bir xəyala düşdü. Onunla birlikdə olan bir neçə tatarla cəhalətli bir
əmələ əl atmağı məsləhət görüb, əllərində tutduqları ox-yay ilə iki-
üç nəfəri yaraladı. Tatarlar danışığa başlanılmasına imkan verməyib
döyüşdən əl çəkmədilər. Qarşı tərəfin döyüşçüləri də hücuma keçib
onun şər hərəkətini dəf etməyə girişdilər. Tatarların cəhaləti həddini
aşdı və bir neçə nəfəri də öldürdülər. Eşikdən də onlara ox və güllə
yağdırıldı. Bu arada tatar xanı yaralanıb öldürüldü. O qətl edildikdən
sonra, ölüm növbəsi başqalarına da çatdı. Bu hadisə təsadüf üzündən
baş verdi. Əhvalatın əmirlərin Mazandarandan qayıdışından sonra
baş verməsinə baxmayaraq, Şirvan səfəri hadisələri ilə bağlı olduğu
üçün, Adil Gəray xanın qətli barədə burada yazmağı münasib bildik.
DÖVRAN MƏLƏKƏSİNİN (ŞAH MƏHƏMMƏD
XUDABƏNDƏNİN ARVADI MƏHDÜLYANIN - Ş.F.) İRADƏ
VƏ RAZILIĞI İLƏ MAZANDARANA TƏRƏF LƏŞKƏR
GÖNDƏRİLMƏSİ VƏ O BEHİŞTƏ BƏNZƏR DİYARIN
VALİSİ MİRZƏ XANIN T UTULMASININ ZİKRİ
Cənnətməkan şahın dövründə Mazandaranın hakimliyi irsən və
icazə təriqiylə nəvvab Məhdülyanın atası MirAbdullah xana mənsub
idi. Onun əmioğullarından Mir Sultan Murad onunla düşmənçiliyə
və hərbə başlayaraq istiqlal savaşına qalxdı. Mir Abdullahdan narazı
olan bir dəstə mazandaranlı Mir Sultan Muradın başına yığışdı. O,
cahanpənah şah dərgahına gələrək öz sədaqət və bəndəliyini izhar
etdi. Mir Abdullah xan bəzən sərkeşlik edib vergi və xəracı
ləngitdiyi üçün cənnətməkan şah Sultan Murad xanın tərəfini tutdu.
Mir Abdullah xan etdiyi hərəkətdən peşiman olub şaha öz
tabeçiliyini izhar edən vaxta qədər Sultan Muradın vəziyyəti gün-
gündən yaxşılaşmaqdaydı. Cənnətməkan şah [buna görə də]
Mazandaran ülkasını onların arasında böldü və xanların hər ikisi
onunla razılaşdı. Belə qərara gəldilər ki, bir-biriləri ilə qardaş kimi
davranaraq biri digərinin məmləkətinə dəxalət etməsinlər. Amma,
Mir Abdullah xan Əmir Sultan Murad xanın etibar və iqtidarına tab
420
edə bilməyib şahın razılığına xilaf olaraq onu etibardan salmağa
cəhd etməkdəydi, imkan vermirdi ki, ona verilən vilayətdə müstəqil
hakimiyyət sürsün. Bu hadisə barədə ali saraya dəfələrlə məlumat
verilməsinə baxmayaraq hökmlər hər ikisinin adına yazılırdı. Məsələ
Mir Abdullah xanın əvvəlcə verilən hökmü pozmasına səbəb oldu.
Mir Sultan Murad ona hücum edərək tutdu, bütün Mazandaran
əhalisini özünə birləşməsini təklif etdi. Mir Abdullahı kamanın ipi
ilə boğub aradan götürdü, bütün Mazandaran hakimliyi Mir Sultan
Murad xanın oldu. Amma, qədim adətlərə görə dünya qəddardır və
buna görə də onun iqtidar və kamranlığına imkan vermədi,
zamanənin pis gözü ona dəydi, ömürdən və dövlətdən ləzzət ala
bilmədi, bir neçə gündə mülk və mala əlvida deyib həyatını qolu
zorlu fələyə tapşırdı.
