|
Memarlıq və incəsənət
Səlcuqlular minlərlə memarlıq nümunələri ərsəyə gətirmişdilər. Saray, karvansaray, məscid, mədrəsə, türbə, çeşmə və bir çox başqa tərz memarlıq əsərləri də məhz onların zamanında meydana gətirilmişdir. Səlcuqlular daş, ağac və dəmir üzərində ustalıqla yonma texnikasını həyata keçirirdilər. Həmçinin bu dövrdə kitabların üz qapaqlarının da bəzədilməsi müvəffəqiyyətlə icra olunurdu.
Miniatür sənəti də məhz Səlcuqlular dövründə xüsusən yayılmışdı. Mövlanə, Y.Əmrə, Nəsrəddin Hoca məhz bu dövrdə yaşayıb yaratmışlardı.
Səlcuqlularda 1277-ci ilə qədər rəsmi dil və mədəniyyət dili olaraq ərəbcə və farsca olmuşdur. Məşhurların çoxu məhz farsca yazırdı. 1277-ci ildə Karamanoğlu Mehmed bəy məşhur fərmanını imzalamış və orada Türk dili haqqında bunları demişdir: “Bu gündən sonra divanda, dərgahda, məclisdə və meydanda Türkcədən başqa dil istifadə edilməyəcək”. Lakin türkcənin dövlət dili olaraq güclənməsi və bu dildə yazılmış böyük bir ədəbiyyatın yaranması 13-cü əsrin sonu, 14-cü əsrin əvvəllərinə təsadüf edəcəkdir.
Dostları ilə paylaş: |
