Mövzu 6. Layihədə münaqişələrin idarə edilməsi 6.1. Layihələrdə münaqişələrin növləri 6.2. Münaqişələrin idarə edilməsi modelləri.
6.1.Layihələrdə münaqişələrin növləri Layihələrin idarə edilməsində əsas beş münaqişə səviyyəsi qeydə alınmışdır: 1. Şəxsi münaqişə; 2. Şəxslərarası münaqişə; 3. Qrupdaxili münaqişə; 4. Qruplararası münaqişə; 5. Təşkilatlararası münaqişə.
Şəxsi münaqişə. Bəzən belə olur ki, menecerlər arasında müəyyən məsələlər üzrə fikir ayrılığı mövcud olur. Məsələn, təşkilatlarda aparılan ixtisar zamanı təşkilatın daha səmərəli işləməsilə bağlı tələbləri yerinə yetirən menecer digər tərəfdən ixtisara düşən insanlar ilə münaqişəyə girir. Digər nümunə kimi belə bir vəziyyəti göstərmək olar ki, işçilərdən bəziləri normadan artıq işləyir, digərləri isə evdə istirahət edirlər (şəkil 6.1).
Tabeçilikdə olan şəxslər
Şəkil 6.1. Layihə menecerinin münaqişə mühiti.
Layihə menecerini əhatə edən münaqişə dünyası aşağıdakılardır: Şəxslərarası münaqişə. Bu tipli münaqişələr adətən, eyni səlahiyyətlərə malik olan və vəzifə bölgüsündə namizədlikləri eyni səviyyədə olan iki şəxs arasında baş verir. Layihədə işin yerinə yetirilməsində müxtəlif yanaşmalar və fikir ayrılığı da münaqişəyə səbəb olur.
Qrupdaxili münaqişə. Qrupdaxili münaqişələr ehtiyatların paylanması prosesində, mükafatların müəyyən edilməsi və paylanması normalarının tətbiqində qruplardan biri üçün daha yaxşı şəraitin yaradılmasını görən bir qrupun bölmələri arasında baş verir.