Xülasə, Mir Abdullah xanın qəziyyəsindən sonra cənnətməkan
şah ona xas olan mərhəmət üzündən mərhum xanın sağ qalan
üzvlərinə qayğı göstərərək xanın müqəddəs qızı nəvvab Məhdülyanı
aləmlər şahzadəsinə, yəni İsgəndər şanlı nəvvab Sultan Məhəmməd
Mirzəyə aldı və bu izdivacdan qədir-qiymətli fərzəndlər doğuldu.
Xanın oğlu Mir Əzizxanı şaha yaxın adamlar silkinə daxil etdi və o
ali sarayda əziz və möhtərəm adamlardan oldu. Yuxarıda yazıldığı
kimi, onlara aid olan Mazandaran vilayətinin yarısını şahzadə Sultan
Həsən Mirzəyə, o biri yarısını isə "Mirzə xan" ləqəbi ilə məşhur
olan Sultan Mahmud Mir Sultan Murad oğluna verdi. Amma
cənnətməkan şahın başına gələn ölüm hadisəsindən və Sultan Həsən
Mirzənin aradan götürülməsindən sonra Şəmsəddin Divin səyi ilə
bütün Mazandaran məmləkəti Mirzə xana verildi. Yer və səma
Xaliqinin istəyi ilə ülyahəzrət Məhdülya İranın mələkəsi olduqda, o
bu məsələni münasib bildi: Həmin vilayət Məhdülyanın irsi mülkü
olduğu üçün belə qərara alındı ki, Mirzə xan ali saraya gələrək
atasının əhvalatına görə üzr istəsin, göstərişlərə əməl etsin,
Məhdülyanın özü izn alaraq Mazandarana getsin, əgər onun
hakimliyi mələkənin istəyinə müvafiq olmasa, ağlının göstərişi ilə
zəmanə qanununa saz olsun, ona tapşırılmayan işlərə dəxalət
etməsin:
Hər yerə kəhəri çapmaq nə demək?
Yer yer sahibinə verilsin gərək.
329
329
Beytin farcası:
421
Amma, əgər Mirzə xan hərgah özündən razılıq hissinə qapılıb
cəng məqamına gələrsə, qeyrət və təəssüb mədəni olan mələkə
onu cəzalandıracaqdır. Mirzə xan sadəlövhlüyündən, fitnə-fəsad
əhlinin fəsadından, xüsusən mələkə nəslindən olan şəxslərə qarşı
yaramaz hərəkətlər etmiş Şəmsəddin Divin sözünə qulaq asıb səvab
yoldan dönərək, mələkənin xidmətinə getmədi, hətta sərkeşlik etdi.
Bu iş mələkəyə ağır gəldi və o intiqam almaq məqamında qərar
tutdu, atasının qanını almaq istədi. O, Mazandaran əyalətini atasının
qohumlarından olan Mir Əlixana verib, öz nəslinə yaxınlığı ilə
şərəflənən Vəlican xan Türkmanı ona yardımçı təyin etdi. Mirzə
xan dərvişxislət bir cavandı. Cahanpənah dərgaha getməyə cürət
etməyib
qorxusundan
və
canını
qorumaq
məqsədindən
Mazandaranın möhkəm qalalarından olan Firuzcaha sığındı, Mir
Sultan Murad xanın bir dəstə mülazimi də ona qoşuldu. Baxmayaraq
ki, Mirzə xan məmləkətdən əlini üzmüşdü və Mazandarandaydı,
həmin qalanı olə keçirmək təsəvvürə belə sığmırdı, amma nəvvab
Məhdülya Sultan Murad xan nəslinin yox edilməsi qərarına gəlmişdi
və onun bu hissi günü-gündən artırdı. O, bir gün dövlət
adamlarından biri olan Pirə Məhəmmədi Qorxmaz xan Şamlı və
bəzi əmirlərlə Firuzcah qalasına yolladı. Bir neçə müddət keçməsinə
baxmayaraq qalanın fəthi xəbəri gəlmədi. Nəvvab Məhdülyanın
səbri tükəndi, göndərdiyi ləşkərlə kifayətlənməyib Şahrux xan
Möhrdarı Mazandarana göndərdi. Şahrux xan dövlətin möhkəm
sütunlarından idi. O, özünün tutduğu məqamı belə səfərlərə
çıxmaqdan üstün tutduğu üçün ona tapşırılan səfərdən imtina etdi,
ərz edib dedi ki, bu səfərə göndərilən Pirə Məhəmməd xanın
getməyi kifayətdir, yox əgər, nəvvab Mohdülya bu işi görməyə
başqa adam yollayarsa, bu mənim işdən soyumağıma səbəb ola
bilər, əgər köməyə ehtiyac olarsa, kimi istərsə, onu da göndərərik.
Nəvvab Məhdülya bu sözlərdən inciyərək İsgəndər şanlı nəvvaba
Şahrux
xanın
cəzalandırılmasının
və
məcburən
qalaya
göndərilməsinin zəruri olduğunu bildirdi. Şahrux xanın bu
məsələdən yaxa qurtarma cəhdinə baxmayaraq, bunun heç bir
faydası olmadı. Mirzə Salman qorçibaşı və əmirlər ürəkaçan
nəsihətlər yolu ilə onu qalaya getməyə razı saldılar. Şahrux xan
"Nə hər cay mərkəb təvan taxtən,
Ke ca casepor bayəd əndaxtən".
422
məcbur olub istər-istəməz Mazandarana rəvan oldu. O, Firuzcah
qalasının yanında Pirə Məhəmməd və Qorxmaz xanla görüşüb,
qalanın möhkəmliyi və Mirzə xanın qaladarlıq səriştəsi haqda
məlumat əldə etdi. Onlar bu qalanın belə tezliklə fəth
olunmayacağını və qızılbaş ləşkərinə xəsarət dəyəcəyini başa
düşdülər. Buna görə də Şahrux xan Mirzə xanla dostluq münasibəti
yaratmağa çalışdı və arada yazışma və elçi get-gəli başlandı. Mirzə
xana təsəlli verib dedi: "Əgər İran padşahı Mazandaran hakimliyini
dəyişmək istəsə, onunla döyüşməyiniz sizin nəslinizin qırılmasına
və böyük fəsada səbəb ola bilər. Yox, əgər qalanın mühasirəsi bir-iki
il davam edərsə, sizə heç bir yandan kömək gəlib çata bilməz və
nəticədə qala fəth oluna bilər. Əgər siz müxalifətdə və qaladarlıqda
belə davam etsəniz, qala alındıqdan sonra vəziyyətiniz bədbəxtliklə
nəticələnə bilər. İndi məsləhət budur ki, müxalifəti tərk edərək
dərgahın mötəbər qulamları və dövlətin sütunları olan bizlərlə birgə
yola düşəsiniz və nəvvab Məhdülya sizin bu hərəkətiniz
müqabilində ola bilsin ki, sizi əfv etsin. Əgər belə olmasa, siz haranı
istəsəniz oranı özünüzə vətən edib, həyatınızı arxayınlıqla davam
etdirə bilərsiniz".
Mirzə xan düşünüb bu təkliflə razılaşmadı, dedi:
"Mazandaranlılar heç bir lətəfata yol vermədən kiçik bir cəza
almaqla bu işdən yaxa qurtara bilməzlər, Məhdülya atamın atasının
qanlısı olduğunu bilir. O, şəksiz-şübhəsiz atasının qanını almaqdan
ötrü məni qətlə yetirəcək. Mələkənin bu işi təkcə mal və mülkdən
ötrü deyil, mənim ömrümü fəqət bir neçə gün uzatmaq üçündür".
Şahrux xan və əmirlər onun iddialarına zamin durub Allah-
təalaya and içərək dedilər: "Onu öldürməyəcək və gözlərini
çıxarmayacaqlar. Biz İsgəndər şanlı nəvvabdan və nəvvab
Məhdülyadan onun qanının bağışlanmasını xahiş edəcəyik və ona
sədəmə yetirilməsinə razı olmayacayıq".
Adı çəkilən adamların dövlət adamları olduqlarını və heç bir
böyük və ya kiçik işlərin onların razılığı olmadan həyata
keçirilmədiyini bilən Mirzə xan onların andlarına inanıb qalanı
təslim edərək çölə çıxdı.
423
Mazandaran hakimi Mirzə xanın
Məhdülyanın əmri ilə öldürülməsi:
Əmirlər onun xatircəmliyi üçün mal-dövlətinə əl uzatmadan
qalanı nəvvab Məhdülyanın adamlarına verdilər, onu isə özləri ilə
götürüb ali saraya rəvan oldular. Həqiqətən də onlar güman
etmirdilər ki, nəvvab Məhdülya onların xahişi ilə razılaşmayacaqdır.
Amma elə ki, qalanın fəthi və Mirzə xanın ələ keçirilməsi xəbəri
nəvvab Məhdülyaya ərz olundu, əmirlərin Mirzə xanla etdikləri əhd-
peymandan incidi. Mələkə istəyirdi ki, qala hücumla alınsın və
Mirzə xan döyüş zamanı ələ keçirilsin. Belə olası təqdirdə, bəlkə
onun qətlindən əl çəkər və Mirzə xan buna görə ondan məmnun qala
bilərdi.
Amma, mələkə əmirlərin xahişlərinin əksinə gedib Mirzə xanın
qətlini qərara aldı. Xülasə, Şahrux xan və əmirlər Qəzvinin bir
fərsəxliyinə çatıb atdan düşdülər ki, ertəsi gün Qəzvinə daxil
olsunlar. Nəvvab Məhdülya əmirlərin ordusuna gedərək Mirzə xanı
onlardan almaq üçün əzəmətli qorçilərdən otuz nəfərini orduya
göndərdi. O, qorçilərlə belə qərara gəlmişdi ki, Mirzə xan onlara
verilən kimi elə həmin gecə əmirlərin xəbərləri olmadan onu həlak
etsinlər.
Elə ki, qorçilər əmirlərin ordusuna gedib çatdılar, Mirzə xanı
tələb etdilər. Əmirlər bu tələbdən şübhələndilər onu təhvil
verməkdən boyun qaçırdılar və dedilər: "Biz öz işimizi görmüşük və
sabah onu qızılbaşların əhatəsində ali dərgaha gətirib padşahın
nəzərinə yetirərik". Qorçilər aldıqları fərmana əməl edib onların
dediyini qəbul etmədilər, padşah hökmünün icrasında israrlı oldular.
Əmirlər xanın qətl olunacağını bilmədikdən padşah hökmünün
əleyhinə getmədilər və xanı qorçilərə verdilər ki, gecəni orduda
qalıb sübh onlarla birlikdə şəhərə gəlsinlər. Qorçilər isə hökmə əməl
edib elə həmin gecə xanı həlak etdilər. Şahrux xan, Pirə Məhəmməd
xan, Qorxmaz xan və əzəmətli əmirlər bu hadisənin baş
verməsindən bərk incidilər və onların nəvvab Məhdülyaya
ürəklərində bəslədikləri kinləri daha da artdı. Amma, əlacları
olmadığından bir daha bu haqda danışmayıb şəhərə gəldilər, şahla
görüş şərəfinə yetişdilər. Onlar nəvvab mələkənin səcdəsinə gedərək
ona dua etdikləri üçün, gözlədikləri xanın əfvi məsələsi həyata keçə
bilmədi və bu məsələ onların nəvvab Məhdülyaya olan qəzəbini
daha da artırmış oldu. İş gətirib buna çıxardı ki, onlar Kaşan
424
hakimliyindən çıxarılan Məhəmməd xan Türkmanın müdafiəsinə
qalxdılar və öz fikirlərini aşkar şəkildə zahirə çıxardılar. Saleh bir
günahsız adam və seyidzadə olan Mirzə xanın qətl hadisəsi çərxi-
fələyin məsləhəti və əmirlərin pis münasibəti, qadınların cəhalət və
qüruru, həmçinin şeytanın yoldan çıxarmasıyla ağızlarda
hallanmağa başladı. Bu isə nəvvab Məhdülyanın xoşuna gəlmədi ki,
bunun şərhi Xorasan hadisələrinin şərhindən sonra təfsilatla
veriləcəkdir.
Mir Əlixan da Mazandaran hakimliyindən xeyir görməyib, elə o
günlərdə öz ömür aləminə vida etdi, Mazandaranda hərc-mərclik
yarandı, hər bir tayfa məlikinin başında bir sevda baş qaldırdı.
Nəticədə övlad qalasını və Mazandaranın yarısını Ağa Əlvənd Div,
digər yarısını isə Mazandaran əmirlərindən olan Seyid Müzəffər
Mürtəzayi zəbt etdilər. O mülkün əyanları da iki tərəfə ayrılaraq bir
tərəf Əlvənd Div, o biri tərəfsə Seyid Müzəffərə itaət etdi.
Qızılbaşların arasında baş verməkdə olan hadisələrin çoxluğu
üzündən əzəmətli əmirlər və dövlət başçılarının heç biri
Mazandaranda baş verənlərə baş qoşmadı.
XORASAN MÜLKÜNDƏ BAŞ VERƏN
ÜRƏKAÇAN BİR HEKAYƏT BARƏDƏ SÖHBƏT
Baş verən hadisələri bədii tərzdə yazan qələmlə bundan əvvəl
xəbər vermişdik ki, İsmayıl Mirzə dövlət və iqbal sütunlarını (payə),
qardaşlarını və imam övladlarını qırmaqla kifayətlənməyərək,
özünün rəhm şilləsini birdəfəlik olaraq böyük və adlı-sanlı qardaşı,
bir anadan doğulduqları İsgəndər şanlı nəvvabın sifətinə vurmaq
istəyirdi, amma bu zaman ilahi qeyrət hərəkətə gəldi və bu cəza baş
tutmadı. Xülasə, özünün Herata hakim və əmirül-üməra vəzifəsinə
təyin etdiyi Əliqulu xan Şamlıya - Durmuş xanın nəvəsinə
tapşırmışdı ki, nəvvab Herata gəlib çatan kimi dövlət və iqbal
çəmənini bəzəyən o səadətli nihalı (ağac, qələm - Ş.F.) yəni
əlahəzrət zilləllah şahı aradan götürsün və beləliklə onlardan asudə
olsun. İsgandər şanlı nəvvabın nökərzadəsi və o həzrətin illərlə
çörək verib boya-başa çatdırdığı adam olan Əliqulu xan axı belə bir
işə - öz vəlinemətzadəsinə qarşı, Allah eləməsin, necə əl qaldıra
bilərdi? Əliqulu xan və o sülalənin yaxınlarından olan xanın
hörmətli anası əlahəzrətin (Abbas Mirzənin - Ş.F.) və başqa
şahzadələrin süd anası (madəre-rezai) idi. Onlar elə bir hökmdən
425
kədərləndilər. Amma, İsgəndər Mirzə tərəfindən vəzifəyə təyin
olunan və yüksək xan ləqəbinə və mərtəbəsinə layiq görülən o
şərafətli əmirül-üməranın padşahın əmrini yerinə yetirməkdən başqa
heç bir çarəsi yox idi. Onun və şanlı ağalarının fikirləri onlara
tapşırılan əmrə görə beləydi ki, onların gəlib şəhərə daxil olduqları
vaxt tapşırığa əməl etsinlər, hətta bircə gün belə onların
yaşamalarına imkan verilməsin. O vaxt Heratda olan etibarlı
adamların sözlərinə görə bunlar məlum olur: Ali mənsəbə çatan və
yüksək xan ləqəbinə layiq görülən Əliqulu xan Şamlı bu dəhşətli
işdən boyun qaçırdı və qəmgin halda yol gəlib mübarək Ramazan
ayının iyirmi altısında (7 dekabr) cəhar şənbə günü gözəl Herata
çatdı. Amma, ramazanın iyirmi yeddisi (8 dekabr) İslam əhlinini
etiqadına görə, qədir gecəsi olduğundan həmin sülalə qadınları bu
mübarək gecədə o bigünahların - o seyidzadələrin qətlinə mane
oldular və bu işin yerinə yetirilməsini bir gündən sonraya saxladılar.
O günün özü də cümə gününə təsadüf etdiyindən həmin işə iqdam
olunmadı. Sonrasa bayram günləri başlandı ki, belə günlər də
şadyanalıq günləridir [Xan] eys və şadlıq (sorur) günlərində bayram
günlərinə zəhər qatıb adamlara damcı-damcı zəhər (təcərro)
içirilməsini istəmədi, bayramın bitməsini gözlədi.
"Görək nə doğacaq hamilə gecə"
330
Sanki, asimani bir ilham onların yaddaş güzgüsünə zühur işığı
saldı və bildirdi ki, yaxın vaxtlarda qeyb pərdəsi arxasından qəribə
və təəccüblü (əcib) bir vəziyyət görünəcəkdir. Övliyalar şahı, pak
adamların (ətqiya) sərvəri, bağlı xəzinələrin (künuz) açarı, "Mən
elmin səhəriyəm, Əli isə onun qapısıdır"
331
deyən o həzrətin
(Məhəmməd peyğəmbərin - Ş.F.) söylədiyi bu fikir qeyb
mələklərinin gətirdikləri xəbərə (soruş) və həqiqəti əks etdirən
aşağıdakı beytlərə uyğun gəlir:
Allahın nə gizlin səxavəti var
Ki, qahil insana fəqət həxş olar.
330
Misranın farscası:
"Bebin ta çe zayəd, şəb abestənəst".
331
Cümlənin ərəbcəsi:
"Ənə mədinətu-l-elmi və Əliyyun bəbuhə".
426
Kədərdən sonrakı fərəh nə gözəl!
Kədərin hitməsi seyincə təməl
Gün var ki, sübhünü qəmə döndərir,
Elə gün də var ki, sənə həzz verir:
332
Xülasə, bayramdan sonra şəvval ayının ikisində (13
dekabr) padşahın qəzəb ümmanının dalğalarını təlatümə gətirən o
qətl hadisəsinin bu gecə həyata keçiriləcəyi haqda xəbər rəiyyət və
döyüşçülər arasında yayıldı. Günün axırında bəzi işlərin icrası üçün
Qəzvində qalan Əliqulu xanın vəkili Sultan Mahmud bəy Beyxərli,
İsmayıl Mirzənin vəfatından sonra bu xəbəri yaymaqdan ötrü Herat
darüssəltənəsinə rəvan oldu, gəlib oraya çatdı. Elə ki, İraq
dərvazəsindən keçib şəhərə daxil oldu, dərvazəbanlardan*
(qapıçılardan - Ş.F.) şahzadənin mübarək vücudunun sağ-salamat
olub-olmamasını soruşdu. Qapıçılar hümayun zatın salamatlıq
müjdəsini bildirdilər. Sonra o, Əliqulu xanın yanına gələrək baş
vermiş hadisəni bəyan etdi. Ötən neçə gün ərzində Herata gələn və
hələ hakimlik və qaladarlıqla məşğul ola bilməyən cənab xan və
şamlı ağaları İsmayıl Mirzənin başına gəlmiş ölüm hadisəsindən hali
olaraq, ətraf məliklərin və özbəklərin üsyana qalxacaqlarından
qorxdular, amma şahzadənin və əlahəzrət zilləllah şahın sağ-salamat
qalmalarından şad oldular, İlahiyə şükr və dua (səcdə) eldilər, xilafət
və şadimanlıq dəryasının yenicə böyüməyə başlayan cavan ağacının
(burada: şahzadəsinin - Ş.F.) əziz vücudunun məmləkətin əmniyyəti
və inkişafı üçün sərmayə olduğunu düşünərək, səmimi-qəlbdən ona
mülazim və qulam olmağı özlərinə borc bildilər, o həzrətin dövlət və
iqbalına ümid etdilər. O diyarın əhalisi baş verənləri vəziyyətin dili
ilə belə tərənnüm etməkdəkdir:
Dostları ilə paylaş: |